Nyanndra Mun 22:6 - NYANMIƐN NDƐ'N 1998

⁶ Atin b'ɔ ti klanman bɔ bakan'n ko fa su'n, kle i i bakan nun. I liɛ'n, kɛ ɔ ´fa yo kpɛnngbɛn'n, ɔ su yaci ko fa-man uflɛ.

Nyanndra Mun 22:6 ပူးပေါင်းရင်းမြစ်များ

Bo Bolɛ 18:19

M'an kpɛ i kɛ ɔ kan kle i mma mun nin be anunman nga be ´wu be'n be kɛ be `fa min atin'n su be nanti sɛsɛ, nan m'an yo like nga n kan kleli i kɛ n ´yo'n.»

Efɛzfuɛ Mun 6:4

Nja mun, amun kusu, nán an yo sa b'ɔ kun amun mma'm be ya, sanngɛ an `ta be kpa e Min'n liɛ'n su, yɛ an `tu be fɔ, an `kle be ngwlɛlɛ.

Mmla'n 11:19

Amun `fa kle amun mma mun sɛ an ti amun awlo lɔ o, amun `kan, sɛ amun o atin'n su amun su kɔ lika o, amun `kan, sɛ amun wa la o, sɛ amun tinnge o, amun `kan.

Mmla'n 4:9

Sanngɛ amun `nian amún wun kpa cɛn kwlakwla kɛ ɔ ´yo nan amún wla ɔ'a fi-man sa nga amun bɔbɔ amun wunnin be'n ti. Nán man be fin amun akunndan nun fite le. Amun `fa kle amun mma mun nin amun anunman mun.

Mmla'n 6:7

Amun `fa kle amun mma mun, sɛ amun ti amun awlo lɔ, amun `kan, sɛ amun wo atin su amun su kɔ lika o, amun `kan, sɛ amun wa la o, sɛ amun tinnge o, amun `kan.

2 Timote 3:15

Kɛ ɔ fin ɔ ba kaan nun'n, a si Nyanmiɛn Ndɛ nga be klɛli'n yɛ man a si ngwlɛlɛ b'ɔ man sɛ be lafi Krist su-ɔ be nyan bé ti nin-ɔn.

Jɔlɛ Difuɛ Mun 13:12

Manɔak seli kɛ: «Ndɛ'n yɛ a kɛnnin i lɛ-ɔ. ?Sɛ sa sɔ'n i nuan yia'n, nguɛ yɛ e ´yo e man ba nin-ɔn?»

1 Samiɛl 1:28

Ɔ man n kusu n waan n ´fɛ i man Anannganman. Ɔ ´yo i liɛ lele ɔ ´fa ju i wie cɛn.» Kɛ ɔ yoli sɔ'n, yɛ Ɛlkana i awlofuɛ'm be kwlaa be kotoli Anannganman i bo-ɔ.

1 Samiɛl 2:26

Samiɛl kan'n kusu ɔ nyin kɔ i nyrun. I wun yo Anannganman ɔ nin sran'm be fɛ.