Nyanndra Mun 22:3 - NYANMIƐN NDƐ'N 1998

³ Sran ng'ɔ ti ngwlɛlɛfuɛ'n, kɛ ɔ wun kɛ ndɛ tɛ wie su ba'n, kpɛkuun ɔ'a cuɛn i wun ɔ'a yi i ja. Sanngɛ be nga be bɔbɔ be kwla uka-man be wun'n be liɛ'n, be ko kuku bé wun yi nun, kpɛkuun b'a wun i nuan sa fiaan.

Nyanndra Mun 22:3 ပူးပေါင်းရင်းမြစ်များ

Nyanndra Mun 1:22

«?Ɔo, sinnglinfuɛ mun, nan kɛ amún ti ´ka sinnzin'n nun sa bɔ tititi? ?Amun nga amun to sran mma'n, nan i su cɛ yɛ amun ´ka sa titi-ɔ? ?Amun bɔ amun wun-man sa wlɛ'n, amun kusu, nan kɛ an ´fa amún nyin ci ngwlɛlɛ'n sa?

Nyanndra Mun 14:16

Sran akunndanfuɛ'n ɔ sro sa tɛ yolɛ'n. Ɔ man ɔ yo-man sa tɛ. Sran ng'ɔ ti sinnglinfuɛ'n i liɛ'n, ɔ tu i wun, afin ɔ lafi i bɔbɔ wun su.

Nyanndra Mun 22:4

Sran nga b'ɔ kɛn i wun ase b'ɔ i nyin yi Anannganman'n, ɔ nyɛn i wun. Sran wun i-ɔ, i nyin yi i. Ɔ cɛ.

Nyanndra Mun 27:12

Kɛ ngwlɛlɛfuɛ'n wun ndɛ'n bɔ ɔ'a wla trɔ b'ɔ ´ba'n, ɔ cuɛn i wun. Sanngɛ sran nga i bɔbɔ ɔ kwla ukɛ-mɛn i wun'n, ɔ fɛ i wun ko yi nun. Ɔ man kusu ɔ isa ndɛ sɔ'n i bo nzuɛn'n.

Nyanndra Mun 29:1

Sran nga bɔ ɔ'a yo-man sa kpa bɔ i waan nán be tu i fɔ mlɔnmlɔn'n, cɛn ng'ɔ ´tɔ'n ɔ ti le kunngba.

Nyanndra Mun 7:7

Ɔ liɛ gbanflɛn nga be si-man sa'n, be nun yasua kaan kun i sinnzin liɛ tra ngba, i sɔ'n ti nan m'an sie i nzɔliɛ.

Hébreu 11:7

Nyanmiɛn su bɔ Noe lafi'n ti, kɛ ɔ boli like nga be nian wun-mɛn i le'n su kleli i'n, ɔ boboli mmeli kun ɔ fa deli i osufuɛ mun srolɛ b'ɔ sro i'n ti. Kɛ ɔ yoli sɔ'n, ɔ buli mɛnfuɛ'm be fɔ, yɛ ɔ yoli sran kpa i su b'ɔ lafi'n ti .

Hébreu 6:18

Ɔ man ndɛ ng'ɔ kannin'n nin nda ng'ɔ tali'n, like nnyɔn sɔ'n ɔ kaci-man be, ɔ bua-man ato. I sɔ'n ti'n, ɔ wla e bɔ e taloli i'n e fanngan kɛ e kplin é nyin nan e nyan like ng'ɔ sie e nyrun lɔ sieli ye'n, bɔ é wla o su kɛ e ´nyɛn i'n.