Nyanndra Mun 22:29 - NYANMIƐN NDƐ'N 1998

²⁹ Nian sran kun nga bɔ i sa si ngwlɛlɛ'n, cɛn wie lele a ´nian-an, ɔ su di famiɛn'n i junman. Ɔ su ka-man bui bo sa mlɔnmlɔn.

Nyanndra Mun 22:29 ပူးပေါင်းရင်းမြစ်များ

Bo Bolɛ 41:38

Famiɛn usali be kɛ: «?Sran nga Nyanmiɛn wawɛ'n wo i nun kɛ gbanflɛn nga sa'n, ninfan cɛ yɛ e ´nyan uflɛ-ɔ?»

Bo Bolɛ 41:46

Kɛ Zozɛf ´kɔ famiɛn'n i nyrun'n, wuun ɔ'a di afuɛ ablasan.

Bo Bolɛ 47:6

Ezipt mɛn wunmuan'n yɛ ɔ o lɛ-ɔ, nian lika ng'ɔ ti kpa'n nan fa be sie nun. Gozɛn akpasua'n yɛ ɔ o lɛ-ɔ, man be tran nun. Sɛ a nian nan sran nanndoliɛfuɛ o be nun'n, man be nian min nnɛn'm be su.»

2 Samiɛl 2:32

David i fuɛ'm be ko fali Azaɛl be ko sieli i i si i asieliɛ'n nun Bɛtleɛm lɔ. I sin Zoab nin i sran'm be nantili kɔnguɛ wunmuan'n, kɛ be ´ju Ebrɔn'n, wuun aliɛ'n ɔ'a cɛn.

1 Famiɛn Mun 10:8

Ɔ sran mun, ɔ nin ɔ sufuɛ nga be tran ɔ́ wun wa titi'n, bɔ be ti ɔ ngwlɛlɛ ndɛ mun'n be liɛ su ti ye o.

1 Famiɛn Mun 11:28

Zeroboam sɔ'n ti yasua sran, yɛ ɔ ti juejue. Kɛ Salomɔn wunnin kɛ ɔ ti junman yofuɛ'n, ɔ man ɔ sieli i kpɛn Zozɛf i akpasua'n su junman difuɛ'm be su.

1 Be Nyoliɛ 4:23

Be osu'n nunfuɛ'm be ti sɛ wufuɛ. Be tran nnɛn'm be kuku'm be wun lɔ nin fie'm be su. Be di junman man famiɛn'n.

Nyanndra Mun 10:4

Sran nga i ja kan-man i sa kan-man'n, ɔ di yalɛ. Sanngɛ be nga bé sa waka'n ti kekle'n, be nyan bé wun.

Nyanndra Mun 12:24

Sran ng'ɔ klo junman yolɛ'n yɛ ɔ di kpɛn-ɔn. Ainkuɛn'n kusu i agualiɛ yɛlɛ akua yolɛ.

Nyanndra Mun 23:1

Sɛ a nin sran lɔun kun amun ti amun su di like'n, like nga a ´di'n, bu i akunndan.

Akunndanfuɛ'n 9:10

Like kwlaa nga a ´yo'n, fa ɔ wunmiɛn'n gua su yo. Afin kɛ a wa wu a ´kɔ lɔ lɛ'n, i junman dilɛ o, i sa nun yiyilɛ o, i sa silɛ o, i ngwlɛlɛ o, be wie fi nun-man lɔ kun.

Daniɛl 1:19

Famiɛn'n nin be kwlaa be ijɔli. Kɛ ɔ niannin gbanflɛn sɔ'm be kwlaa'n, ɔ'a wun-man be nun sran kun bɔ i nyrun ba nyan kɛ Daniɛl, nin Anania, nin Mikaɛl, ɔ nin Azaria be sa-a. Yɛ be boli famiɛn i junman'n i dilɛ i bo-ɔ.

Daniɛl 1:4

I waan man be yo gbanflɛn bɔ fɔ kaan sa nun-man be wunnɛn'n su, bɔ be nyrun'n ti klanman, bɔ be ti akunndanfuɛ nin ngwlɛlɛfuɛ mun, bɔ be si like, bɔ be kwla di junman i awlo nun'n. I waan be `kle be Babilɔnifuɛ'm be aniɛn'n nin be fluwa'n.

Matthieu 25:21

I min'n seli i kɛ: ‹Ɔ ti kpa. A ti sran kpa, a ti nanwlɛfuɛ, like kaan nga n fa mannin wɔ'n, a yoli i kpa, i sɔ'n ti n kusu n ´fa wɔ sie like dan su. Bla man e si able.›

Matthieu 25:23

I min'n seli i kɛ: ‹Ɔ ti kpa. A ti sran kpa, a ti nanwlɛfuɛ, like kaan nga n fa mannin wɔ'n, a yoli i kpa, i sɔ'n ti n ´fa wɔ sie like dan su. Bla man e si able.›

Rɔmfuɛ Mun 12:11

Nán an yo fuɛn, sanngɛ an `yo keklefuɛ. An `yo sran waka-wakafuɛ. An `di e Min'n i junman'n kpa.

2 Timote 4:2

sɛ a nyan ɔ́ ti o, sɛ a nyan-man ɔ́ ti o, kan Nyanmiɛn ndɛ'n jran su kpa kle sran mun man be wun i wlɛ. Sran ng'ɔ yo sa'n ijɔ i, wla be fanngan, tra wɔ anwlɛn kpa kle be.

1 Samiɛl 16:21

Kɛ David juli Sail wun lɔ b'ɔ wunnin i'n, Sail kloli i kpa. Ɔ fɛli i fa yoli i alɛ ninnge suafuɛ.

1 Samiɛl 17:31

David liɛ ng'ɔ kannin'n, sran'm be tili. Be ko kan kleli Sail, nan Sail ɔ'a yi sran b'a ko flɛ David.