Nyanndra Mun 22:23 - NYANMIƐN NDƐ'N 1998

²³ Afin Anannganman de i sɔ sran liɛ'm bé ti ndɛ kan. Ɔ sran nga a de yalɛfuɛ i wun ninnge mun'n, Anannganman ´kpɛ ɔ nguan'n i sin.

Nyanndra Mun 22:23 ပူးပေါင်းရင်းမြစ်များ

Jue Mun 103:6

Ɔ jran sran'm bé sin di be jɔlɛ mun. Ɔ nian be bɔ be mian-mian be'n be ndɛ'm be nun di be kpa.

Jue Mun 12:5

Man ɔ nunnun be bɔ be se kɛ: «E si nga e ko kan nan y'a nyan kwlalɛ'n. E nuan waka'n wo lɛ. ?Wan cɛ yɛ ɔ kwla sie ye-ɔ?»

Jue Mun 12:6

Anannganman waan: «Yalɛfuɛ nga be kle be yalɛ'n, ɔ nin nyrɛnnɛn wunfuɛ nga be fɛfɛ'n, bé ti m'an jaso. Be bɔ be kankan be bo'n, n su ba be delɛ.»

Jue Mun 140:12

Nán sran b'ɔ ti sran'm be suɛn tɔnfuɛ'n ɔ ka mɛn ng'ɔ o yɛ'n nun. Man nyrɛnnɛn tɔ sran ng'ɔ yo sran'm be sa kekleekle'n i su tikatikatika.

Jue Mun 140:13

N si kɛ Anannganman di nyrɛnnɛnfuɛ'm be jɔlɛ mun klanman man be, yɛ ɔ bu-man yalɛfuɛ'm be ndɛ kwlɛ.

Jue Mun 35:1

Jue nga ti David liɛ. I waan: Anannganman, be nga be kle min yalɛ'n, kle be yalɛ wie. A nin be nga be nin min kun'n, amun `kun.

Jue Mun 35:10

N ´tu n klun, n ´se kɛ: «Ee! Anannganman, a lɛ-man wunsu mlɔnmlɔn. Wɔ man nyrɛnnɛnfuɛ'n ɔ nyɛn i ti sran ng'ɔ kwlɛ i'n i sa nun. Wɔ man nyrɛnnɛnfuɛ'n nin yalɛfuɛ'n, be nyan bé ti sran ng'ɔ fɛn bé bo ninnge kanngan'n bé sa nun'n i sa nun.»

Jue Mun 43:1

Ee, Nyanmiɛn! Di min jɔlɛ mun klanman man min, jran min sin man e nin be bɔ be si-man wɔ'n e kan. De min gblɛfuɛ mun nin ndrunmun difuɛ'm bé sa nun.

Jue Mun 68:5

An `to jue manman Nyanmiɛn, amun `bo flɛ i! Amun `trɛ atin'n nun be `man sran b'ɔ fa nyanmiɛn ble'n yo i nnɛn kpanngɔ fu su'n. Ɔ suan Anannganman. Amun `tu kpɛn si able i nyrun.

Ezipt Lɔ Tulɛ'n 22:22

Sɛ amun yo be tɛtɛ'n, be ´flɛ min kɛ min Anannganman n de be, yɛ n kan kle amun kɛ n ´ti bé flɛlɛ'n.

Ezipt Lɔ Tulɛ'n 22:23

N ´fa ya amun wun, kpɛkuun n ´yo man alɛ ´di amun, yɛ amun yi'm be ´yo angboti, amun mma'm be kusu be ´ka aika.

Nyanndra Mun 21:7

Klunwifuɛ'm bé sa tɛtɛ'n ɔ mlin be, afin be kunndɛ-man kɛ be ´yo sa kpa.

Nyanndra Mun 23:11

Afin Anannganman ´jran bé sin ɔ nin wɔ be ´kan.

Ezai 33:1

Ɔ bɔ a saci like'n bɔ be nian saci-man wɔ wie'n, ɔ yako! Ɔ bɔ a laka ɔ wiengu mun'n bɔ be nian laka-man wɔ wie'n, ɔ yako! Kɛ a ko wie ninnge'm be saci'n, be ´saci wɔ wie kusu. Kɛ a ko wie ɔ wiengu be laka'n, be ´laka wɔ be ´nyan wɔ wie kusu.

Zeremi 30:16

Sanngɛ sɛ n ´kwla se'n, be kwlaa nga be kpisali wɔ, be mɛnnin wɔ bi'n, be ´kpisa be be ´mɛn be bi wie. Be ´tra ɔ kpɔfuɛ'm be kwlaa be ´kɔ. Be nga be sacili ɔ́ bo ninnge mun'n, be ´saci be liɛ'n wie. Be nga be fɛnnin ɔ́ bo ninnge'n, n ´yaci be ninnge liɛ'n kusu lɛ man be ´fɛn.

Zeremi 50:34

Sanngɛ bé ti ngondin tufuɛ'n ɔ lɛ wunmiɛn. Be flɛ i kɛ: Anannganman B'ɔ Sie Mɛn Wunmuan'n. Ɔ ´tu bé ti ngondin. Ɔ man be mɛn'n ´nyan fɔundi. I kunngba'n man Babilɔnifuɛ'm bé wun ´usu be.»

Zeremi 51:36

Anannganman'n kusu wan yoo: «N ´de amun ti ngondin'n n ´tu. N ´tu amun klunngbɔ'n. N wa yo man Babilɔni jenvie'n ɔ `wie nun. I nzue ti'n ´wie nun.

Mise 7:9

Sɛ Anannganman'n fa é wun ya'n, i su-ɔ, afin e fɔnnin i wun. Sanngɛ ɔ ju i blɛ-ɔ, Anannganman ´jran é sin, ɔ ´di é ti ndɛ, ɔ ´yi ye fite weiin nun. I sɔ sa kpakpa ng'ɔ yo man ye'n, e bɔbɔ e ´wun i .

Abakik 2:8

Mɛn nga amun fɛnnin be nun ninnge'm be sɔnnin. Kɛ amun ko kun sran'n, amu'an kun i. Sa kekleekle nga amun yoli be mɛn'n nun nin klɔ'm be su'n, ɔ nin be su sran'm be su'n ti, be nga be o lɛ'n be kusu be wa fɛn amún bo ninnge liɛ'n wie.

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

1 Samiɛl 24:12

Nannan, ɔ li nian. Ɔ tralɛ'n i nuan njɔlɛ'n yɛ ɔ o mín sa nun yɛ. N kpɛli ɔ tralɛ nuan njɔlɛ sanngɛ m'an kun-man wɔ. ?Kɛlɛ sɛ m bu ɔ́ wun akunndan tɛ'n, sɛ n waan n ´yo nyin kekle ɔ́ su'n, wuun kɛ n ´yo sɔ-ɔ? M'an yo-man wɔ tɛ. Sanngɛ kpɛkuun kunlɛ cɛ yɛ ɔ waan a ´kun min-ɔn, i ti a su mín su sa cɔcɔcɔ.

1 Samiɛl 24:15

?Wan yɛ Izraɛl famiɛn'n nin i be su ko kun yɛ? ?Alua fuɛn kɛ min sa'n, sɔsɔwa kan kɛ min sa'n, min-ɔn?

1 Samiɛl 25:39

Kɛ David tili Nabal i wie'n, i waan: «N ´la Anannganman ase, afin ɔ'a yi nzowa nga Nabal kpɛli min'n ɔ'a mɛn i. Ɔ man m'an yo-man tɛ. Anannganman fali Nabal klunwi trɔ'n jinnin i bɔbɔ i ti su.» I sin David sunmannin sran Abigail sin kɛ ɔ ´fɛ i yo i yi.