Nyanndra Mun 22:22 - NYANMIƐN NDƐ'N 1998

²² Nán nian kɛ yalɛfuɛ'n lɛ-man sran'n ti de i wun ninnge mun. Sran b'ɔ lɛ-man wie'n, bɔ sɛ jɔlɛ diwlɛ lɔ be su di i ndɛ kwlɛ'n nán jran bé sin.

Nyanndra Mun 22:22 ပူးပေါင်းရင်းမြစ်များ

Zɔb I Nyrɛnnɛn Wunlɛ 31:16

?Kɛ yalɛfuɛ'm be srɛ min like m'an yo be anwɛn le? ?Angboti bla wie ɔ'a minndɛ min like wie ti lele ɔ'a fɛ ngbɛn le?

Zɔb I Nyrɛnnɛn Wunlɛ 31:21

sɛ jɔlɛ diwlɛ lɔ'n, n jasoli aika wie wun kɛ n ´nian bɔ jɔlɛ difuɛ'm be ´jran min sin'n ti'n,

Ezipt Lɔ Tulɛ'n 23:3

Sɛ sran kun ti yalɛfuɛ bɔbɔ nan i ndɛ yo-man fɛ'n, nán nian kɛ ɔ ti yalɛfuɛ'n ti a se kɛ a jran i sin.

Ezipt Lɔ Tulɛ'n 23:6

Sɛ sran wie waan a `di i jɔlɛ'n, sɛ ɔ ti yalɛfuɛ bɔbɔ'n, nán niɛn i yalɛ'n ti bu i ndɛ kwlɛ.

Nyanndra Mun 21:7

Klunwifuɛ'm bé sa tɛtɛ'n ɔ mlin be, afin be kunndɛ-man kɛ be ´yo sa kpa.

Nyanndra Mun 22:16

Sran ng'ɔ kle yalɛfuɛ'n i yalɛ'n, wuun ɔ su mɛn i anyanbeun. Sran nga kusu b'ɔ cɛ wlengbifuɛ like'n, i bɔbɔ di yalɛ.

Ezai 10:2

Be di-man yalɛfuɛ'm be ndɛ liɛ mun. Like ng'ɔ ti min nvle nun yalɛfuɛ'm be liɛ'n, be fa man-man be. Angboti mmla'm b'a kaci kɛ bé nuan nun nnɛn sa, be di be lufle pɔɔ, yɛ be de aika'm bé sa nun ninnge mun.

Ezekiɛl 22:29

Sran'm be tɛtɛ yolɛ yɛ nvle'n i nunfuɛ'm be yo-ɔ. Be wua yɛ be bo nyrɛnnɛnfuɛ mun nin yalɛfuɛ'm be akpo. Like ng'ɔ ti-man bɔ be fa yo aofuɛ mun yɛ be fa yo be-ɔ.

Saun Yolɛ 19:13

Nán amun di sran lufle, nán amun wua like fi. Nán amun tra kpa difuɛ'n i akatua'n i ase man aliɛ cɛn su.

Saun Yolɛ 25:17

Nán amun di amun niaan kun lufle, amun nyin `yi min. Afin min yɛ n ti Anannganman amun Nyanmiɛn nin-ɔn.

Zakari 7:10

Nán an kle aika mma nin bla nga be ti angboti'm be yalɛ. Nán an kle aofuɛ nin yalɛfuɛ'm be yalɛ. Nán amun bu amun wiengu wun akunndan tɛ.»

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Mmla'n 23:16

Sɛ sran wie i kanga'n ɔ wanndi ɔ ba amun mɛn'n nun wa'n nan ɔ wa talo amun'n, nán amun trɛ i mɛn i min'n.