Ngwlɛlɛfuɛ'm be ndɛ'm be ti kɛ like ti piembie nga be fa kankan nnɛn mun'n sa. Nyanndra'm be ti kɛ kpɛngbɛ bɔ b'a fa bobo like wie nun kpa'n sa. Be kwlaa be fin Nyanmiɛn .
Min waan n ´si sa'm bé bo. Min waan n ´si like nga be flɛ i ngwlɛlɛ'n i bo, yɛ min waan n ´si sa nga ti yɛ sa'm be ju'n. N wunnin kɛ klunwi yolɛ nin sinnzin yolɛ'n be ti fia like.
N fali mín wun n wlali ngwlɛlɛ'n i silɛ'n nun, yɛ m buli kokolɛ nga sran'm be koko nyanmiɛn'n bo wa'n i akunndan, afin i kɔnguɛ o, i wia'n nun o, sran'm be nyinma si-man lafilɛ'n.
Amun `sie amún su, yɛ amun `bla ń sin. Amun `tie ndɛ nga n kan'n, yɛ amun ´nyan nguan. E nin amun e wa tra aenguɛ, ɔ su saci-man le . Anannganman seli kɛ: «Ye nga n kan kleli David kɛ n ´yo i'n, n ´fa yo amun.
Kɛ i nuan tɛ o ndɛ'n su'n, nyanmiɛn ufue fuaii kun wa katali be su yɛ be tili sran kun nɛn nyanmiɛn ufue sɔ'n nun, sran sɔ'n ɔ seli kɛ: «Min anwlɛn su ba yɛ, i su yɛ ń wla'n kwlaa wo-ɔ, an `tie ndɛ ng'ɔ kan'n .»