Nyanndra Mun 21:8 - NYANMIƐN NDƐ'N 1998

⁸ Atin nga sran kunfuɛ'm be fa su'n, ɔ ti-man kpa. Sran nga be ti kpa'n, be nzuɛn liɛ'n ti kpa.

Nyanndra Mun 21:8 ပူးပေါင်းရင်းမြစ်များ

Bo Bolɛ 6:12

Nyanmiɛn ´nian asiɛ nin-ɔn, ɔ wunnin kɛ ɔ'a wie saci. I su sran'm be kwlakwla b'a wie saci kpan.

Nyanndra Mun 15:26

Anannganman i nyin ci akunndan tɛ'n. Ndɛ nga sran ti-ɔ, ɔ ukɛ i'n, yɛ ɔ jɔ i klun-ɔn.

Nyanndra Mun 2:15

be bɔ atin ng'ɔ ti sein'n, be fa-man su'n, bɔ be atin'n ti sa klɛklɛ'n, nán a nin be san nun.

Nyanndra Mun 21:9

Kɛ a nin bla saɛfuɛ amun ko tran sua kun'n, ɔ flunman kɛ a `ko wɔsɔ sua wie ti su.

Nyanndra Mun 30:12

Sran'n wie o lɛ'n, ɔ bu i wun saun kusu wuun ɔ nian salo-mɛn i wun fiɛn'n le.

Akunndanfuɛ'n 7:29

Sa kunngba nga n wunnin i wlɛ kpa i kwlaa sɔ'n nun'n yɛ. Nyanmiɛn yili sran'm be kpa, be bɔbɔ yɛ be fali bé wun wlali sa sukusuku'm be nun-ɔn.»

Akunndanfuɛ'n 9:3

Nyanmiɛn'n i bo wa'n, ninnge'm be nun tɛ kpa kun yɛ ɔ o yɛ. Sran'm be kwlaa be agualiɛ'n ɔ ti kunngba, ɔ man kɛ sran'm be ´yo sa tɛ'n bɔ ngunmin sa, yɛ sinnzin akunndan'n yɛ ɔ o be anwlɛn'n nun sa tititi-ɔ, kpɛkuun b'a fa wu, wuun b'a ko to be nga be dun mmua wuli'n be lɔ.

Ezai 26:7

Sran kpa'n i atin'n ti sein. Anannganman, wɔ bɔ a yo sa i nuan su'n, a siesie sran kpa'n i atin'n mɛn i.

Ezai 59:8

Amun si-man aunjuɛ'n i atin'n, amun yo-man sa b'ɔ ti sein ajalɛ nga amun fa'n be nun. Ajalɛ nga amun fa'n be ti gblɛgblɛ ngunmin, sran kwlaa ng'ɔ nian amun liɛ'n su'n, i wun su jɔ-mɛn i .

Daniɛl 12:10

Afɛ'n ti, sran kpanngban kpa be wa yo saun, be ´yo weiin, yɛ be ´yo jrɛiin. Sran tɛtɛ bɔ be wun-man sa wlɛ'n, be ´yo sa tɛ'n be ´kɔ be nyrun, sanngɛ ngwlɛlɛfuɛ'm be ´wun sa ng'ɔ su ju'n i wlɛ.

Matthieu 12:33

«Man be se kɛ waka ng'ɔ ti kpa'n ɔ su mma kpakpa, yɛ waka ng'ɔ ti-man kpa'n ɔ su-man mma kpakpa, afin kɛ waka kun ti'n, yɛ i mma'n ti-ɔ .

Matthieu 5:8

Be nga sa tɛ fi nun-man be anwlɛn'n nun'n, be liɛ su ti ye, afin be wa wun Nyanmiɛn !

Sa nga bé yôli'n 15:9

Ɔ'a bu-man ye kpa a tra-man be, afin Jésus su bɔ be lafi'n ti, Nyanmiɛn man bé wun sa'n kwlaa wieli.

1 Korɛntfuɛ Mun 3:3

afin an tɛ yo kɛ sran bɔ be ti-man Kristfuɛ sa. ?Kɛ amún nyin ci amun wiengu bɔ utre wo amun afiɛn'n, an ti-man kɛ sran bɔ be ti-man Kristfuɛ sa? ?Yɛ nán sa nga klɔ sran yo'n yɛ an yo-ɔ?

Tite 1:15

Sran nga be akunndan'n ti kpa'n, like kwlaa ti kpa be nyrun, sanngɛ sran nga be akunndan'n ti-man kpa'n, bɔ be lafi-man Nyanmiɛn su'n, like fi ti-man kpa be nyrun. Afin be akunndan'n ti tɛtɛ, be ´yo sa-a be klun ti-man be.

Tite 2:14

E ti Jésus ɔ fɛli i wun mannin nan ɔ ´yi ye sa tɛtɛ'n kwlaa nun nan e `kaci i sa ti sran bɔ é wun sa tɛtɛ'n kwlaa ɔ'a wie, bɔ e tu e klun yo sran ye .

Tite 3:3

Afin laa e kusu e ti sinnglinfuɛ yɛ e ti nyin keklefuɛ. Be lakali ye man e yacili atin kpafuɛ'n, é nyin b'ɔ blo ninnge wafa-wafa'n kwlaa nin mɛn dilɛ'n su'n ti e kacili kɛ kanga sa, laa e ti klunwifuɛ, yɛ é nyin ci sran nin like, laa é wun yo tɛ yɛ e kpɔ e wun.

Tite 3:5

ɔ deli ye. Nán kɛ e yoli sa kpa wie ti yɛ ɔ deli ye-ɔ, sanngɛ i bɔbɔ yɛ ɔ sili ye aunnvuɛ sɔ-ɔ. Kɛ i Wawɛ'n wuli ye uflɛ, wunnzinlɛ bɔ i bɔbɔ Nyanmiɛn wunnzinnin ye'n ti, b'ɔ man e kacili sran uflɛ'n, yɛ ɔ deli ye-ɔ.

1 Jean 2:29

An si kɛ Krist ti sran kpa, i sɔ'n ti, sran kwlaa ng'ɔ yo sa ng'ɔ ti i nuan su'n, ɔ ti Nyanmiɛn wa.

1 Jean 3:3

Sran kwlaa nga i wla o su sɔ'n, ɔ yo man sa tɛ kaan sa trɛn-mɛn i wun, afin sa fi nun-man Krist wun.