Nyanndra Mun 21:5 - NYANMIƐN NDƐ'N 1998

⁵ Sran ng'ɔ ´yo like-ɔ ɔ sunnzun i klun nan ɔ'a yo'n, ɔ ´di alaje. Nga kusu b'ɔ kpli yo like'n, awe'n yɛ ɔ nin i be ´yia nun-ɔn.

Nyanndra Mun 21:5 ပူးပေါင်းရင်းမြစ်များ

Nyanndra Mun 10:4

Sran nga i ja kan-man i sa kan-man'n, ɔ di yalɛ. Sanngɛ be nga bé sa waka'n ti kekle'n, be nyan bé wun.

Nyanndra Mun 13:4

Like nga fuɛnfuɛ'n i anwlɛn o su'n, ɔ nyɛn-mɛn i le. Sran ng'ɔ ti juejue'n i liɛ'n, ɔ yo i like liɛ'n lele ɔ nyan su like.

Nyanndra Mun 14:29

Sran ng'ɔ fa-man ya ndɛndɛ'n, ɔ ti ngwlɛlɛfuɛ. Sran ng'ɔ fa ya ndɛndɛ'n, ɔ ti sinnglinfuɛ .

Nyanndra Mun 19:2

Sɛ a ´yo like wie bɔ a lɛ-mɛn i wun akunndan mlɔnmlɔn'n, ɔ ti tɛ man wɔ. Sɛ a kpli yo sa'n, ɔ cɛ-man nan fɔnlɛ ɔ'a tran nun.

Nyanndra Mun 20:21

Sran ng'ɔ nyɛn i wun ndɛndɛ nglɛmun nun'n, ɔ di yalɛ nnɔsua nun.

Nyanndra Mun 28:22

Kɛ konvifuɛ'n ɔ `kpli nyɛn i wun'n, ɔ si-man kɛ sa yalɛ'n ɔ wa tɔ i su.

Nyanndra Mun 29:20

Sran ng'ɔ kan ndɛ ka nan ɔ'a bu akunndan'n, i sɔ sran liɛ'n sinnglinfuɛ'n bɔn fannin trɛ i.

Efɛzfuɛ Mun 4:28

Sran ng'ɔ wua'n, man ɔ yaci, ɔ di junman nan ɔ nyɛn i nuan nun aliɛ nan ɔ nyan wie ti sran wie'm bé wun nyanman nun.