Nyanndra Mun 21:14 - NYANMIƐN NDƐ'N 1998

¹⁴ Sɛ sran wie ɔ'a fa ya dan nan a cɛ i like nvialiɛ nun'n, i ya'n wie. Sɛ ya ble'n bɔbɔ yɛ ɔ fali'n, sɛ a cɛ i like nvialiɛ nun'n, ya sɔ'n wie.

Nyanndra Mun 21:14 ပူးပေါင်းရင်းမြစ်များ

Bo Bolɛ 32:20

Ɔ kannin ndɛ kunngba sɔ'n kleli i sufuɛ'n i nnyɔn su'n, ɔ nin i nsan su'n nin be kwlaa nga be kankan nnɛn mun'n. Ɔ seli be kɛ: «Sɛ amun nin Ezau be yia'n, an `kɛn i sɔ kle i.

Bo Bolɛ 43:11

Zakɔb waan: «Afin bɔ e lɛ-mɛn i yowlɛ uflɛ nin-ɔn, n ´yo i sɛ. Sɛ an ´kɔ'n, an `fa é mɛn'n nun wa ninnge kpakpa'n wie ko man bian sɔ'n. An `fa nyanngo nin ayre fannin, nin awɛma nzue, nin wlɛwlɛ mma, ɔ nin amandie mma ko mɛn i.

Nyanndra Mun 17:23

Sran ng'ɔ ti-man kpa'n, sɛ be mɛn i sika kɛ ɔ jran ndɛ tɛ sin'n, ɔ sɔ nun.

Nyanndra Mun 17:8

Sran'm be bu i kɛ sran like cɛlɛ'n ɔ ti muae like nan be bɔ be yo i sɔ'n, i yɛ man like kwlaa nga be yo'n ɔ yo kpa man be-ɔ.

Nyanndra Mun 18:16

Sran like cɛlɛ'n, ɔ bo sran nyrun atin, ɔ bo be nyrun atin man be si sran dandan mun.

Nyanndra Mun 19:6

Sran dan'n i lakafuɛ sɔnnin. Sran ng'ɔ cɛcɛ sran'n be ninnge'n, be di-mɛn i janvuɛ'm be yalɛ.

1 Samiɛl 25:35

Yɛ David sɔli like nga Abigail fa blɛli i'n nun-ɔn, nan ɔ'a se i kɛ: «Kɔ wɔ awlo, nán srɛ kun wɔ. M'an ti nga a kannin'n, n su bua-man wɔ tɛ.»