Nyanndra Mun 20:8 - NYANMIƐN NDƐ'N 1998

⁸ Kɛ famiɛn kun ko tran ase b'ɔ ´di jɔlɛ'n, ndɛ nga be kan b'ɔ ti gblɛ'n, ɔ ka lɛ wun i.

Nyanndra Mun 20:8 ပူးပေါင်းရင်းမြစ်များ

2 Samiɛl 23:4

ɔ ti kɛ nglɛmun wia b'ɔ ´fite'n, wuun nyanmiɛn ble'n nun-man lɛ'n sa'n. Ɔ kpaja weiin. Kɛ nzue'n ɔ'a tɔ ɔ'a kpɛ'n, i sɔ wia liɛ'n yɛ man ijre nga be o asiɛ'n bo'n be fu-ɔ.›

1 Famiɛn Mun 7:7

Be yoli lika gbaun nga be flɛ i kɛ «Famiɛn bia'n i sua'n.» Be flɛ i ekun kɛ «Jɔlɛ dilɛ sua,» afin lɛ yɛ Salomɔn di jɔlɛ nin-ɔn. I talɛ'n kwlaa, kɛ ɔ fɛ i ngua b'ɔ ´ju nglo'n, be fa sɛdri waka be fa katali su.

Jue Mun 72:4

Man famiɛn'n bu yalɛfuɛ'm be ndɛ mun i atin su kɛ ɔ fata'n sa. Man ɔ de nyrɛnnɛnfuɛ mun. Man ɔ nunkun be bɔ be kle sran'm be yalɛ'n.

Jue Mun 92:9

Sanngɛ wɔ liɛ'n, Anannganman kɛ a o nglo lɔ'n yɛ a wo-ɔ.

Jue Mun 99:4

Man be manman famiɛn'n b'ɔ kwla'n, b'ɔ klo nanwlɛ dilɛ'n. Wɔ yɛ a sieli mmla ng'ɔ ti bɔ e nanti su nin-ɔn. Wɔ yɛ a sieli ndɛ siesielɛ'n i wafa'n nin sa nuan su yolɛ'n Izraɛl mɛn'n nun-ɔn.

Nyanndra Mun 16:12

Sa tɛ yolɛ'n nin famiɛn kun fata-man. Afin nanwlɛ dilɛ'n yɛ man i sielɛ'n taka-a.

Nyanndra Mun 20:26

Famiɛn ng'ɔ si ngwlɛlɛ'n, ɔ si be nga be ti klunwifuɛ'n mun, yɛ ɔ kle be nyrɛnnɛn.

Nyanndra Mun 25:5

Kɛ be ko kankan gblɛfuɛ'm be bo famiɛn'n i wun lɛ'n, yɛ i sielɛ'n ɔ taka-a. Yɛlɛ kɛ ɔ taka nanwlɛ dilɛ'n su.

Nyanndra Mun 29:14

Famiɛn kun nga b'ɔ di yalɛfuɛ'm be ndɛ klanman'n, i sielɛ'n taka kpa.

Ezai 32:1

Famiɛn kun ɔ ´nian mmla'n su ɔ ´sie mɛn'n, i awlo lɔ sran dandan'm be ´yo sa'm be nuan su.

Matthieu 12:30

Sran ng'ɔ nin min nun-man nun'n, ɔ ti n kpɔfuɛ, yɛ sran ng'ɔ nin min tian-man like nuan'n, ɔ trutru nun.