Nyanndra Mun 20:3 - NYANMIƐN NDƐ'N 1998

³ Sa'n i klanman'n yɛlɛ kɛ sɛ be ´si akplowa'n, yi ɔ́ wun nun, nán si wie. San sinnglinfuɛ'm be kunngba cenje yɛ be fa bé ti be tin nun-ɔn.

Nyanndra Mun 20:3 ပူးပေါင်းရင်းမြစ်များ

Bo Bolɛ 13:7

Utre wie wa tɔli Abram nin Lɔt be nnɛn kankanfuɛ'm be afiɛn. Kanaanfuɛ mun nin Ferezfuɛ'm be kusu be tran be bue.

Bo Bolɛ 13:8

Ɔ man Abram seli Lɔt kɛ: «E nin wɔ e kpaci-man. Ɔ fata-man kɛ ndɛ tran min nin wɔ ye afiɛn, yɛ ɔ fata-man kusu kɛ ndɛ tran min nnɛn kankanfuɛ'm be nin wɔ liɛ'm be afiɛn.

2 Famiɛn Mun 14:9

Yɛ Zɔas b'ɔ ti Izraɛl famiɛn'n, ɔ man be ko seli Amazia b'ɔ ti Zida famiɛn'n kɛ: «Liban lɔ susrɛ kun waan be `ko se Liban lɔ waka nga be flɛ i sɛdri'n kɛ ɔ `fɛ i wa bla'n mɛn i wa yasua'n man ɔ jɛ i. Kpɛkuun kɛ Liban bo'n nun lɔ nnɛn'm be ´sin'n, be sinnin susrɛ'n su.

Nyanndra Mun 14:17

Sran ng'ɔ fa ya ndɛndɛ'n, ɔ yo sa sinnzin su. Yɛ sran ng'ɔ bu-man akunndan kpa'n, sran'm be kpɔ i.

Nyanndra Mun 14:29

Sran ng'ɔ fa-man ya ndɛndɛ'n, ɔ ti ngwlɛlɛfuɛ. Sran ng'ɔ fa ya ndɛndɛ'n, ɔ ti sinnglinfuɛ .

Nyanndra Mun 16:32

Sran ng'ɔ fa-man ya ndɛndɛ'n, ɔ lɛ nyrun tra safunyrɛn. Yɛ sran ng'ɔ si i wun su nian'n, ɔ tra sran ng'ɔ de klɔ dan kun kpɛkuun ɔ sie klɔ sɔ'n.

Nyanndra Mun 17:14

Kɛ be ´bo akplowa silɛ'n bo'n, ɔ ti kɛ ce wie yɛ be su bu i sa. I sɔ'n ti, kɛ ngondin'n nian tɔ-man'n, ɔ fata kɛ a cuɛn ɔ́ wun.

Nyanndra Mun 18:6

Sinnglinfuɛ'n i ndɛ ng'ɔ kan'n, ndɛnngan yɛ ɔ bɛ i sin-ɔn, i kunngba'n ɔ klɔklɔ utre.

Nyanndra Mun 19:11

Sran ng'ɔ si ngwlɛlɛ'n ɔ fa-man ya ndɛndɛ. Sa nga be yo i'n, ɔ yaci cɛ, i sɔ yolɛ yɛ ɔ kunndɛ-ɔ.

Nyanndra Mun 21:24

Sran nga b'ɔ bu-man sran fi sran'n, bɔ i nuan nun ndɛ'n ti tɛtɛ'n, i sɔ sran liɛ'n, be flɛ i kɛ sran finfin yofuɛ. Ɔ tu i wun sa kwlaa nun.

Nyanndra Mun 26:17

Sran nga b'ɔ ´sin kɔ i lika, bɔ sran wie'm be ´kan be ndɛ-ɔ ɔ fɛ i wun wla nun'n, i sɔ sran'n ti kɛ sran bɔ alua wie o i olɛ lɛ b'ɔ ko sɔ i sukpɔ'n sa.

Efɛzfuɛ Mun 4:32

An `yo amún wun ye, an `si amún wun aunnvuɛ, sa nga amun wiengu yo amun'n, an `yaci cɛ i kɛ Nyanmiɛn kusu yaci sa nga an yoli i'n cɛli amun Krist ti'n sa.

Jacques 3:14

Sanngɛ sɛ amun klunwi'n ti amún nyin ci sran yɛ an bu amun bɔbɔ amun wun akunndan'n, nán an fa amun ngwlɛlɛ'n di amún nuan, yɛ nán an fa nanwlɛ'n kaci ato.

Jacques 4:1

?Utre'n nin akplowa ng'ɔ o amun afiɛn'n, be fin nin? ?Be fin-man amún nyin b'ɔ blo ninnge'm bé su b'ɔ man amun klun jɔ-man'n?