Nyanndra Mun 20:22 - NYANMIƐN NDƐ'N 1998

²² Sɛ sran kun yo wɔ sa'n, nán se kɛ a ´fa sie ɔ klun, nan a ´yo i wie. Yaci man Nyanmiɛn b'ɔ man a ´nyan ɔ ti'n .

Nyanndra Mun 20:22 ပူးပေါင်းရင်းမြစ်များ

2 Samiɛl 16:12

Sɛ nja, Anannganman ´wun min awlaboɛ'n nan ɔ ´fa min su sannzan'n kaci muae ´man min o.»

Jue Mun 27:14

Fa ɔ́ wla'n gua Anannganman su. Jran kekle, yɛ tra wɔ anwlɛn. Fa ɔ́ wla'n gua Anannganman su.

Jue Mun 37:34

Fa ɔ wla gua Anannganman su, fɛ i atin'n su. Yɛ ɔ ´di wɔ nɛnnɛn, mɛn'n ɔ ´yo ɔ liɛ. Klunwifuɛ'm be nunnunlɛ'n ɔ ´yo ɔ nyrun.

Jue Mun 37:40

Anannganman uka be, ɔ de be. Ɔ de be klunwifuɛ'm bé sa nun, ɔ man be fite nun, afin be fia i nun.

Nyanndra Mun 17:13

Sran nga b'ɔ fa tɛ tua kpa'n i kalɛ'n, i sɔfuɛ'n ndɛ tu-mɛn i awlo le .

Nyanndra Mun 19:11

Sran ng'ɔ si ngwlɛlɛ'n ɔ fa-man ya ndɛndɛ. Sa nga be yo i'n, ɔ yaci cɛ, i sɔ yolɛ yɛ ɔ kunndɛ-ɔ.

Nyanndra Mun 20:21

Sran ng'ɔ nyɛn i wun ndɛndɛ nglɛmun nun'n, ɔ di yalɛ nnɔsua nun.

Nyanndra Mun 24:29

Nán se kɛ: «Sran nga ɔ'a yo min sa ti n ´yo i wie yɛ sa nga ɔ'a yo min yɛ, n ´yo i wie n ´sie i osu .»

Ezai 40:31

Sanngɛ be nga be fa bé wla gua Anannganman su'n, be liɛ be nyan wunmiɛn uflɛ tititi. Sɛ be ´jaso'n, be jaso kpɛ kunngba waka kɛ anunman nyin'n ɔ fa tu'n sa. Be wanndi, sanngɛ be fɛ-man, be nanti tititi, sanngɛ be wunmiɛn'n wie-man .

Saun Yolɛ 19:18

Nán amun se kɛ sran nga sa ɔ'a yo amun sa ti amun ´yo i wie. Nán amun fa amun wiengu wun ndɛ be sie amun klun. Ɔ fata kɛ sran kun klo i wiengu kɛ ɔ fa klo i bɔbɔ wun'n sa. Min yɛ n ti Anannganman nin-ɔn .

Matthieu 5:39

Sanngɛ n liɛ'n, n ´kan kle amun kɛ, sɛ sran yo wɔ tɛ'n, nán yo i wie, sɛ sran kpaci ɔ fuka fama'n su'n, kaci bɛ'n kusu mɛn i.

Mmla'n 32:35

Cɛn nga be nunnunlɛ blɛ'n ko ju'n, m bɔbɔ n ´tu n klunngbɔ'n, yɛ n ´tua be kalɛ. Sa yalɛ blɛ sɔ'n nun-man mmua kun. Be tɔlɛ blɛ'n ɔ'a mantan koko.»

1 Tɛsalonikfuɛ Mun 5:15

An `nian amun wun kpa, sɛ sran yo amun tɛ'n, nán an yo i wie, sanngɛ man kpa nga an fa yo amun wiengu'n nin sran'm be kwlaa'n ɔ kaci amun nzuɛn.

1 Piɛr 2:23

Be kpɛli i nzowa, ɔ'a yi-man a man-man be, be kleli i nyrɛnnɛn, ɔ'a fua-man be ti, sanngɛ ɔ fɛ i ndɛ liɛ'n wlali Nyanmiɛn b'ɔ di ndɛ nanwlɛ'n i sa nun .

1 Piɛr 3:9

Sɛ sran yo amun tɛ'n, nán an yo i wie, sɛ be kpɛ amun nzowa'n, nán an yi man be, sanngɛ an `yra be nguan, afin kɛ Nyanmiɛn flɛli amun'n, ɔ seli kɛ ɔ ´yra amun nguan. Be klɛli i Nyanmiɛn Ndɛ'n nun kɛ:

1 Piɛr 4:19

I sɔ'n ti, be nga be nyrɛnnɛn wunlɛ'n ɔ ti Nyanmiɛn klun su'n, man be fa bé wun man Nyanmiɛn b'ɔ yili be'n, bɔ be kwla fa bé wla guɛ i su'n. Man be yo sa ng'ɔ ti kpa'n tititi.

1 Samiɛl 25:13

Yɛ David waan: «Amun kwlakwla amun `fa be tokofi mun.» Yɛ be fali-ɔ. David kusu fɛli i liɛ'n. Be su David su, be sran kɔe ya nnan. Be nun ya nnyɔn kusu be kali be trɔ'm bé wun lɔ.