Nyanndra Mun 20:18 - NYANMIƐN NDƐ'N 1998

¹⁸ Like nga be waan be ´yo'n, be fa akunndan sran sa nun yɛ be yo-ɔ ɔ yo kpa-a. Be fa akunndan yɛ be kɔ alɛ kunlɛ nin-ɔn.

Nyanndra Mun 20:18 ပူးပေါင်းရင်းမြစ်များ

1 Famiɛn Mun 1:12

N wa man wɔ ngwlɛlɛ kun kɛ ɔ ´yo nan a nin ɔ́ wa Salomɔn amu'an fite nun'n ti.

2 Famiɛn Mun 18:20

?Kɛlɛ a bu i kɛ be nuan nun ndɛ kanlɛ ngbɛn'n yɛ be fa kun alɛ nin-ɔn? Be dun mmua jaja alɛ'n, kpɛkuun be tra be anwlɛn yɛ be kun-ɔn! ?Nan wan su yɛ a fa ɔ wla'n gua bɔ i ti yɛ a jaso mín wun nin-ɔn?

Nyanndra Mun 11:14

Nvle ng'ɔ lɛ-man sunianfuɛ'n, ɔ bo. Sanngɛ sɛ afɔtuɛ manfuɛ'm be sɔn'n yɛ ɔ ti kpa-a.

Nyanndra Mun 15:22

Like nga be ´yo-ɔ be usa-man ngwlɛlɛ afɛ'n, ɔ kpɛn-man su. Sanngɛ nga be ´yo-ɔ, afɔtuɛ manfuɛ'm bé ti yiɛ i wun kpanngban'n, ɔ yo ye.

Nyanndra Mun 24:6

Sɛ a ´kɔ alɛ kunlɛ'n, nian ɔ́ wun kpa. Sɛ a usa ngwlɛlɛ afɛ sran sunman sa nun'n yɛ a nyan jranwlɛ-ɔ.

Nyanndra Mun 25:8

Nán kpli fa ndɛ kɔ nzanman. ?Sɛ a kpli, nan be kan ndɛ nan ɔ tɔ ɔ su'n, a ´yo i sɛ ?

JÉSUS-CHRIST I DYASIN FE'N BO LUC KLELI'N 14:31

?Yɛ famiɛn onin yɛ sɛ i waan ɔ nin i wiengu famiɛn kun be ´ko kun alɛ'n, ɔ dunman mmua tran-man ase bu-mɛn i akunndan kpa sɛ ɔ nin i be ´kwla kun o? Afin i liɛ'n, ɔ fa sran akpi blu (10.000), sanngɛ kusu i liɛ'n, ɔ fa sran akpi-akpi ablaɔn (20.000).

Jɔlɛ Difuɛ Mun 19:30

Be kwlaa nga be wunnin i'n be waan: «Kɛ ɔ fin cɛn bɔ Izraɛlfuɛ'm be fin Ezipt be bali'n lele b'ɔ ´fa ju ndɛ'n, sa kɛ nga sa nian ju-man le. Amun man e bu sa sɔ'n i akunndan, man e wun é wun nan e ti e wun aniɛn.»

Jɔlɛ Difuɛ Mun 20:18

Be jasoli, be ɔli Betɛl yɛ be usali Nyanmiɛn sa, be waan: «?E nun onin yɛ ɔ ´dun mmua nin Bɛnzamɛnfuɛ'm be ´ko kun-ɔn?» Anannganman waan: «Man Zida akpasua'n yɛ ɔ dun mmua-a.»

Jɔlɛ Difuɛ Mun 20:23

Izraɛlfuɛ'm be dun mmua be ko sunnin Anannganman nyrun lele nnɔsua, be usali Anannganman sa. Be usɛli i kɛ: «?E nin e niaan Bɛnzamɛn i akpasua'n su sran mun e `kun ekun?» Anannganman tɛli be su kɛ: «Amun nin be `ko kun ekun.»

Jɔlɛ Difuɛ Mun 20:7

E Izraɛlfuɛ mun e kwlaa'n yɛ y'a yia yɛ. Amun `wun amun wun nan amun ti amun wun aniɛn.»

Jɔlɛ Difuɛ Mun 9:29

N liɛ'n, sɛ ɔ ti kɛ min yɛ n ti nvle nga i su kpɛn'n, wuun m'an fuan Abimelɛk lalaa.» Yɛ Gaal seli kɛ: «Abimelɛk, yiayia wɔ alɛ mma'm bé nuan nan e `kun.»