David flɛli i, ɔ mɛnnin i aliɛ nin nzan, ɔ dili ɔ nɔnnin. David man nzan boli i, sanngɛ nnɔsua ɔ'a ɔ-mɛn i awlo, ɔ ko lali kan famiɛn'n i sran'm be la lɛ'n.
Absalɔm seli i gbanflɛn'm be kɛ: «Amun `nian Amnɔn su kpa, sɛ nzan'n ti i kpa'n, kɛ n ´se kɛ: ‹Amun `kun Amnɔn,› kpɛkuun amun `kun i. M bɔbɔ min dunman nun amun `jran kekle, amun `tra amun anwlɛn. Nán srɛ kun amun.»
Nyanmiɛn nuan ijɔfuɛ'n nin Nyanmiɛn nyrun jranfuɛ'n, nzan kekle bɔ be nɔn ti'n, be nanti sa dadaada. Nzan'n ɔ'a bo be dan. Nzan kekleke'm b'a mlin be. Be ´kan sa nga be wunnin be aolia nun'n, wuun be nuan ´to fuan. Be ´di jɔlɛ'n, wuun be ´usu-usu.
Be nga bɔ nglɛmun ndɛ kpa'n be ko kunndɛ nzan kekleke be nɔn'n, be yako! Be nga kɔnguɛ be la-man'n, bɔ nzan yɛ be nɔn i kɛ be ´fa kan bé wun nglɛ'n, be yako!
«Wɔ, a nin ɔ mma mun, nán amun nɔn nzan ng'ɔ bo'n i wie fi nan amu'an wlu tannin sua nga n yi min wun nglo nun lɔ'n nun. Sɛ amun yo i sɔ'n, wuun amun su kunndɛ amun wie. Mmla nga m'an kan m'an kle amun yɛ'n, ɔ fata kɛ amun osu'n nunfuɛ'm be kwlaa be nanti su tititi.
Nanwlɛ, wunmiɛn'n ti tɛ: tutre difuɛ'm be tran-man diin mlɔnmlɔn. Be lɛ konvi kɛ blɔlɔ lɔ klɔ dan'n sa bɔ kannzɛ sran'm be ´wu sɛ sanngɛ ɔ flɛn-mɛn i'n. Be ti kɛ anannganman wie'n sa, bé nyin yi-man like. Asiɛ'n su nvle'm be kwlaa'n, tutrefuɛ sɔ'm be waan be yɛ be sie be-ɔ.
nin awiefuɛ mun, nin sran bɔ be nyin yi-man like'n, nin nzanboɛfuɛ mun, nin nzowa kpɛfuɛ mun, ɔ nin sran bɔ be de sran like wue kekle su'n, i sɔ sran liɛ mun Nyanmiɛn su sie-man be mlɔnmlɔn.
be lɛ konvi, be nɔn nzan bo, be yo sa finfin mun, yɛ be yo i sin sa wie mun ekun. Ndɛ kunngba nga n kan kleli amun laa'n, n ´kan kle amun ekun. Be nga be yo i sɔ sa'n, be su tran-man be nga Nyanmiɛn sie be'n be nun mlɔnmlɔn.