Nyanndra Mun 2:9 - NYANMIƐN NDƐ'N 1998

⁹ Sɛ a sie ɔ́ su tie min ndɛ'n, a ´si sa nuan su yolɛ'n nin kpa yolɛ'n be nun ndɛ. A ´si sa kpa'n i yo.

Nyanndra Mun 2:9 ပူးပေါင်းရင်းမြစ်များ

Jue Mun 119:105

Ɔ ndɛ'n ɔ ti kɛ kannin sa, ɔ kpaja min bo. Ɔ kpaja min nyrun atin'n su weiin.

Jue Mun 119:99

N si like n tra min ngwlɛlɛ klefuɛ mun, afin n yaci-man sa nga a fa be sie min nyrun'n be akunndan bulɛ.

Jue Mun 25:12

Sran nga i nyin yi Anannganman'n, ɔ kle i atin ng'ɔ `fa'n.

Jue Mun 32:8

Anannganman wan yoo: «N wa kle wɔ like, yɛ n wa kle wɔ atin ng'ɔ ti bɔ a fa su'n. N wa man wɔ afɔtuɛ, n ´nian wɔ su

Nyanndra Mun 28:5

Sran nga sa tɛ'n yɛ be waan be `fa man be nan be yo'n, be si-man sa nuan su yolɛ'n i bo. Sanngɛ be nga be mantan Nyanmiɛn'n, be liɛ'n be wun sa'n kwlaa wlɛ.

Nyanndra Mun 4:12

Sɛ a nanti su-ɔ, ɔ́ ja su kpla-man. Yɛ kusu, sɛ ɔ ti wanndilɛ-ɔ, a su tɔ-man.

Nyanndra Mun 4:18

Kɛ wia'n tu i bo b'ɔ ´kɔ'n, wuun i kpajalɛ'n ´uka su lele wia fa jran, sran kpa'n kusu kɛ i nzuɛn'n ti weiin sɔ-ɔ .

Nyanndra Mun 8:20

Nanwlɛ atin'n nun yɛ n nanti-ɔ, sɛsɛ atin'n i afiɛn yɛ n nanti-ɔ.

Ezai 35:8

Be wa yi atin kun ´sin lɛ. Be flɛ i kɛ Atin B'ɔ Ti Ngunmin'n. Sran fiɛn fi su sin-man nun, ɔ ´yo Anannganman i nvle nunfuɛ'm be ngunmin be sinwlɛ. Be nga be ´fa su'n, kannzɛ be ti sinnglinfuɛ bɔbɔ'n, be su kwla mlin-man.

Ezai 48:17

Anannganman b'ɔ kpɔ amún ti'n, b'ɔ ti Izraɛl Nyanmiɛn'n, i ndɛ b'ɔ kan'n yɛ, i waan: «Min Anannganman bɔ n ti amun Nyanmiɛn'n, n kle amun like, amun bɔbɔ amún kpa yolɛ ti yɛ n kle amun-ɔn. Min yɛ n kle amun atin ng'ɔ fata kɛ amun sin nun nin-ɔn.

Zeremi 6:16

Anannganman'n wan yoo: «An `jran atin'm be su nian. Ajalɛ nga amu'an fɛ i lɛ'n, an `jran kan nan amun nian. An `usa be bɔ be fali laa atin mun'n. An `kunndɛ atin kpa'n an `fa su nan amu'an di alaje .» Sanngɛ be waan: «Cɛcɛ, e kpli-man su.»

Jean 14:6

Jésus seli i kɛ: «Min yɛ n ti atin nin nanwlɛ nin nguan nin-ɔn. Sran nga ɔ'a sin-man min nun'n, ɔ ju-man e Si wun lɔ.