Nyanndra Mun 2:7 - NYANMIƐN NDƐ'N 1998

⁷ Sran nga bɔ be ti sran kpa'n, Anannganman de be. Be nga be di nanwlɛ'n, ɔ sasa be kɛ nyrɛn'n ɔ sasa sran'n sa.

Nyanndra Mun 2:7 ပူးပေါင်းရင်းမြစ်များ

Zɔb I Nyrɛnnɛn Wunlɛ 28:8

Nnɛn nga be yo sro'n, be nian fa-man lɔ atin'n le. Asɔmɔli'n ɔ nian sin-man lɔ le.

Jue Mun 144:2

Ɔ ti min ye yofuɛ, ɔ ti kɛ min fiawlɛ sua sa. Ɔ ti min fiawlɛ kpa tra su, yɛ ɔ ti min defuɛ. Ɔ sasa min kɛ nyrɛn sa, i sin yɛ n fia-a. I yɛ man min nvlefuɛ'm be nyin yi min-ɔn!

Jue Mun 3:4

Sanngɛ Anannganman, a sasa min kɛ nyrɛn sa. A man min anyrunnyan, a yo man n kwla man mín ti'n su.

Jue Mun 84:11

Nanwlɛ, sɛ be tran ɔ sua'n i awlo'n nun cɛn ba kunngba cɛ bɔbɔ'n, ɔ ti kpa tra kɛ b'a di cɛn akpi lika uflɛ'n. Sran nga be bu-man wɔ like fi'n, bɔ be bu-man ɔ nuan ndɛ'n i like fi'n, kɛ e nin be e ko tran'n, ɔ flunman kɛ n tran ɔ sua'n i anuan'n nun lɛ.

Nyanndra Mun 14:8

Sran ng'ɔ ti akunndanfuɛ'n, ɔ niɛn i wun su kpa. Sinnglinfuɛ'n i sinnzin'n ti ɔ mlin.

Nyanndra Mun 28:18

Sran ng'ɔ nanti sein'n, ɔ ´nyɛn i ti. Gblɛfuɛ nga kusu b'ɔ kpanndan sin atin nnyɔn su'n, san ɔ ´fin ase kun nun.

Nyanndra Mun 30:5

Nyanmiɛn ndɛ'n i kwlaa ti nanwlɛ lele kpe nun. Be nga be talo Nyanmiɛn'n, ɔ sasa be kɛ nyrɛn sa.

Nyanndra Mun 8:14

Ndɛkɛn akunndan liɛ'n ɔ nin cɛn wie liɛ'n, min yɛ m man-an. Ngwlɛlɛ'n yɛlɛ min, wunmiɛn sa'n ɔ ti min liɛ.

1 Korɛntfuɛ Mun 1:19

Yɛ be klɛli ndɛ wie kɛ: «N yo man ngwlɛlɛfuɛ'm be ´kaci sinnglinfuɛ, yɛ n yo man be bɔ be wun sa wlɛ'n be su wun-man sa wlɛ kun .»

1 Korɛntfuɛ Mun 1:24

Sanngɛ e nga Nyanmiɛn flɛli ye'n, sɛ e ti Zuif o, sɛ e ti Grɛk o, Krist ti e si kɛ Nyanmiɛn kwla sa kwlaa yo, yɛ ɔ si sa'n kwlaa.

1 Korɛntfuɛ Mun 1:30

Afin i yɛ man amun nin Krist-Jésus amu'an kaci sran wunmuan-an, yɛ Krist ti e kacili ngwlɛlɛfuɛ, ɔ buli ye sran kpa, e kacili i liɛ mlɔnmlɔn, yɛ ɔ kpɔli é ti.

Kolɔsfuɛ Mun 2:3

Ɔ ti kɛ bɛtrɔ sa, i nun yɛ Nyanmiɛn fɛ i ngwlɛlɛ'n nin sa wlɛ wunlɛ'n kwlaa fiali-ɔ.