Nyanndra Mun 2:5 - NYANMIƐN NDƐ'N 1998

⁵ sɛ a yo i kwlaa sɔ'n, a ´wun Anannganman i anyinyiɛ'n i wlɛ, kpɛkuun a ´kwla si Nyanmiɛn,

Nyanndra Mun 2:5 ပူးပေါင်းရင်းမြစ်များ

Zɔb I Nyrɛnnɛn Wunlɛ 28:28

Kpɛkuun ɔ seli klɔ sran'n kɛ: Be nyin bɔ yi Anannganman'n, yɛ be flɛ i ngwlɛlɛ nin-ɔn. Sa tɛ'n i atin'n su jasolɛ'n yɛ ɔ ti ngwlɛlɛ nin-ɔn.

Nyanndra Mun 1:7

Bé nyin b'ɔ yi Anannganman'n, yɛ ɔ ti ngwlɛlɛ silɛ'n i bo bolɛ nin-ɔn. Be nga be wun-man sa wlɛ'n be bu-man ngwlɛlɛ'n i like fi. Ndɛ nga be kan kle be'n, be bu-mɛn i like fi .

Nyanndra Mun 28:7

Ba ng'ɔ fa Nyanmiɛn mmla'n su'n, ɔ ti ba ngwlɛlɛfuɛ. Sanngɛ ba nga b'ɔ nin sran tɛtɛ mun yɛ be san nun'n, ɔ guɛ i si i nyin ase.

Nyanndra Mun 8:17

Be nga be klo min'n, n kusu n klo be. Be nga be kunndɛ min'n, be wun min .

Nyanndra Mun 9:10

Akunndan'n i bo bowlɛ'n, ɔ fin bé nyin b'ɔ yi Anannganman'n. Be nga be nin Nyanmiɛn nanti klanman'n, be si ngwlɛlɛ.

Ezai 33:6

Anannganman i nvle nunfuɛ mun, Anannganman yɛ ɔ nian amun su-ɔ, amun klun su ti-man amun. Ngwlɛlɛ nin sa'm be silɛ'n be ti anyanbeun, be yɛ man sran fite nun-ɔn. Amun nyin b'ɔ yi Anannganman'n yɛ ɔ ti amun anyanbeun-ɔn.

Zeremi 24:7

M ´man be ngwlɛlɛ man be si kɛ min yɛ n ti Anannganman nin-ɔn. Sɛ b'a nian-man bɛ nin fama nan be ba min wun mlɔnmlɔn'n, be wa yo min sran yɛ n kusu n ´yo be Nyanmiɛn.

Zeremi 31:34

Sran kun su kle-mɛn i wiengu like. Sran kun su se-man i niaan kun kɛ: ‹Mantan Anannganman'n.› Yɛlɛ kɛ, kɛ ɔ fɛ i be kanngan'm be nun lele b'ɔ ´fa ju be kpɛnngbɛn'm be nun'n be kwlaa be ´si min. Sa nga be yoli min'n, n ´yaci n cɛ be. N su bo-man be sa tɛ'n su di-man jɔlɛ kun .»

Zeremi 9:24

Anannganman'n waan: «Cɛn wie wa ju bɔ e nin be nga be wla be klɛn liɛ'n be wunnɛn nun ngbɛn'n e ´nyɛn i,

Ndɛ Nga Nyanmiɛn I Nuan Ijɔfuɛ Oze Kannin'n 6:3

Man e si Anannganman. Amun man e kunndɛ kɛ e ´si i, afin i balɛ'n ti kɛ aliɛ b'ɔ cɛn b'ɔ to fuan-man'n sa. I balɛ'n wa yo kɛ nzue b'ɔ kpiti kpli tɔ'n sa. Ɔ wa yo kɛ munngun nun nzue b'ɔ man asiɛ'n jɔ'n sa.»

Matthieu 11:27

N Si yɛ ɔ fa like'n kwlaa mannin min-ɔn. Sran fi si-man Nyanmiɛn i Wa'n, san i Si kunngba yɛ ɔ si i-ɔ, yɛ sran fi si-man Nyanmiɛn i Wa'n i Si'n, san Ba'n bɔbɔ ɔ nin sran ng'ɔ klo kɛ ɔ ´fɛ i Si'n kle i'n, be yɛ be si i-ɔ.

JÉSUS-CHRIST I DYASIN FE'N BO LUC KLELI'N 10:22

N Si yɛ ɔ fali like'n kwlaa mannin min-ɔn. Sran fi si-man Nyanmiɛn Wa'n, san i Si kunngba yɛ ɔ si i-ɔ, yɛ sran fi si-man Nyanmiɛn Wa'n i Si'n, san Ba'n bɔbɔ ɔ nin sran ng'ɔ klo kɛ ɔ ´fɛ i Si kle i'n, i yɛ ɔ si i-ɔ.»

Jean 17:3

Kɛ be se kɛ be ´nyan anannganman nguan'n, i bo'n yɛlɛ kɛ be ´si wɔ bɔ ɔ kunngba cɛ yɛ a ti Nyanmiɛn'n nin Jésus-Krist bɔ a sunmɛnnin i'n.

1 Jean 5:20

E si kusu kɛ Nyanmiɛn Wa'n bali yɛ ɔ kle ye ngwlɛlɛ nan e si Nanwlɛfuɛ'n. E nin Nanwlɛfuɛ sɔ'n y'a yo kun i wa Jésus-Krist ti. I yɛ ɔ ti Nyanmiɛn nin-ɔn, i yɛ be flɛ i nguan nin-ɔn.