Nyanndra Mun 2:21 - NYANMIƐN NDƐ'N 1998

²¹ Afin sran kpafuɛ mun, be yɛ be wa tran mɛn nga nun-ɔn, be ´tran be nga be nanti sein'n be mɛn'n nun.

Nyanndra Mun 2:21 ပူးပေါင်းရင်းမြစ်များ

Zɔb I Nyrɛnnɛn Wunlɛ 1:1

Laa Iz mɛn'n nun lɔ bian kun o lɔ be flɛ i kɛ Zɔb. Bian sɔ'n, be kwla saci-mɛn i wun bɔ kaan sa, ɔ yo sa i nuan su. I nyin yi Nyanmiɛn, ɔ klo-man kɛ ɔ `yo sa tɛ.

Zɔb I Nyrɛnnɛn Wunlɛ 42:12

Anannganman man Zɔb wa dili ye kpa trali klikli liɛ'n. Ɔ wa nyannin bua akpi-akpi blu-nin-nnan (14.000), nin nyɔnngɔnmɛn akpi nsiɛn (6.000), nin nannin nnyɔn-nnyɔn sɔ akpi, ɔ nin aflunmun bla akpi.

Jue Mun 37:11

Yalɛfuɛ mun yɛ mɛn'n ɔ wa yo be liɛ-ɔ. Bé wun ´jɔ be kpa fɔuun !

Jue Mun 37:18

Be nga be yo-man sa tɛ'n, be nguan'n ɔ lo Anannganman. Mɛn ng'ɔ fa mannin be'n, ɔ ti bé aja like tititi.

Jue Mun 37:22

Be nga Anannganman yra be nguan'n, mɛn'n ɔ ´yo be liɛ. Be nga kusu bɔ be bo sannzan'n, be ´jaso lɛ.

Jue Mun 37:29

Mɛn'n ɔ ´yo sran kpa'm be liɛ. Be ´tran nun tititi.

Jue Mun 37:3

Fa ɔ́ wla'n guɛ i Anannganman su, yo sa i nuan su. Tran mɛn nga nun wa. Fa nanwlɛ'n yo kɛ wɔ aliɛ sa, di.

Jue Mun 37:9

Be nga be yo sa tɛ'n, be ´kan bé bo. Yɛ be nga be fa bé wla gua Anannganman su'n, mɛn'n ɔ ´yo be liɛ.

Jue Mun 84:11

Nanwlɛ, sɛ be tran ɔ sua'n i awlo'n nun cɛn ba kunngba cɛ bɔbɔ'n, ɔ ti kpa tra kɛ b'a di cɛn akpi lika uflɛ'n. Sran nga be bu-man wɔ like fi'n, bɔ be bu-man ɔ nuan ndɛ'n i like fi'n, kɛ e nin be e ko tran'n, ɔ flunman kɛ n tran ɔ sua'n i anuan'n nun lɛ.

Nyanndra Mun 10:30

Sa fi yi-man sran kpa'n i ase le. Klunwifuɛ'm be liɛ'n, be su cɛ-man mɛn nga nun.

Nyanndra Mun 28:10

Sran kwlaa ng'ɔ lakalaka klun-ufuefuɛ mun, b'ɔ mlin be'n, i sɔfuɛ'n bli i nyin tɔ aya nga i bɔbɔ suali'n nun. Sanngɛ sran kpa'm be ´nyan muae.