Nyanndra Mun 2:20 - NYANMIƐN NDƐ'N 1998

²⁰ I sɔ'n ti, sran nga bɔ be ti sran kpa'n, be atin liɛ'n yɛ nanti su-ɔ. Be nga bɔ be ti nanwlɛfuɛ'n be atin liɛ'n yɛ nanti su-ɔ.

Nyanndra Mun 2:20 ပူးပေါင်းရင်းမြစ်များ

Jue Mun 119:115

Klunwifuɛ mun, amun `jaso min nyrun lɛ, man n fa min Nyanmiɛn i mmla'm bé su.

Jue Mun 119:63

Be bɔ bé nyin yi wɔ'n, bɔ be fa ɔ mmla nga a sie be'n su'n, be kwlaa be ti min janvuɛ.

Nyanndra Mun 13:20

Sran ng'ɔ fɛ i wun mantan ngwlɛlɛfuɛ'n, ɔ kaci ngwlɛlɛfuɛ. Sran nga kusu b'ɔ fɛ i wun mantan sinnglinfuɛ'n, ɔ kaci sinnglinfuɛ.

Nyanndra Mun 4:11

Akunndan atin'n yɛ n ´kle wɔ lɛ-ɔ. Atin kpa'n yɛ m'an fa wɔ m'an sie su lɛ-ɔ.

Nyanndra Mun 4:18

Kɛ wia'n tu i bo b'ɔ ´kɔ'n, wuun i kpajalɛ'n ´uka su lele wia fa jran, sran kpa'n kusu kɛ i nzuɛn'n ti weiin sɔ-ɔ .

Nyanndra Mun 8:20

Nanwlɛ atin'n nun yɛ n nanti-ɔ, sɛsɛ atin'n i afiɛn yɛ n nanti-ɔ.

Zeremi 6:16

Anannganman'n wan yoo: «An `jran atin'm be su nian. Ajalɛ nga amu'an fɛ i lɛ'n, an `jran kan nan amun nian. An `usa be bɔ be fali laa atin mun'n. An `kunndɛ atin kpa'n an `fa su nan amu'an di alaje .» Sanngɛ be waan: «Cɛcɛ, e kpli-man su.»

Hébreu 6:12

E klo-man kɛ an yo nvɛɛfuɛ, sanngɛ be nga be lafi Nyanmiɛn su'n, bɔ be tra be anwlɛn b'ɔ man be nyan like nga i waan ɔ ´fa man be'n, an nian be liɛ'n su yo.

3 Jean 1:11

N sran kpa, nán nian sa tɛ nga be yo'n su, sanngɛ nian sa kpa nga be yo'n su. Sran ng'ɔ yo sa kpa'n, ɔ ti Nyanmiɛn liɛ, sran ng'ɔ yo sa tɛ'n, ɔ si-man Nyanmiɛn.