Nyanndra Mun 19:6 - NYANMIƐN NDƐ'N 1998

⁶ Sran dan'n i lakafuɛ sɔnnin. Sran ng'ɔ cɛcɛ sran'n be ninnge'n, be di-mɛn i janvuɛ'm be yalɛ.

Nyanndra Mun 19:6 ပူးပေါင်းရင်းမြစ်များ

Bo Bolɛ 32:20

Ɔ kannin ndɛ kunngba sɔ'n kleli i sufuɛ'n i nnyɔn su'n, ɔ nin i nsan su'n nin be kwlaa nga be kankan nnɛn mun'n. Ɔ seli be kɛ: «Sɛ amun nin Ezau be yia'n, an `kɛn i sɔ kle i.

Bo Bolɛ 42:6

Zozɛf yɛ ɔ sie mɛn sɔ nin-ɔn. Ble nga be yo i atɛ sran'm bé sa nun'n, i yɛ ɔ niɛn i kwlaa su-ɔ. I niaan'm be wa kotoli i bo klo!

Bo Bolɛ 43:15

Be fali ninnge nga be ´fa cɛ Zozɛf nin sika akpasua nnyɔn'n, yɛ be siesie bé wun nan be nin Bɛnzamɛn b'a ɔ Ezipt'n. Kɛ be juli lɔ'n, be ɔli Zozɛf wun lɔ.

Jue Mun 45:12

Ɔ klanman'n ti, famiɛn'n klo wɔ. Kɛ bɔ i yɛ ɔ sie wɔ siɛn'n ti'n, koto i bo.

Nyanndra Mun 16:15

Kɛ a wun srilɛ puɛpuɛ famiɛn'n nuan'n, wuun ɔ ti kɛ i mɛn'n nun sran'm be di alaje yɛ i aklunye'n ɔ ti kɛ nzue b'ɔ tɔ jɔ lika'n sa.

Nyanndra Mun 17:8

Sran'm be bu i kɛ sran like cɛlɛ'n ɔ ti muae like nan be bɔ be yo i sɔ'n, i yɛ man like kwlaa nga be yo'n ɔ yo kpa man be-ɔ.

Nyanndra Mun 18:16

Sran like cɛlɛ'n, ɔ bo sran nyrun atin, ɔ bo be nyrun atin man be si sran dandan mun.

Nyanndra Mun 19:12

Kɛ famiɛn kun ko fa ya'n, ɔ yo sro kɛ asɔmɔli b'ɔ su kpan'n sa. Sɛ kusu ɔ nian ɔ nyrun klanman'n, ɔ ti kɛ bɔlɛ b'ɔ gua nnya'm bé su'n sa.

Nyanndra Mun 21:14

Sɛ sran wie ɔ'a fa ya dan nan a cɛ i like nvialiɛ nun'n, i ya'n wie. Sɛ ya ble'n bɔbɔ yɛ ɔ fali'n, sɛ a cɛ i like nvialiɛ nun'n, ya sɔ'n wie.

Nyanndra Mun 29:26

Sran sunman be kunndɛ kɛ sran ng'ɔ sie be'n ɔ yi be ayɛ. Sanngɛ kɛ Anannganman yi sran ayɛ'n, yɛ ɔ ti i su-ɔ.

Matthieu 2:11

Be wluli sua lɔ, be wunnin bakan'n nin i nin Mari, be kotoli i bo, be mɛnmɛnnin i. Be nyannjili be trɔ mun, be cɛli i sika ɔkwlɛ, nin ansans, ɔ nin mir.

Rɔmfuɛ Mun 6:23

Afin sa tɛ'n i akatua'n yɛlɛ wie, sanngɛ like nga Nyanmiɛn fa cɛ ye'n yɛlɛ anannganman nguan'n bɔ e nyɛn i e Min Krist-Jésus bɔ e nin i y'a kaci sran wunmuan'n ti'n.