Nyanndra Mun 19:5 - NYANMIƐN NDƐ'N 1998

⁵ Lalofuɛ ng'ɔ bua ato'n, san be ´tu i fɔ. Fɔ ng'ɔ fata kɛ be tu gblɛfuɛ'n, san be ´tu i.

Nyanndra Mun 19:5 ပူးပေါင်းရင်းမြစ်များ

1 Famiɛn Mun 13:18

Yɛ bian'n seli i kɛ: «M bɔbɔ n ti Nyanmiɛn nuan ijɔfuɛ kɛ wɔ sa. Anannganman fali ndɛ wlali anz kun nuan kɛ ɔ se min kɛ: ‹Ko fɛ i bla wɔ awlo wa nan ɔ di like ɔ nɔn nzue.› » Kannzu gblɛ yɛ ɔ kpɛ-ɔ.

1 Famiɛn Mun 2:9

I sɔ'n ti, ngwlɛlɛfuɛ yɛlɛ wɔ, nán yaci i lɛ kɛ sran bɔ ɔ'a yo-man sa tɛ sa. A si sa ng'ɔ fata kɛ a fa yo i'n. Nán yaci i nun man ɔ wu i kpɛnngbɛn wie. Kun i man ɔ la kondo i mmoja'n nun.»

Jue Mun 56:7

Be cici min wun ndɛ, be di min sasabu. Kan kwlaa nga n ´kɔ'n, san be ´usa nun be ´ti nun, yɛlɛ kɛ be kunndɛ kɛ be ´kun min.

Ezipt Lɔ Tulɛ'n 20:16

Nán tɔn ɔ wiengu suɛn .

Ezipt Lɔ Tulɛ'n 23:1

«Nán kan ndɛ ng'ɔ ti ato ndɛ'n sin lika'm be nun. Nán jran sa tɛ yofuɛ'm bé sin, nán yo ato lalofuɛ.

Nyanndra Mun 14:25

Sran nga be fɛ i lalofuɛ b'ɔ di nanwlɛ'n, ɔ de sran mun.

Nyanndra Mun 14:5

Lalofuɛ nanwlɛfuɛ'n ɔ bua-man ato, sanngɛ lalofuɛ gblɛfuɛ'n, ato ble kpa'n yɛ ɔ bua-a.

Nyanndra Mun 19:9

Lalofuɛ ng'ɔ bua ato'n, san be ´tu i fɔ. Gblɛfuɛ'n i bɔbɔ wun mlinlɛ yɛ ɔ mlin-ɔn.

Nyanndra Mun 21:28

Sran ng'ɔ bua ato'n, be fɛ-mɛn i nuan su ndɛ'n. Nanwlɛfuɛ'n ɔ kan ndɛ ng'ɔ tili'n i weiin.

Daniɛl 6:24

Famiɛn'n i klun jɔli dan kpa, nan ɔ'a se kɛ be `yi Daniɛl kunman'n nun fite. Be yili Daniɛl kunman'n nun fiteli. Kɛ be niɛn-niɛnnin i wun'n, b'a wun-man kɛ i lika kaan sa ti kplowa. Afin ɔ fɛli i wla'n kwlaa guɛli i Nyanmiɛn'n su.

Mmla'n 5:11

Nán bo min Anannganman ɔ Nyanmiɛn'n min dunman'n ngbɛn, afin sran ng'ɔ bo min dunman ngbɛn'n, n su yaci-mɛn i lɛ, san n ´tu i fɔ.