Nyanndra Mun 19:23 - NYANMIƐN NDƐ'N 1998

²³ Sran nga i nyin yi Anannganman'n, wuun ɔ'a fa nguan atin'n, like fi miɛn-mɛn i sa. Sa yalɛ nyɛn-mɛn i kɔnguɛ .

Nyanndra Mun 19:23 ပူးပေါင်းရင်းမြစ်များ

Jue Mun 103:17

Sanngɛ Anannganman yo be bɔ bé nyin yi i'n be ye tititi, nán ndɛ sa yɛ ɔ sɔtɔ i sɔ yolɛ-ɔ. Yɛ ɔ yo sa ng'ɔ ti i nuan su'n man be mma mun nin be klun ba liɛ mun .

Jue Mun 19:9

Sa nga Anannganman jran su kekle kɛ be yo be'n, be ti i su. Aklunjuɛ cɛ yɛ ɔ o sa sɔ'm be sin-ɔn. Nyanmiɛn i mmla'm be ti weiin, be yo man sran wun sa wlɛ.

Jue Mun 25:13

I sɔ sran liɛ'n, i wun jɔ i fɔuun. Mɛn'n ɔ ´yo i osu'n nunfuɛ'm be liɛ.

Jue Mun 85:9

Sa nga Anannganman Nyanmiɛn kan'n, n ´tie. I waan ɔ ´yo man i nvle'n i nunfuɛ mun nin i sran nanwlɛfuɛ mun bé wun ´jɔ be fɔun kɛ ɔ ´yo nan b'a yo-man be sinnzin sa'n kun'n ti.

Jue Mun 90:14

Bo e ye yolɛ'n bo nglɛmun ndɛ kpa'n, nan cɛn kwlaa é wun `fa e feke, nan e klun jɔ.

Jue Mun 91:10

Sa tɛ fi su ju-man ɔ su, nyrɛnnɛn fi su wunnge-man wɔ awlo'n wun.

Jue Mun 91:16

M ´mɛn i nguan tɛnndɛn man i klun'n ´jɔ, ɔ ´wun i kɛ n ti i defuɛ.»

Nyanndra Mun 10:27

Sɛ ɔ nyin yi Anannganman'n, a cɛ mɛn'n nun. Sanngɛ klunwifuɛ'm be nguan liɛ'n be kpɛ i sin.

Nyanndra Mun 11:19

Nian, kpa yolɛ'n ɔ man be nguan tɛnndɛn. Sran nga kusu bɔ klunwi cɛ yɛ ɔ yo'n ɔ ´wu i nuan wie.

Nyanndra Mun 12:21

Sa tɛ fi sa nyan-man klun-ufuefuɛ'n. Sanngɛ sa tɛtɛ'n kwlaa ti sin yia klunwifuɛ mun .

Nyanndra Mun 19:22

Like ng'ɔ nin sran fata'n yɛlɛ nanwlɛ'n. Kɛ n ko yo gblɛfuɛ'n, ɔ flunman kɛ n yo yalɛfuɛ.

Nyanndra Mun 22:4

Sran nga b'ɔ kɛn i wun ase b'ɔ i nyin yi Anannganman'n, ɔ nyɛn i wun. Sran wun i-ɔ, i nyin yi i. Ɔ cɛ.

Nyanndra Mun 3:24

Sɛ a ´la'n, ɔ klun su titi-man wɔ. A ´la yɛ a ´lafi klanman.

Matthieu 5:6

Be nga be konvi sɔ Nyanmiɛn klun sa yolɛ'n kɛ awe nin nzue we kun sran sa'n, be liɛ su ti ye, afin be klun wa jɔ !

Sa nga bé yôli'n 9:31

Asɔnunfuɛ'm bɔ be o Zide, nin Galile, ɔ nin Samari mɛn wunmuan'n nun lɔ'n, be lɛ alaje, yɛ asɔnun'n kɔ i nyrun. Kɛ bɔ asɔnunfuɛ'm be nyin yi e Min'n bɔ Nyanmiɛn Wawɛ'n jran bé sin ti'n, be trɛ.

Rɔmfuɛ Mun 8:28

E si kɛ sa kwlaa nga b'ɔ ju'n, e bɔ e klo Nyanmiɛn b'ɔ flɛli e yɛlɛ kɛ ɔ bu ye akunndan sieli laa'n, e kpa yolɛ ti yɛ ɔ man sa sɔ'm be yo-ɔ.

1 Timote 4:8

Afin bé wun kpinngbinlɛ'n ɔ ti kpa, sanngɛ bé wun bɔ be fa mantan Nyanmiɛn'n ɔ ti kpa sa'n kwlaa nun trɛ i, ɔ man sɛ be yo sɔ'n, be si kɛ be ´nyan nguan kɛ e o yɛ'n nin blɛ ng'ɔ ba lɔ'n nun.

2 Timote 4:18

E Min'n ´de min sa tɛtɛ'n kwlaa nun, ɔ ´nian n su, ɔ ´fa min kɔ i mɛn'n nun nyanmiɛn su lɔ. Man e yi i ayɛ tititi, nán e yaci i le! Man ɔ yo sɔ!