Nyanndra Mun 19:2 - NYANMIƐN NDƐ'N 1998

² Sɛ a ´yo like wie bɔ a lɛ-mɛn i wun akunndan mlɔnmlɔn'n, ɔ ti tɛ man wɔ. Sɛ a kpli yo sa'n, ɔ cɛ-man nan fɔnlɛ ɔ'a tran nun.

Nyanndra Mun 19:2 ပူးပေါင်းရင်းမြစ်များ

2 Famiɛn Mun 4:39

Nyanmiɛn nuan ijɔfuɛ'm be nun kun ɔli blo lɔ, ɔ ɔli nnya titilɛ. Ɔ ko wunnin blo vinyi waka wie, nan ɔ'a ti sɔkɔ ng'ɔ bua vinyi sɔ'n su'n i mma'n wie. Waka mma sɔ'n, ɔ fa guɛli i tralɛ'n i pɔsu'n nun, ɔ yili i pɔsu'n piɛ. Yɛ ɔ bali klɔ-ɔ. Ɔ kpɛkpɛli sɔkɔ'n nun fa guali sɛ nga tro'n wo nun'n nun, sanngɛ be wie fi si-mɛn i sɔ like liɛ ng'ɔ ko titili'n.

Zɔb I Nyrɛnnɛn Wunlɛ 31:5

Sɛ n di-man nanwlɛ mlɔnmlɔn, nan ndrunmun cɛ yɛ ɔ yo min fɛ yɛ n di'n,

Nyanndra Mun 1:16

Bé wun bli be saa sa tɛ yolɛ'n nun, be jranjran-man sran kunlɛ'n wun.

Nyanndra Mun 10:21

Sran kpa'n i nuan nun ndɛ'n ɔ man sran kaka kpa be fa atin kpa su. Sinnzin wie yɛ be nga be wun-man sa wlɛ'n be wu-ɔ.

Nyanndra Mun 14:29

Sran ng'ɔ fa-man ya ndɛndɛ'n, ɔ ti ngwlɛlɛfuɛ. Sran ng'ɔ fa ya ndɛndɛ'n, ɔ ti sinnglinfuɛ .

Nyanndra Mun 21:5

Sran ng'ɔ ´yo like-ɔ ɔ sunnzun i klun nan ɔ'a yo'n, ɔ ´di alaje. Nga kusu b'ɔ kpli yo like'n, awe'n yɛ ɔ nin i be ´yia nun-ɔn.

Nyanndra Mun 25:8

Nán kpli fa ndɛ kɔ nzanman. ?Sɛ a kpli, nan be kan ndɛ nan ɔ tɔ ɔ su'n, a ´yo i sɛ ?

Nyanndra Mun 28:20

Sran nga b'ɔ nian sa ng'ɔ ti i su'n su yo'n, san muae cɛ yɛ ɔ ´nyɛn i-ɔ. Sanngɛ sran nga bɔ i waan ɔ ´kpli nyɛn i wun'n, san ɔ ´tɔ nyrɛnnɛn nun.

Nyanndra Mun 28:22

Kɛ konvifuɛ'n ɔ `kpli nyɛn i wun'n, ɔ si-man kɛ sa yalɛ'n ɔ wa tɔ i su.

Nyanndra Mun 29:20

Sran ng'ɔ kan ndɛ ka nan ɔ'a bu akunndan'n, i sɔ sran liɛ'n sinnglinfuɛ'n bɔn fannin trɛ i.

Akunndanfuɛ'n 12:9

Ng'ɔ o su ekun'n yɛlɛ kɛ akunndanfuɛ'n ɔ kleli nvle'n nunfuɛ'm be ninnge silɛ. Ɔ sieli i su ndɛ'm bé bo, ɔ siesieli nyanndra kpanngban kpa.

Akunndanfuɛ'n 7:9

Nán fa ya ndɛndɛ. Afin sinnglinfuɛ yɛ i anwlɛn'n ɔ ti fufu-ɔ .

Ezai 27:11

Kɛ waka sama'm be wu kee'n, be bubu be nun, bla'm be fa yo yie be trɔ. Nanwlɛ nvle nga nunfuɛ'm be wun-man sa wlɛ mlɔnmlɔn. I sɔ'n ti be yifuɛ'n ɔ si-man be aunnvuɛ mlɔnmlɔn, sran ng'ɔ boli be jrali asiɛ'n su'n, be yo-mɛn i annvɔ mlɔnmlɔn.

Ezai 28:16

I sɔ'n ti, ndɛ nga Anannganman Nyanmiɛn kan'n yɛ. I waan: «Min, n fali yɛbuɛ kun b'ɔ ti sua'n i bo ase wlalɛ liɛ'n n fa n sieli Siɔn lɔ. Ɔ ti yɛbuɛ kekleke kpa, i yɛ ɔ tra sua'n i cɔnjɔ'n i ase-ɔ, i gua'n ti-man blɛblɛ, ɔ ti takawa kpa. Sran ng'ɔ kisa su'n, ɔ ´yo cinnjinnjin sɔ wie .

Ndɛ Nga Nyanmiɛn I Nuan Ijɔfuɛ Oze Kannin'n 4:6

Min sran'm be su wu, silɛ bɔ be si-man min'n ti be su wu. Ɔ kusu ɔ liɛ'n, a yili min ase. Silɛ nga a si min laa'n, a si-man min sɔ kun. I sɔ'n ti kusu m'an yi wɔ ase, a su yo-man min nyrun jranfuɛ kun. Mmla nga n kleli wɔ bɔ ɔ́ wla fili be su'n ti, min kusu n su kplin-man su kɛ ɔ mma'm be yo min nyrun jranfuɛ.

Jean 16:3

Be ´yo amun sɔ yɛlɛ kɛ be si-man min nin e Si'n.

Rɔmfuɛ Mun 10:2

N si be kpa kɛ be klo Nyanmiɛn dan, sanngɛ klolɛ sɔ'n bɔ be fa klo i'n, be si-man su ngwlɛlɛ.

Filipfuɛ Mun 1:9

Yɛ n srɛ i kɛ an ´klo i nin sran'm be kpa yɛ an ´si ngwlɛlɛ, yɛ an ´wun sa'm be wlɛ kpa weiin.