Nyanndra Mun 19:16 - NYANMIƐN NDƐ'N 1998

¹⁶ Sran ng'ɔ nanti mmla'n su'n, ɔ sɛsɛ i nguan'n. Sran nga kusu b'ɔ si-man nanti'n, wie'n yɛ ɔ ´kun i-ɔ.

Nyanndra Mun 19:16 ပူးပေါင်းရင်းမြစ်များ

Zɔb I Nyrɛnnɛn Wunlɛ 5:2

Klunngbɔ'n ɔ kun sinnglinfuɛ'n. Sran b'ɔ si-man sa'n, ɔ fa ya lele ɔ ka nun wu.

Jue Mun 103:18

Sɛ sakpa be nian aenguɛ ng'ɔ nin be trali'n su be yo i su sa'n, yɛ sɛ be fa mmla ng'ɔ fa sie be nyrun'n sie be klun nan be fa su'n, ɔ yo i sɔ sa mun man be.

Nyanndra Mun 13:13

Sran nga be kan ndɛ kle i-ɔ ɔ kpa su'n, ɔ bo kalɛ. Sran nga kusu bɔ be kpɛn i su-ɔ ɔ kpiti'n, ɔ nyan su muae.

Nyanndra Mun 15:32

Sran nga i waan nán man be tu i fɔ'n, ɔ kpɔ i bɔbɔ wun. Sran nga be tu i fɔ b'ɔ fa'n, i sɔfuɛ'n ɔ ´yo ngwlɛlɛfuɛ.

Nyanndra Mun 16:17

Sran nga be ti kpa'n be kaci bé sin be si sa tɛ yolɛ'n. Sran ng'ɔ ´nanti-ɔ ɔ sɛsɛ i wun'n, wuun i nguan'n yɛ ɔ ´sɛsɛ i lɛ-ɔ.

Nyanndra Mun 21:16

Sran nga b'ɔ wun ngwlɛlɛ atin nin-ɔn ɔ fa-man su'n, i sɔfuɛ'n blɔlɔ atin'n yɛ ɔ fa-a.

Nyanndra Mun 21:23

Sran nga b'ɔ ´kan ndɛ-ɔ ɔ bu i sin'n, ɔ nyan-man saɛ.

Nyanndra Mun 22:5

Gblɛfuɛ'n i atin liɛ nun'n, owie-owie nin aya'm be o nun. Sran ng'ɔ kunndɛ nguan tɛnndɛn'n, ɔ nin gblɛ'n be mantan-man.

Nyanndra Mun 29:18

Blɛ nga Nyanmiɛn yi-man sa nglo kle-man sran'n, sran'm be yo ninnge sukusuku. Sran ng'ɔ fa Nyanmiɛn mmla'n su'n, i liɛ su ti ye !

Nyanndra Mun 3:1

Mín wa, ndɛ nga n kan kle wɔ'n, nán be mlin ɔ klun. Yɛ like nga n kle wɔ'n, nán ɔ́ nyin kpa be su.

Akunndanfuɛ'n 12:13

E `sie é su e tie ndɛ'n kwlaa ng'ɔ o lɛ'm be atabo'n: man ɔ́ nyin yi Nyanmiɛn, yɛ nanti i mmla'm be su. Like ng'ɔ fata kɛ klɔ sran kwlakwla yo'n yɛ ɔ o lɛ-ɔ.

Akunndanfuɛ'n 8:5

Sran nga bɔ i nyin yi i'n ɔ su fɛ-mɛn i wun wlɛ-mɛn i ndɛ tɛ nun. Akunndanfuɛ'n si i anwlɛn'n nun lɔ kɛ blɛ wa ju bɔ Nyanmiɛn wa di jɔlɛ-ɔ.

Zeremi 7:23

Ndɛ nga n fa sieli be nyrun'n yɛlɛ kɛ: sɛ an tie mín nuan ndɛ'n, n ´yo amun Nyanmiɛn, amun kusu amun ´yo min sran mun. An `nian atin nga n `kle amun'n cɛ be `fa su nan amu'an di alaje.

Ezekiɛl 33:5

I bɔbɔ yɛ ɔ kunnin i wun-ɔn, yɛlɛ kɛ ɔ tili awɛ'n i tɛlɛ'n jrɛiin, kpɛkuun ɔ'a bu-mɛn i ndɛ. Sɛ ɔ ti kɛ ɔ buli i ndɛ'n, wuun ɔ'a wu-man.

Matthieu 16:26

?Sɛ sran kun nyan mɛn wunmuan'n, nan i ti i nguan'n kpɛ sin'n, nguɛ yɛ ɔ yo ye mɛn i-ɔ? ?Yɛ nguɛ like yɛ sran kun kwla fa to i nguan nin-ɔn?

JÉSUS-CHRIST I DYASIN FE'N BO LUC KLELI'N 10:28

Jésus seli i kɛ: «Kɛ ɔ ti sɔ-ɔ, yo i sɔ, a ´nyan nguan.»

JÉSUS-CHRIST I DYASIN FE'N BO LUC KLELI'N 11:28

Jésus a kplin-man su, nan ɔ'a se kɛ: «Se kɛ, sran ng'ɔ tie Nyanmiɛn ndɛ'n b'ɔ fa su'n, i liɛ su ti ye!»

Jean 14:15

«Sɛ an klo min'n, amun ´fa min ndɛ'n su.

1 Korɛntfuɛ Mun 7:19

Sɛ be wla klɛn o, sɛ b'a wla-man klɛn o, ɔ ti-man sa cinnjin, sa ng'ɔ ti cinnjin'n yɛlɛ Nyanmiɛn mmla'n i su falɛ'n.

1 Jean 3:22

Like kwlaa nga e srɛ i'n, ɔ ´fa man e yɛlɛ kɛ e fɛ i ndɛ'n su, yɛ e yo sa ng'ɔ jɔ i klun'n.

1 Jean 5:3

Nyanmiɛn i klolɛ'n yɛlɛ kɛ e fɛ i ndɛ'n su, i ndɛ sɔ'n i su falɛ'n yo-man ya .

Sa nglô yile 22:14

Be nga be kpuli be tralɛ'n, b'ɔ man be kwla di waka ng'ɔ man nguan'n i mma'n, bɔ be kwla sin klɔ'n i anuan nun'n, be liɛ su ti ye !