Nyanndra Mun 19:14 - NYANMIƐN NDƐ'N 1998

¹⁴ Aja like nga be nyɛn i bé nannan'm bé sin'n yɛlɛ sika nin sua. Sanngɛ bla ngwlɛlɛfuɛ'n, Anannganman yɛ ɔ man-an.

Nyanndra Mun 19:14 ပူးပေါင်းရင်းမြစ်များ

Bo Bolɛ 24:44

b'ɔ se min kɛ: Nɔn, man n sa wie m man ɔ nyɔnngɔnmɛn mun'n, wuun i yɛ a kpɛli i kɛ ɔ yo min min'n i wa'n i liɛ-ɔ.›

Bo Bolɛ 24:7

Anannganman b'ɔ ti nglo lɔ Nyanmiɛn'n ɔ flɛli min, ɔ fali min mín si i awlo'n nun kan min osufuɛ'm be tran lɔ'n, ɔ kannin ndɛ kleli min. Ɔ tali min nda seli kɛ: ‹N ´fa mɛn nga m ´man wɔ anunman mun.› Ɔ man i bɔbɔ ɔ wa sunmɛn i anz'n kɛ ɔ dun mmua ɔ nyrun nan a ko fa lɔ bla blɛ mín wa'n.

Nyanndra Mun 13:22

Klun-ufuefuɛ'n i osu aja'n ɔ ti i anunman'm be liɛ. Klunwifuɛ'm be ninnge'm be kaci sran kpa'n i liɛ.

Nyanndra Mun 18:22

Sran nga b'ɔ nyan bla kpa ja'n, wuun ɔ'a nyan muae, afin like yɛ Anannganman fa cɛli i-ɔ.

Nyanndra Mun 3:6

Sɛ a ´fin ase o a ´jao o, Anannganman i dunman yɛ bo-ɔ. Sɛ a bo i dunman'n, ɔ ´bo ɔ nyrun atin'n.

2 Korɛntfuɛ Mun 12:14

Amun wun lɔ kɔlɛ'n i kpɛ nsan su bɔ n su wa kɔ'n yɛ, sɛ n ju lɔ'n, n su kaci-man trɔ amun ti su, afin nán amun ninnge'm be ti yɛ n kɔ-ɔ, sanngɛ amun bɔbɔ amun ti yɛ n kɔ-ɔ. Afin nán ba kanngan mun yɛ be kunndɛ like man bé si nin be nin mun-ɔn, sanngɛ bé si nin be nin mun yɛ be kunndɛ like man be-ɔ.

Mmla'n 21:16

cɛn nga yasua'n ɔ ´fɛ i sa nun ninnge mun ´man i mma mun'n, ɔ lɛ-man atin ɔ fa-man aja ng'ɔ ti ba yasua kpɛnngbɛn'n i liɛ'n ɔ fa man-man bla ng'ɔ klo i'n i wa liɛ'n.

Jacques 1:17

Like kpa kwlaa nga be fa man sran'n, ɔ nin like kpa kwlaa nga be nyɛn i'n, be fin e Si b'ɔ o nglo lɔ b'ɔ yili anglo'n, nin nzraama, ɔ nin wia'n bɔ be kpaja'n. I liɛ'n ɔ kaci-man mlɔnmlɔn, yɛ ɔ kpɛ-mɛn i wun kɛ lolɛ b'ɔ kpɛ i wun'n sa.

Zozie 11:23

Wafa nga Anannganman kan kleli Moiz kɛ ɔ `fa mɛn sɔ'n, i su yɛ Zozie nian fali-ɔ. Ɔ fa cɛcɛli Izraɛl akpasua'm be kwlaa, i sin yɛ Izraɛlfuɛ'm be deli wunmiɛn alɛ kunlɛ nun-ɔn.