Nyanndra Mun 19:12 - NYANMIƐN NDƐ'N 1998

¹² Kɛ famiɛn kun ko fa ya'n, ɔ yo sro kɛ asɔmɔli b'ɔ su kpan'n sa. Sɛ kusu ɔ nian ɔ nyrun klanman'n, ɔ ti kɛ bɔlɛ b'ɔ gua nnya'm bé su'n sa.

Nyanndra Mun 19:12 ပူးပေါင်းရင်းမြစ်များ

Bo Bolɛ 27:28

Nyanmiɛn man bɔlɛ ufue `gua man wɔ, nan ɔ fie su ninnge'm be `yo ye. Man ɔ ble fie'n yo ye kpa, man ɔ nzan'n sɔn.

2 Samiɛl 23:4

ɔ ti kɛ nglɛmun wia b'ɔ ´fite'n, wuun nyanmiɛn ble'n nun-man lɛ'n sa'n. Ɔ kpaja weiin. Kɛ nzue'n ɔ'a tɔ ɔ'a kpɛ'n, i sɔ wia liɛ'n yɛ man ijre nga be o asiɛ'n bo'n be fu-ɔ.›

Ɛstɛr 1:12

Bla'm be su nianfuɛ sɔ'm be ko kan kleli bla'n, sanngɛ bla'n waan ɔ ba-man, ɔ yoli famiɛn'n ya trali su, ɔ kpɛli i anwlɛn.

Ɛstɛr 7:8

Kɛ famiɛn'n ´fin waka'm bé bo lɔ ´ba cɛn diwlɛ lɛ'n, ɔ ´nian-an, Aman yɛ ɔ o bia tɛnndɛn bɔ Ɛstɛr ti su'n su yɛ. Yɛ i waan: «?Nan min bɔbɔ mín nyin bo wa nin min sua nun wa yɛ a wa tɔ min yi'n gblu ekun-ɔn?» Kɛ famiɛn'n ´se sa'n, wuun i sran'm b'a kata Aman i ti lalaa.

Jue Mun 133:3

Ɔ ti kɛ bɔlɛ b'ɔ fin Ɛrmɔn oka'n su lɔ ɔ wa gua Siɔn oka'm be su'n sa, afin lɛ yɛ Anannganman sieli kɛ ye bɔ be nyɛn i'n nin nguan'n be `fin bla tititi-ɔ.

Jue Mun 72:6

Man ɔ yo kɛ nzue b'ɔ tɔ ijre bɔ b'a kpɛkpɛ'n su'n su sa. Man ɔ yo kɛ nzue dan b'ɔ lualua asiɛ'n sa.

Nyanndra Mun 20:2

Kɛ famiɛn kun ko fa ya'n, ɔ yo sro kpa kɛ asɔmɔli sa. Ɔ min kun nga a klɔklɔ famiɛn'n, wuun ɔ ti kɛ a su kunndɛ ɔ wie.

Nyanndra Mun 28:15

Famiɛn wlɛfuɛ b'ɔ sie sran yalɛfuɛ mun b'ɔ tin be su'n, ɔ ti kɛ asɔmɔli b'ɔ su kpan'n sa, yɛ ɔ ti kɛ atiekle bɔ awe kun i'n sa.

Akunndanfuɛ'n 8:4

Famiɛn'n i nuan nun ndɛ'n yɛ ɔ ti ndɛ kwlaa i atabo nin-ɔn. ?Wan yɛ ɔ kwla se i kɛ: «Nguɛ yɛlɛ nga a ´yo i lɛ nin-ɔn?»

Ezai 18:4

Afin Anannganman seli min kɛ yoo: «Kɛ n wo min tranwlɛ'n nun lɔ'n, n su keje-man mín wun, n ´nian sa nga be ´ju'n. N ´tran diin kɛ aunyɛyɛ b'ɔ ba wia kpa'n nun bɔ lika'n ɔ jran diin'n sa. N ´tran diin kɛ bɔlɛ ufue munnduun b'ɔ ba ble kpɛlɛ blɛ'n nun aunyɛyɛ nun'n sa.»

Daniɛl 5:19

Nyanmiɛn man ɔ nyannin nyrun, i ti nvle'm be kwlaa, ɔ nin mɛnmɛn'm be kwlaa be nun sran mun bɔ be kan aniɛn wafa-wafa'n kwlaa'n be sroli i, be usuli i nyrun. Sran kwlaa nga famiɛn sɔ'n ɔ klo kɛ ɔ ´kun i'n, ɔ su kun i. Sran nga i waan ɔ ´yaci i lɛ'n, ɔ yaci i lɛ. Sran ng'ɔ klo kɛ ɔ ´mɛn i kɔmin su'n, ɔ mɛn i kɔmin su. Sran nga kusu bɔ i waan ɔ ´yo i wannzo'n, ɔ su yo.

Daniɛl 6:24

Famiɛn'n i klun jɔli dan kpa, nan ɔ'a se kɛ be `yi Daniɛl kunman'n nun fite. Be yili Daniɛl kunman'n nun fiteli. Kɛ be niɛn-niɛnnin i wun'n, b'a wun-man kɛ i lika kaan sa ti kplowa. Afin ɔ fɛli i wla'n kwlaa guɛli i Nyanmiɛn'n su.

Ndɛ Nga Nyanmiɛn I Nuan Ijɔfuɛ Oze Kannin'n 14:5

«N ´yo man Izraɛlfuɛ'm be ´yaci bé nyin nyɔnnyɔn siesielɛ. N wa klo be klolɛ kpa, n su fa-man bé wun ya tɛ kun.

Mise 5:7

Zakɔb osu nunfuɛ nga be ka'n, be nin nvle uflɛ mun, be nun sran kpanngban, be ´tran kɛ asɔmɔli b'ɔ o blo nnɛn'm be afiɛn'n sa. Be ´tran kɛ asɔmɔli b'ɔ o bua'm be afiɛn'n sa. Kɛ ɔ ´sin'n, nnɛn kun nga i waan ɔ ´trɛ titi i nun'n, sran fi lɛ-man atin b'ɔ ´de i sa nun-ɔn.

Mmla'n 33:28

Izraɛlfuɛ'm be o be olɛ lɛ bɔ cɛ, sa nyan-man be. Zakɔb i osu nunfuɛ'm be o be liɛ ngunmin. Mɛn nga be o nun'n, ble nin vinyi'n be yo ye lɔ kpa, afin bɔlɛ'n ɔ gua su tititi.