Nyanndra Mun 19:10 - NYANMIƐN NDƐ'N 1998

¹⁰ Kɛ sinnglinfuɛ kun `di wlengbi'n, ɔ nin i sɔ'n fata-man. Kɛ kanga ba kun yɛ ɔ `sie wlengbi mun'n, ɔ nin i sɔ'n fata-man.

Nyanndra Mun 19:10 ပူးပေါင်းရင်းမြစ်များ

2 Samiɛl 3:39

B'a sie min famiɛn sɔ, sanngɛ mín sa'n nian tin-man. E nin Zɛriza i mma mun e sɛ-man. Man Anannganman bɔbɔ yɛ ɔ fa sran ng'ɔ yo sa tɛ'n i nuan akatua'n mɛn i-ɔ.»

Ɛstɛr 3:15

Be nga be sunmannin be'n, be kannin bé wun ɔli kɛ famiɛn'n kannin'n sa. Be boli ndɛ sɔ'n i jɔ sinnin Siz b'ɔ ti famiɛn klɔ'n su. Kɛ famiɛn'n nin Aman be yiali bɔ be ´nɔn nzan'n, wuun ayrɛ ɔ'a gua Siz klɔ'n sufuɛ'm bé wun.

Nyanndra Mun 17:7

Kɛ sinnglinfuɛ'n wo lɛ'n, be kan ndɛ kpa be kle i-ɔ, ɔ ti-mɛn i liɛ'n su. Siefuɛ'n kusu be kpɛ gblɛ kle i-ɔ, ɔ ti-mɛn i liɛ'n su.

Nyanndra Mun 26:1

Anwlanmannun'n, nzue tɔ-man wawa nun. Kɛ bɔlɛ gua-man'n yɛ ɔ waan nzue b'ɔ ´tɔ-ɔ nzraama gua'n yɛ ɔ ´tɔ-ɔ. Kɛ sinnglinfuɛ'n ɔ ti sɔ-ɔ, be kwla yi-mɛn i ayɛ.

Ezai 3:5

Nvle sɔ nun'n, nga ´jaso ɔ ´yo i wiengu sa, nga ´jaso ɔ ´yo i wiengu sa. Gbanflɛn'n ɔ ´yo kpɛnngbɛn'n i like kekle. Sran finfinfuɛ'n ɔ ´jaso sran kpa'n i wun.

Ndɛ Nga Nyanmiɛn I Nuan Ijɔfuɛ Oze Kannin'n 9:1

Izraɛlfuɛ mun, nán amun bo wɛ be bo nglo, nán amun bo wɛ be yi be aklunjuɛ'n i nglo kɛ nvle kun nga mun sa. Afin sɛ n ´kwla se'n amun kpɔcili min bɔ n ti amun Nyanmiɛn'n amun tekle silɛ'n ti. Kan kwlaa nga be bo ble lɛ'n, san amun ´kunndɛ amun akatua lɛ kpan!

JÉSUS-CHRIST I DYASIN FE'N BO LUC KLELI'N 16:19

«Laa bian anyanbeunfuɛ kun o lɛ, ɔ kla ago nin tannin kpakpa, cɛn kwlaa ɔ di fɛ.

JÉSUS-CHRIST I DYASIN FE'N BO LUC KLELI'N 16:23

Kɛ ɔ o blɔlɔ lɔ b'ɔ ´wun i nyrun kpa'n, ɔ nian mmua lɔ'n, ɔ wunnin Abraam, yɛ Lazar kusu wo i wun lɛ.

Jacques 4:9

Man amun nyrɛnnɛn'n wlu amún nyin su, an `bo awuyomo, an `sun, yɛ srilɛ nga an sri'n, man ɔ kaci sunlɛ.

1 Samiɛl 25:36

Kɛ Abigail ´sɛ i sin Nabal wun lɔ'n, wuun cɛn nga be su di i awlo nun'n ɔ ti kɛ famiɛn wie yɛ ɔ su di cɛn sa. Nabal klun ti jɔwa dan, ɔ'a nɔn nzan'n lele ɔ'a tratra su, ɔ'a bo i. Ɔ man Abigail ɔ'a kan-man ndɛ fi ɔ'a kle-mɛn i lele san aliɛ'n cɛnnin.