Nyanndra Mun 18:5 - NYANMIƐN NDƐ'N 1998

⁵ Sran nga b'ɔ yo sa'n, ɔ fata-man kɛ be jrɛn i sin nan be fa ndɛ'n gua sran nga bɔ ɔ'a yo-man sa'n i su.

Nyanndra Mun 18:5 ပူးပေါင်းရင်းမြစ်များ

Zɔb I Nyrɛnnɛn Wunlɛ 34:19

I liɛ'n, ɔ sa-man famiɛn i awlo lɔ sran dandan'm be nyan. Ɔ bu-man sikafuɛ'm be sran tra-man yalɛfuɛ mun. Afin i yɛ ɔ yili be kwlakwla-a.

Jue Mun 82:2

«?Cɛn onin ko yɛ amun ´yaci sran'm be ndɛ kwlɛ dilɛ-ɔ? ?Cɛn onin ko yɛ amun ´yaci be nga be fɔn'n be ndɛ fɛ manlɛ-ɔ?

Ezipt Lɔ Tulɛ'n 23:2

Sran wie bé bo yo kun be yo sa tɛ. Nán nian kɛ be ti kpanngban ti a se kɛ a su be su yo wie. Sran wie'm be kusu be di ndɛ i wafa b'ɔ ti-man su'n. Nán jran bé sin.

Ezipt Lɔ Tulɛ'n 23:3

Sɛ sran kun ti yalɛfuɛ bɔbɔ nan i ndɛ yo-man fɛ'n, nán nian kɛ ɔ ti yalɛfuɛ'n ti a se kɛ a jran i sin.

Ezipt Lɔ Tulɛ'n 23:6

Sɛ sran wie waan a `di i jɔlɛ'n, sɛ ɔ ti yalɛfuɛ bɔbɔ'n, nán niɛn i yalɛ'n ti bu i ndɛ kwlɛ.

Nyanndra Mun 17:15

Kɛ Anannganman nyin fa ci sran nga bɔ sɛ i wiengu kun yo i sa-a, ɔ blublu su bɔ i waan nán be se kɛ i yɛ ɔ yoli'n, i kunngba'n yɛ i nyin fa ci sran nga bɔ sɛ i wiengu kun ɔ'a yo-man sa kpɛkuun ɔ kpɛ suɛn tɛ i wun'n .

Nyanndra Mun 17:26

Sran nga bɔ ɔ'a yo-man sa'n, ɔ fata-man kɛ be de i like. Sran nga kusu b'ɔ ti sran kpa'n, ɔ fata-man kɛ i nanwlɛ dilɛ'n ti be kle i nun.

Nyanndra Mun 24:23

Akunndanfuɛ'm be ndɛ nga be kannin'n i wie ekun yɛ. Sɛ be ´di jɔlɛ'n, ndɛ kwlɛ dilɛ'n ɔ ti-man kpa.

Nyanndra Mun 28:21

Ndɛ kwlɛ dilɛ'n ti-man kpa. Sanngɛ sran wie mun'n, bé nuan nun aliɛ ngbɛn sa'n ti, be yo i sɔ gblɛ sa liɛ'n.

Nyanndra Mun 31:5

Afin sɛ be nɔn be bo'n, bé wla ´fi mmla'n, yɛ be ´di yalɛfuɛ'm be ndɛ kwlɛ.

Ezai 5:23

Sɛ sran kun yo sa tɛ'n, kɛ ɔ man be adi'n, kpɛkuun b'a di i ndɛ'n klanman. Sɛ sran wie i ndɛ'n yo fɛ'n, be bu ndɛ'n be yi su.

Ezai 59:14

E yo-man sa ng'ɔ ti i nuan su'n kun, e yo-man sa kpa'n kun. Nanwlɛ dilɛ'n nun-man klɔ'n i lika fi nun kun, ndɛ wein-wein kanlɛ'n nun-man lɛ kun.

Saun Yolɛ 19:15

Nán amun bu ndɛ kwlɛ. Nán amun nian kɛ sran nga ti yalɛfuɛ'n ti amun ´bu ndɛ yi i su. Nán amun nian kɛ sran nga kusu ti sikafuɛ'n ti amun ´jrɛn i sin. Sanngɛ kɛ ndɛ'n fa ti'n, yɛ amun `fa kan man amun wiengu mun-ɔn.

Mise 3:9

Zakɔb anunman'm bé su ngbɛn mun, Izraɛl jɔlɛ difuɛ mun, amun yɛ n kan ndɛ nga m man amun-ɔn. Amun bɔ an klo-man nanwlɛ dilɛ, bɔ gblɛ'n yɛ amun kpɛ'n,

Mise 7:3

Sa tɛ'n, b'a yo i lele b'a si i yo kekleke. Kpɛnngbɛn mun nin jɔlɛ difuɛ'm be mianmian sran mun kɛ be man be ninnge mun. Sran dandan'm be kusu be like liɛ kun nga be waan be ´fɛ i sran sa nun'n, be fia-man bé wun, be fɛ i wue kekle su.

Matthieu 22:16

Be sunmannin be sɔnnzɔnfuɛ mun nin Erɔdfuɛ mun Jésus wun lɔ, be wa seli i kɛ: «Nja, e si kɛ a di nanwlɛ yɛ a kle sran mun Nyanmiɛn atin'n nanwlɛ nun, yɛ e si kɛ a sro-man sran fi, afin a nian-man sran nyrun yɛ a yo sa-a.

Mmla'n 16:19

Nán amun bu sran fi ndɛ kwlɛ. Nán amun nian sran nyrun nan amu'an bu ndɛ. Nán amun sɔ adi ninnge'm be nun. Afin ninnge sɔ'm be si akunndanfuɛ'm be nyinma. Yɛ be saci nanwlɛ difuɛ'm be ndɛ kanlɛ'n.