Nyanndra Mun 18:24 - NYANMIƐN NDƐ'N 1998

²⁴ Janvuɛ kaka'n kwla kun be, sanngɛ janvuɛ'n wie kusu ti kpa tra be niaan.

Nyanndra Mun 18:24 ပူးပေါင်းရင်းမြစ်များ

2 Samiɛl 1:26

Zonatan min niaan, min anwlɛn'n ɔ'a kpɛ min klun wɔ ti. Wɔ yɛ man min klun jɔ-ɔ. Klolɛ nga a fa klo min'n, be fa-man bla'm be klolɛ'n fa sunnzun-mɛn i.

2 Samiɛl 15:21

Itai tɛli famiɛn'n su kɛ: «N kan Nyanmiɛn ɔ nin wɔ be ti, Nannan, kan kwlaa nga a ´kɔ'n, n ´kɔ wie. Sɛ a ´tran nguan nun o, sɛ a ´wu o, min nin wɔ-ɔ.»

2 Samiɛl 16:17

Yɛ Absalɔm usɛli i kɛ: «A si ɔ janvuɛ'n i wun ye klanman nja! ?Ɔ yo sɛ ti yɛ a nin ɔ janvuɛ'n b'a san-man nun kun-ɔn?»

2 Samiɛl 21:7

Famiɛn'n sili Sail i anunman Mɛfibɔsɛt b'ɔ ti Zonatan i wa'n i aunnvuɛ nda bɔ David nin Zonatan be fali Anannganman i dunman be tali bé wiengu'n ti.

Nyanndra Mun 17:17

Janvuɛ kpa'n ɔ nunnun wunfle. Be niaan'n kusu, ɔ nunnun mmoja.

Nyanndra Mun 27:10

Ɔ janvuɛ kun, yɛ ɔ́ si i janvuɛ kun, nán kpɔci be. Sɛ ndɛ nyan wɔ'n, nán wanndi kɔ ɔ niaan'n sin, afin janvuɛ nga a nin i be mantan'n, wie i kpa tra ɔ niaan b'ɔ nin wɔ be mantan-man'n.

Nyanndra Mun 27:9

Nyanngo nin parfɛn'n, be jɔ sran anwlɛn. Afɔtuɛ kpa bɔ sran kun mɛn i janvuɛ'n, i klolɛ ti'n, ɔ jɔ anwlɛn tra su.

1 Samiɛl 18:1

Kɛ David nin Sail be wieli yalɛ'n koko cɛ'n, yɛ Zonatan, b'ɔ ti Sail i wa'n fɛli i wun fa mantannin David-ɔ. Zonatan kloli i kɛ i bɔbɔ fa klo i wun sa.

1 Samiɛl 18:3

Zonatan liɛ'n ɔ klo David kpa, i sɔ'n ti, ɔ nin i be tatali bé wun nda kɛ be tra janvuɛ.