Nyanndra Mun 18:2 - NYANMIƐN NDƐ'N 1998

² Ngwlɛlɛ ndɛ nga be kan kle sinnglinfuɛ'n, ɔ ti-mɛn i cinnjin. Ng'ɔ lo i'n, yɛlɛ i bɔbɔ i ti nun akunndan liɛ'n i kan sinlɛ.

Nyanndra Mun 18:2 ပူးပေါင်းရင်းမြစ်များ

Nyanndra Mun 1:22

«?Ɔo, sinnglinfuɛ mun, nan kɛ amún ti ´ka sinnzin'n nun sa bɔ tititi? ?Amun nga amun to sran mma'n, nan i su cɛ yɛ amun ´ka sa titi-ɔ? ?Amun bɔ amun wun-man sa wlɛ'n, amun kusu, nan kɛ an ´fa amún nyin ci ngwlɛlɛ'n sa?

Nyanndra Mun 1:7

Bé nyin b'ɔ yi Anannganman'n, yɛ ɔ ti ngwlɛlɛ silɛ'n i bo bolɛ nin-ɔn. Be nga be wun-man sa wlɛ'n be bu-man ngwlɛlɛ'n i like fi. Ndɛ nga be kan kle be'n, be bu-mɛn i like fi .

Nyanndra Mun 12:23

Akunndanfuɛ'n ɔ ti ndɛ-ɔ, ɔ tɛ-mɛn i kan. Sran ng'ɔ si-man sa'n, i liɛ ndɛ'n i tilɛ yɛ, i jɔ bolɛ yɛ.

Nyanndra Mun 13:16

Ngwlɛlɛfuɛ'n ɔ ´yo sa-a, ɔ bu i sin yɛ ɔ yo-ɔ. Sran ng'ɔ wun-man sa wlɛ kusu'n, ɔ yaci-mɛn i sinnzin'n i nglo yilɛ le.

Nyanndra Mun 17:16

?Sinnglinfuɛ'n i sa nun sika'n, ɔ fa yo nguɛ ye? ?Ɔ fa to ngwlɛlɛ-ɔ ɔ yo ye? Kannzɛ be to bɔbɔ-ɔ, i sinnzin'n ti ɔ kwla to-man.

Nyanndra Mun 18:3

Klunwi yolɛ'n man be yo finfin, sa sukusuku yolɛ'n man be kuakua.

Akunndanfuɛ'n 10:3

Sinnglinfuɛ'n i nantilɛ ng'ɔ fa nanti atin'n su'n yɛ be fa wun kɛ ɔ si-man ngwlɛlɛ-ɔ. Kɛ ɔ ´nanti'n, sran'm be kwlaa be wun kɛ sinnglinfuɛ yɛ ɔ ´kɔ lɛ-ɔ.

Matthieu 8:34

I sɔ'n ti, klɔfuɛ'm be kwlaa be fite ɔli Jésus atin kpalɛ. Kɛ be nin i yiali'n, be srɛli i kpa kɛ ɔ jao be mɛn'n nun.

1 Korɛntfuɛ Mun 14:12

Amun liɛ'n kusu, kɛ amún nyin blo Nyanmiɛn Wawɛ'n i ninnge b'ɔ fa man sran mun kɛ be yo'n be su'n, an `mian amún nyin an `yo ninnge sɔ'm be kpa man asɔnun'n yo kpa.

1 Korɛntfuɛ Mun 8:1

Nga b'ɔ ti amuɛn nnɛn'n i ndɛ liɛ'n, e si kɛ e kwlaa e si i. Sanngɛ sa silɛ sɔ'n man sran tu i wun, sanngɛ sran klolɛ'n ɔ man sran yo sran.

Filipfuɛ Mun 1:15

Nanwlɛ, be nun wie'm bé nyin b'ɔ ci min'n nin akplowa silɛ'n ti yɛ be kan Krist ndɛ nin-ɔn, sanngɛ wie'm be akunndan bɔ be fa kan'n ti kpa.