Be kusu be yoli kɛ be niaan Aarɔn osu'n nunfuɛ'm be sa. Be tuli fɔtɔ David, nin Zadɔk, nin Asimelɛk be nyrun. Nyanmiɛn nyrun jranfuɛ mun nin Levifuɛ'm be awlobo kpɛnngbɛn'm be o lɛ wie. Wafa kunngba nga be fa yoli awlo dandan mun'n, i kunngba'n yɛ be fa yoli awlo kanngan mun-ɔn.
Zurdɛn sin lɔ wia afiliɛ lɔ Zeriko ndɛnman lɛ'n, be mannin be Bɛzɛr b'ɔ o aawlɛ flɛnnɛn'n nun'n nin lika nga be o i asa'n su'n. Lika kunngba nun'n, be mannin be Zaza nin Kɛdemɔt, nin Mefat, ɔ nin lika nga be o be asa'n su'n. Lika sɔ'm be kwlaa be o Ribɛn i akpasua'n su lɔ.
Kpɛnngbɛn'm be trannin Zerizalɛm. Be tuli be kun nga'm be wun fɔtɔ. Kɛ be tu sran blu be wun fɔtɔ'n, kun ´tran Zerizalɛm Nyanmiɛn i klɔ'n su, yɛ be ngwlan kun nga'm be ´tran klɔ uflɛ'm be su.
Yɛ Sail seli Anannganman kɛ: «Izraɛlfuɛ'm be Nyanmiɛn, tɛ é su, man e wun ndɛ ng'ɔ ti nanwlɛ'n.» Kpɛkuun ɔ'a kle Zonatan nin Sail. Izraɛlfuɛ'm b'a nyan bé ti.