Nyanndra Mun 18:10 - NYANMIƐN NDƐ'N 1998

¹⁰ Anannganman ti kɛ awa dan wie bɔ b'a si'n sa. Sran kpa ng'ɔ wanndi ko talo i'n, ɔ nyan manndran.

Nyanndra Mun 18:10 ပူးပေါင်းရင်းမြစ်များ

Bo Bolɛ 17:1

Kɛ Abram dili afuɛ ablangwlan-nin-ngwlan'n, Anannganman fiteli i nyrun nan ɔ'a se i kɛ: «Nyanmiɛn b'ɔ kwla like kwlaa yo'n yɛlɛ min. Bo manndrɛn su min titi. Nán fiɛn kaan sa tran ɔ wun.

Bo Bolɛ 32:11

N ti kaan ngboko. Nɛnnɛn nga a dili min'n nin nantilɛ klanman nga a nin min nantili'n, nannan, ɔ nin min fata-man. I nun bɔ n ´kpɛ Zurdɛn'n n ´kɔ'n, like ng'ɔ o ń sa nun'n yɛlɛ kpɔnman. Yɛ andɛ yɛ mín sa nun sran'm b'a ju akpasua nnyɔn yɛ.

2 Samiɛl 22:2

I waan: «Anannganman ti kɛ yɛbuɛ sa, yɛ n talo i-ɔ, ɔ ti min sasafuɛ, yɛ ɔ ti min defuɛ.

2 Samiɛl 22:3

Min Nyanmiɛn'n ti kɛ yɛbuɛ sa, yɛ n talo i-ɔ, i nun yɛ n fia-a. Ɔ ti kɛ nyrɛn sa, i nun yɛ n nyan wunmiɛn-ɔn, i yɛ man n fite nun-ɔn. Ɔ ti min fiawlɛ dan ɔ man sa nyan-man min. Ee min Defuɛ! A de min sran wlɛfuɛ'm bé sa nun.

2 Samiɛl 22:51

Anannganman de famiɛn ng'ɔ sieli'n. Ɔ yo sran ng'ɔ sieli i famiɛn'n i ye titi. Ɔ yo David nin i osu nunfuɛ'm be ye tititi.»

Jue Mun 144:2

Ɔ ti min ye yofuɛ, ɔ ti kɛ min fiawlɛ sua sa. Ɔ ti min fiawlɛ kpa tra su, yɛ ɔ ti min defuɛ. Ɔ sasa min kɛ nyrɛn sa, i sin yɛ n fia-a. I yɛ man min nvlefuɛ'm be nyin yi min-ɔn!

Jue Mun 18:2

Ee! Anannganman, n klo wɔ! Wɔ yɛ a man min wunmiɛn-ɔn.

Jue Mun 20:2

Sɛ nyrɛnnɛn tɔ wɔ su'n, nan a kpan flɛ Anannganman'n, man ɔ tɛ wɔ su. Man Zakɔb i Nyanmiɛn'n ɔ sasa wɔ.

Jue Mun 27:1

Jue nga ti David liɛ. I waan: Anannganman ti mín kannin nin min defuɛ. ?Wan yɛ n tɛ sro i ekun-ɔn? Anannganman ti min nguan'n i nun trafuɛ. ?Wan li wun yɛ srɛ tɛ kun min-ɔn?

Jue Mun 91:14

Anannganman waan: «Ɔ klo min, i sɔ'n ti n ´fɛ i n ´fia, n ´sɛsɛ i afin ɔ si min.

Jue Mun 91:2

Ɔ fata kɛ sran sɔ'n se Anannganman kɛ: «A ti min fiawlɛ, a ti min fiawlɛ sua, a ti min Nyanmiɛn, ɔ su yɛ n fa n wla'n n gua-a!»

Ezipt Lɔ Tulɛ'n 6:3

Laa, n yili min wun nglo n kleli Abraam, nin Izaak, nin Zakɔb. Min dunman nga n fa kleli be'n yɛlɛ ‹Nyanmiɛn b'ɔ kwla like kwlaa yo'n,› sanngɛ b'a si-man kɛ be flɛ min ekun kɛ: ‹Anannganman›.

Nyanndra Mun 14:26

Sran nga i nyin yi Anannganman'n, ɔ lɛ kisawlɛ cinnjin kpa, afin Anannganman sɛsɛ i mma mun.

Nyanndra Mun 29:25

Srongble'n i agualiɛ'n ti-man kpa. Sran ng'ɔ fɛ i wun wlɛ i Anannganman sa nun'n i liɛ'n, kɛ ɔ o lɛ'n yɛ ɔ wo-ɔ.

Ezai 26:4

Amun `fa amún wla gua Anannganman su tititi. Afin ɔ ti kɛ yɛbuɛ sa, i yɛ be talo i-ɔ, ɔ o lɛ anannganman anannganman.

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Ezai 9:6

Ɔ ´yo man i sielɛ'n ɔ ´trɛ, yɛ ɔ man fɔundi'n ´tran lɛ tititi. Ɔ ´yo man David i sielɛ'n nin i famiɛn diwlɛ'n be ´yo kpa, yɛ be ´taka. Mmla'n i su falɛ'n nin sa nuan su yolɛ'n, be yo sielɛ sɔ'n nin famiɛn diwlɛ sɔ'n bé bo bia lele yɛ ɔ ´yo kɛ ɔ ´fa yo nin-ɔn. Anannganman b'ɔ sie mɛn wunmuan'n i klolɛ'n ti sa ng'ɔ wa yo'n yɛ ɔ o lɛ-ɔ .

Zeremi 23:6

I blɛ su Zidafuɛ'm be ´nyan be ti, Izraɛlfuɛ'm be ´di alaje. Be wa flɛ i kɛ: ‹Anannganman'n ti e ti ndɛ kanfuɛ .›

Abakik 3:19

Anannganman Nyanmiɛn'n ti min wunmiɛn manfuɛ, ɔ yo man mín wun kpɛ kɛ álua mun sa, ɔ yo man n nanti oka fleinflein'm be su .

Matthieu 1:23

«An `nian, talua b'ɔ nian si-man bian'n ɔ wa wunnzɛ, ɔ ´wu ba yasua, Be ´tɔn i dunman Emaniɛl,» bɔ i bo'n kle kɛ Nyanmiɛn nin ye o nun .

Sa nglô yile 1:8

Anannganman Nyanmiɛn b'ɔ kwla like kwlaa yo'n, b'ɔ o lɛ, b'ɔ o lɛ lalaa'n, b'ɔ ´ka lɛ'n, i waan: «N ti Alfa nin Omega .»

1 Samiɛl 17:45

David kusu tɛli i su kɛ: «A nin min ´ba kunlɛ-ɔ, tokofi nin cua, ɔ nin ta yɛ a fa ba-a. N liɛ'n, Anannganman b'ɔ sie mɛn wunmuan'n, i dunman'n yɛ n fa ba-a. Anannganman b'ɔ ti Izraɛl'n i ti alɛ kunfuɛ'n bɔ a kpɛli i nzowa'n, i dunman'n yɛ n fa ba-a.

1 Samiɛl 30:6

David i wla ɔ boli i wun dan, afin sran'm be su kan kɛ be ´kun i yɛbuɛ nun. Afin sran'm be kwlakwla be fali ya be mma yasua nin be mma bla mun be liɛ'n ti, sanngɛ kɛ David fɛ i wla guɛli Anannganman i Nyanmiɛn'n su'n ti'n, Anannganman kusu wlɛli i fanngan.