Nyanndra Mun 18:1 - NYANMIƐN NDƐ'N 1998

¹ Sran nga bɔ i bɔbɔ i wun akunndan yɛ ɔ bu'n, ɔ fɛ-mɛn i wun mantan-man sran. Sɛ be se kɛ be ´ukɛ i nan ɔ yo like wie'n, ɔ yo-mɛn i fɛ.

Nyanndra Mun 18:1 ပူးပေါင်းရင်းမြစ်များ

Ezipt Lɔ Tulɛ'n 33:16

?Ɔ ´yo sɛ nan sran'm b'a si kɛ a su yo min nin min nvlefuɛ mun e ye? ?Nán kɛ a nin ye ´nanti bɔ ngbaciɛ tran min nin min nvle'n e nin nvle kun nga mun ye afiɛn nin-ɔn?»

Nyanndra Mun 14:10

Klunngbɔ ng'ɔ o sran kun klun'n, i bɔbɔ kunngba yɛ ɔ si i-ɔ. I aklunjuɛ'n kusu kɛ ɔ fa ti ju'n, sran kun sa si-mɛn i.

Nyanndra Mun 17:14

Kɛ be ´bo akplowa silɛ'n bo'n, ɔ ti kɛ ce wie yɛ be su bu i sa. I sɔ'n ti, kɛ ngondin'n nian tɔ-man'n, ɔ fata kɛ a cuɛn ɔ́ wun.

Nyanndra Mun 20:19

Sran ng'ɔ ijɔ kaka'n, i nuan tra-man ndɛ. I sɔ'n ti, nán fa ɔ́ wun mantan be nga be ijɔ ngboko'n.

Nyanndra Mun 20:3

Sa'n i klanman'n yɛlɛ kɛ sɛ be ´si akplowa'n, yi ɔ́ wun nun, nán si wie. San sinnglinfuɛ'm be kunngba cenje yɛ be fa bé ti be tin nun-ɔn.

Nyanndra Mun 24:21

Mín wa, man ɔ́ nyin yi Anannganman nin famiɛn'n. Be nga be waan be ´kpɛ like'n kwlakwla wun'n, nán kuku ɔ́ wun yi be nun.

Nyanndra Mun 26:17

Sran nga b'ɔ ´sin kɔ i lika, bɔ sran wie'm be ´kan be ndɛ-ɔ ɔ fɛ i wun wla nun'n, i sɔ sran'n ti kɛ sran bɔ alua wie o i olɛ lɛ b'ɔ ko sɔ i sukpɔ'n sa.

Nyanndra Mun 3:21

Mín wa, nán ndɛ nga'm be fi ɔ́ nyin. Man akunndan nin ngwlɛlɛ ndɛ nga'm be ka ɔ klun.

Nyanndra Mun 8:14

Ndɛkɛn akunndan liɛ'n ɔ nin cɛn wie liɛ'n, min yɛ m man-an. Ngwlɛlɛ'n yɛlɛ min, wunmiɛn sa'n ɔ ti min liɛ.

Zeremi 15:17

Kɛ sran'm be yia bɔ be ´srisri'n, n ko tran-man be nun n yiyi-man min nyin su. A tra min nun kekle ti man n trannin min ngunmin ya bɔ ɔ man ɔ kun-man min ngowa'n ti.

Zakari 7:3

Be waan be ´usa Nyanmiɛn nyrun jranfuɛ nin Nyanmiɛn nuan ijɔfuɛ nga be tran Anannganman b'ɔ sie mɛn wunmuan'n i sua'n nun'n be kɛ: «?Sunlɛ nga e sun i anglo nnun'n su'n, ɔ nin nglɛmun nga e ci bɔ e sɔ i yolɛ lele ɔ'a fa ju ndɛ yɛ'n, e ´yo sɔ tititi?»

Matthieu 13:11

Jésus seli be kɛ: «Amun yɛ be yi Nyanmiɛn sielɛ'n i wun akunndan bɔ sran wun-mɛn i wlɛ'n i nglo kleli amun-ɔn, sanngɛ be nga'm be liɛ'n, b'a sie-mɛn i sɔ.

Matthieu 13:44

«Nyanmiɛn sielɛ'n ɔ fa like kpa kun bɔ be fa fiali fie kun su. Sran kun wunnin i nan ɔ'a fa fia ekun. I fɛ b'ɔ yo i'n ti'n, ɔ ko yo i sa nun ninnge'n kwlaa atɛ ɔ fa toli fie sɔ'n.»

Marc 1:35

Nglɛmun ndɛ kpa'n kɛ lika'n tɛ dun'n, ɔ jao fitɛli, ɔ ɔli aawlɛ flɛnnɛn nun lɔ lika kun b'ɔ ti diin'n nun, ɔ nin Nyanmiɛn be ko koko yalɛ.

Marc 4:11

Ɔ seli be kɛ: «Amun yɛ be yi Nyanmiɛn sielɛ'n i wun akunndan bɔ sran wun-mɛn i wlɛ'n i nglo kleli amun-ɔn, sanngɛ be nga be ti-man e liɛ'n, be liɛ'n kwlaa sin nyanndra nun

Rɔmfuɛ Mun 1:1

M Pɔl, n ti Krist-Jésus i sran. Nyanmiɛn flɛli min kɛ ɔ ´sunman min. Ɔ yili min kɛ m bo i jasin fɛ'n

2 Korɛntfuɛ Mun 6:17

I sɔ'n ti'n, e Min Nyanmiɛn seli kɛ: «An `jao be nun, nán an fa amun wun mantan be. Nán an kan fiɛn , yɛ n ´sɔ amun nun.

Mmla'n 14:6

Amun `di nnɛn kwlaa nga bɔ i ja bui'n nun ti kpaciwa'n, kpɛkuun ɔ kpu like di'n.

Jude 1:19

Sran sɔ'm be yɛ man sran nin sran be bu nin-ɔn. Be ti klɔ sran, Nyanmiɛn Wawɛ'n sie-man be.