Nyanndra Mun 17:26 - NYANMIƐN NDƐ'N 1998

²⁶ Sran nga bɔ ɔ'a yo-man sa'n, ɔ fata-man kɛ be de i like. Sran nga kusu b'ɔ ti sran kpa'n, ɔ fata-man kɛ i nanwlɛ dilɛ'n ti be kle i nun.

Nyanndra Mun 17:26 ပူးပေါင်းရင်းမြစ်များ

Bo Bolɛ 18:25

N si kɛ a su nunnun-man klɔ'n. Kɛ a ´kan sran kpa mun nin sran tɛ mun bo nun a ´kun be'n nan sa nga ɔ ´ju sran kpa'm be su nin ng'ɔ ´ju sran tɛ'm be su'n be yo kun liɛ'n, a su yo-mɛn i sɔ mlɔnmlɔn. ?Wɔ bɔ a di asiɛ'n sufuɛ'm be kwlaa be jɔlɛ'n, sɛ a di-man nanwlɛ'n, wan yɛ ɔ di i ekun-ɔn?»

2 Samiɛl 19:7

Afin a klo ɔ kpɔfuɛ mun, kpɛkuun a kpɔ ɔ klofuɛ mun. Ndɛkɛn w'a kle e kɛ wɔ alɛ kpɛn mun, ɔ nin ɔ sran'm be ti-man like fi ɔ nyrun. N wun i wlɛ kɛ sɛ e kwlaa'n e wuli yɛ Absalɔm kunngba kali lɛ'n, wuun i li yoli ɔ fɛ.

2 Samiɛl 3:39

B'a sie min famiɛn sɔ, sanngɛ mín sa'n nian tin-man. E nin Zɛriza i mma mun e sɛ-man. Man Anannganman bɔbɔ yɛ ɔ fa sran ng'ɔ yo sa tɛ'n i nuan akatua'n mɛn i-ɔ.»

Nyanndra Mun 17:15

Kɛ Anannganman nyin fa ci sran nga bɔ sɛ i wiengu kun yo i sa-a, ɔ blublu su bɔ i waan nán be se kɛ i yɛ ɔ yoli'n, i kunngba'n yɛ i nyin fa ci sran nga bɔ sɛ i wiengu kun ɔ'a yo-man sa kpɛkuun ɔ kpɛ suɛn tɛ i wun'n .

Nyanndra Mun 18:5

Sran nga b'ɔ yo sa'n, ɔ fata-man kɛ be jrɛn i sin nan be fa ndɛ'n gua sran nga bɔ ɔ'a yo-man sa'n i su.

Mise 5:1

Anannganman kan ndɛ kleli Bɛtleɛm-Efrata, ɔ seli kɛ: «Bɛtleɛm-Efrata, wɔ bɔ a ti Zida akpasua'n be nun kaan kpa'n, ɔ su lɔ yɛ sran ng'ɔ ko sie Izraɛl'n ɔ ´fin fite-ɔ. Sran sɔ'n i afiliɛ'n fin lalafuɛ nun, ɔ ti adudua .»

Jean 18:22

Kɛ Jésus ´se sɔ'n, wuun sonja kun mɛntɛn i lɛ. Ɔ kpacili i nyin nun, yɛ ɔ seli i kɛ: «?Ndɛ nga a kan kle Nyanmiɛn nyrun jranfuɛ'm be su kpɛn'n yɛ?»