Nyanndra Mun 17:25 - NYANMIƐN NDƐ'N 1998

²⁵ Ba ng'ɔ si-man ngwlɛlɛ'n, akluntitiɛ'n yɛ ɔ fa mɛn i si-ɔ. Ngokoɛ'n kusu yɛ ɔ fa mɛn i nin b'ɔ wuli i nin-ɔn.

Nyanndra Mun 17:25 ပူးပေါင်းရင်းမြစ်များ

2 Samiɛl 19:1

Famiɛn'n i wun usuli i, kpɛkuun ɔ fuli klɔ'n wun talɛ'n su nglo sua'n su lɔ. Ɔ sunnin, ɔ ´nanti'n, wuun ɔ ´yi ngwlɛ se kɛ: «Mín wa Absalɔm ee, ɔ o mín wa, mín wa Absalɔm ee! ?Ɔ yo sɛ ti yɛ m bɔbɔ m'an wu-man nan w'a ka-man lɛ-ɔ? Cuekee, Absalɔm mín wa, mín wa.»

Nyanndra Mun 10:1

Salomɔn i nyanndra. Ba ng'ɔ si akunndan'n ɔ yo man i si klun jɔ dan. Ba ng'ɔ wun-man sa wlɛ'n kusu ɔ wlɛ i nin klunngbɔ.

Nyanndra Mun 15:20

Ba ng'ɔ ti akunndanfuɛ'n, i si klun jɔ i wun. Sinnglinfuɛ'n kusu ɔ bu-mɛn i nin sran.

Nyanndra Mun 17:21

Sran ng'ɔ wu sinnglinfuɛ'n, klunngbɔ'n yɛ ɔ kun i-ɔ. Sinnglinfuɛ'n si i klun jɔ-man le.

Nyanndra Mun 19:13

Ba nga b'ɔ si-man ngwlɛlɛ'n, i si ti nyrɛnnɛnfuɛ. Bla ng'ɔ klo utre'n, ɔ ti kɛ crɔlɔ b'ɔ gua-a ɔ lɛ-man kpɛbo'n sa.

Nyanndra Mun 23:25

I sɔ aklunjuɛ liɛ'n, fa man ɔ́ si nin ɔ́ nin. Fa man ɔ́ nin b'ɔ wuli wɔ'n.

Nyanndra Mun 29:15

Nyantiaan'n nin fɔ tulɛ'n be kle ngwlɛlɛ, sanngɛ ba nga bɔ i bɔbɔ yɛ ɔ sie i wun'n, ɔ guɛ i nin nyin ase.