Nyanndra Mun 17:24 - NYANMIƐN NDƐ'N 1998

²⁴ Sran ng'ɔ si sa'n, akunndan ndɛ mlin-mɛn i klun le, sanngɛ sran ng'ɔ wun-man sa wlɛ'n, like nga be o mmua-mmua'n, be akunndan yɛ ɔ bu-ɔ.

Nyanndra Mun 17:24 ပူးပေါင်းရင်းမြစ်များ

Jue Mun 119:37

Yo man n yi min nyin ninnge ngbɛn-ngbɛn'm be su, yo man n nanti wɔ atin'n su.

Nyanndra Mun 14:6

Sran ng'ɔ to sran mma'n, ɔ kunndɛ ngwlɛlɛ-ɔ, ɔ nyɛn-mɛn i. Sran ngwlɛlɛfuɛ'n, i sa wlɛ wunlɛ'n ɔ ti pɔpɔ ngbɛn i sa nun.

Nyanndra Mun 15:14

Sran ng'ɔ bu akunndan'n, wuun ɔ klo kɛ ɔ ´si ngwlɛlɛ. Sanngɛ be nga sinnzin'n ɔ'a di be buɛ'n, finfin'n yɛ be waan be fa man be nan be yo-ɔ.

Nyanndra Mun 17:25

Ba ng'ɔ si-man ngwlɛlɛ'n, akluntitiɛ'n yɛ ɔ fa mɛn i si-ɔ. Ngokoɛ'n kusu yɛ ɔ fa mɛn i nin b'ɔ wuli i nin-ɔn.

Nyanndra Mun 23:5

Kɛ sika'n wo lɛ'n, ɔ ti kɛ anunman nyin b'ɔ tu kɔ nglo mmua'n sa. Ɔ lɛ ndɛwa yɛ ɔ o lɛ-ɔ. Kɛ ɔ waan a ´nian'n, wuun ɔ'a tu anunman lalaa. ?A kunndɛ i-ɔ a wun i nin?

Akunndanfuɛ'n 2:14

Ngwlɛlɛfuɛ'n ɔ wun ase yɛ sinnglinfuɛ'n nanti i liɛ ble'n nun. Sanngɛ n si kɛ awieliɛ kunngba'n yɛ ɔ wa wie be nnyɔn nin-ɔn.

Akunndanfuɛ'n 6:9

Sɛ sran kun nyin yi like ng'ɔ lɛ i'n, ɔ ti kpa tra kɛ i konvi o like wie su sanngɛ ɔ kwla nyɛn-mɛn i'n. Sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Akunndanfuɛ'n 8:1

?Wan yɛ ɔ ti kɛ akunndanfuɛ'n i sa, b'ɔ si sa nga be ju'n be bo-ɔ? Ngwlɛlɛ'n ɔ fite sran i ngban su, kpɛkuun i nyrun wiwi'n i kwlaa wie.

Jean 7:17

Sran ng'ɔ klo kɛ ɔ ´yo Nyanmiɛn klun sa'n, ɔ ´si kɛ like nga n kle'n ɔ fin i annzɛ m bɔbɔ n kpɛ n klun yɛ n kle-ɔ.

1 Jean 2:16

Like nga be yo be mɛn'n nun'n i kwlaa'n: bé nyin b'ɔ blo ninnge'm bé su'n, nin akunndan nga be bu fa gua ninnge nga be wun be'n bé su'n, ɔ nin be wun tulɛ'n, i kwlaa sɔ'n i wie fi fin-man e Si'n, sanngɛ be ti mɛn'n nun nzuɛn.