Nyanndra Mun 17:2 - NYANMIƐN NDƐ'N 1998

² Akua ng'ɔ ti ngwlɛlɛfuɛ'n i nyrun ba nyan tra awlo ba nga b'ɔ si-man ngwlɛlɛ'n. Ɔ man sɛ be ´cɛ awlo aja ninnge'n, bé wla fi-mɛn i su.

Nyanndra Mun 17:2 ပူးပေါင်းရင်းမြစ်များ

Nyanndra Mun 10:5

Sran nga bɔ wawa'n kpɛn-ɔn ɔ kunndɛ aliɛ sie'n, i sɔ sran liɛ'n ɔ ti ngwlɛlɛfuɛ. Sran nga kusu bɔ aliɛ fitelɛ blɛ'n nun ɔ lafi'n, i sɔ sran liɛ'n, ɔ guɛ i si nin i nin bé nyin ase.

Nyanndra Mun 11:29

Sran nga ndɛnngan yɛ ɔ kpɛ yi i awlo nun'n, ɔ nyan-man like fi. Sinnglinfuɛ'n ɔ ti ngwlɛlɛfuɛ'n i akua.

Nyanndra Mun 14:35

Famiɛn'n ɔ yi i mantanfuɛ bɔ be si ngwlɛlɛ'n be ayɛ, sanngɛ ɔ fa ya be nga be yo-man sa kpa'n bé wun.

Nyanndra Mun 17:1

Sɛ a nyan ɔ kpaun kee sin kan a di nan ndɛnngan nun-mɛn i sin'n, i li flunman tra kɛ a nyan aliɛ fɛ di sanngɛ awlo nga a o nun'n ɔ ti ndɛnngan-ndɛnngan ngunmin'n.

Nyanndra Mun 17:3

Sin yɛ be fa sa sika ɔkwlɛ'n nin jɛtɛ ufue'n be nian-an. Sanngɛ sran ng'ɔ sa sran i klun lɔ akunndan'n nian'n yɛlɛ Anannganman.

Nyanndra Mun 19:26

Sran nga b'ɔ yo i si kpokokpoko'n, b'ɔ kɛnkɛn i nin bo'n, i sɔ ba liɛ'n i si nin i nin bé nyin gua ase.

Nyanndra Mun 29:15

Nyantiaan'n nin fɔ tulɛ'n be kle ngwlɛlɛ, sanngɛ ba nga bɔ i bɔbɔ yɛ ɔ sie i wun'n, ɔ guɛ i nin nyin ase.

Akunndanfuɛ'n 4:13

Gbanflɛn yalɛfuɛ b'ɔ si ngwlɛlɛ'n, ɔ flunman tra famiɛn bɔ ɔ'a yo kpɛnngbɛn b'ɔ fa-man afɔtuɛ'm be su kun'n.