Nyanndra Mun 17:17 - NYANMIƐN NDƐ'N 1998

¹⁷ Janvuɛ kpa'n ɔ nunnun wunfle. Be niaan'n kusu, ɔ nunnun mmoja.

Nyanndra Mun 17:17 ပူးပေါင်းရင်းမြစ်များ

2 Samiɛl 1:26

Zonatan min niaan, min anwlɛn'n ɔ'a kpɛ min klun wɔ ti. Wɔ yɛ man min klun jɔ-ɔ. Klolɛ nga a fa klo min'n, be fa-man bla'm be klolɛ'n fa sunnzun-mɛn i.

2 Samiɛl 15:21

Itai tɛli famiɛn'n su kɛ: «N kan Nyanmiɛn ɔ nin wɔ be ti, Nannan, kan kwlaa nga a ´kɔ'n, n ´kɔ wie. Sɛ a ´tran nguan nun o, sɛ a ´wu o, min nin wɔ-ɔ.»

Ɛstɛr 4:14

Sɛ ɔ waan a ko wun-man famiɛn'n wun'n, Zuif'm bé delɛ'n ´fin lika uflɛ ´ba. Be ´fite nun, sanngɛ a nin ɔ́ si i akpasua liɛ'n, amun ´wu. ?I kpa'n, sɛ sa nga ti yɛ man a kacili famiɛn i yi nin a o, e wun i wlɛ sɛ?»

Nyanndra Mun 16:28

Utre ba yɛ gblɛfuɛ'n ɔ kpɛ-ɔ. Abla difuɛ'n ɔ saci janvuɛ nin janvuɛ be afiɛn.

Nyanndra Mun 18:24

Janvuɛ kaka'n kwla kun be, sanngɛ janvuɛ'n wie kusu ti kpa tra be niaan.

Nyanndra Mun 19:13

Ba nga b'ɔ si-man ngwlɛlɛ'n, i si ti nyrɛnnɛnfuɛ. Bla ng'ɔ klo utre'n, ɔ ti kɛ crɔlɔ b'ɔ gua-a ɔ lɛ-man kpɛbo'n sa.

Nyanndra Mun 19:7

Yalɛfuɛ'n i niaan'm be bɔbɔ be kpɔ i, nan nán se kɛ i janvuɛ mun. Sɛ i waan ɔ ´koko yalɛ-ɔ, ɔ kunndɛ be-ɔ ɔ wun-man be.

Hébreu 2:11

Afin i b'ɔ man sran'm bé wun sa'n wie'n, ɔ nin be nga ɔ man bé wun sa'n wieli'n, ɔ nin be bé si ti kun. I sɔ'n ti yɛ kɛ ɔ se kɛ be ti i niaan'n, nyannzuɛn kun-mɛn i nin-ɔn.

Rit I Wun Ndɛ 1:16

Rit tɛli i su kɛ: «Nán mian min kɛ e nin wɔ e kpaci, nán fuan min. Kan kwlaa nga a ´kɔ'n, e nin wɔ-ɔ. Kan a ´tran lɛ'n, e nin wɔ-ɔ. Ɔ nvle'n ti min nvle. Ɔ Nyanmiɛn'n ti min Nyanmiɛn.

1 Samiɛl 18:3

Zonatan liɛ'n ɔ klo David kpa, i sɔ'n ti, ɔ nin i be tatali bé wun nda kɛ be tra janvuɛ.

1 Samiɛl 19:2

I waan: «Mín si klo kɛ ɔ ´kun wɔ, i sɔ'n ti, ainman nglɛmun siesie ɔ́ wun ye. Kunndɛ lika wie fia nun.

1 Samiɛl 19:3

E nin mín si e ´kɔ lika nga a ´fia lɔ'n nun, n ´kan ɔ ndɛ n ´kle i. N ´wun ng'ɔ ´kan'n, kpɛkuun m ´bo su n ´kle wɔ.»

1 Samiɛl 20:17

Zonatan man David tali nda kɛ ɔ ´klo i titi, afin Zonatan bɔbɔ klo David kɛ ɔ fa klo i bɔbɔ i wun'n sa.

1 Samiɛl 23:16

Sail i wa Zonatan ɔli David wun wunlɛ Ɔrsa lɔ. Ɔ yoli man David i Nyanmiɛn sulafilɛ'n ɔ wa yoli dan.