Nyanndra Mun 17:14 - NYANMIƐN NDƐ'N 1998

¹⁴ Kɛ be ´bo akplowa silɛ'n bo'n, ɔ ti kɛ ce wie yɛ be su bu i sa. I sɔ'n ti, kɛ ngondin'n nian tɔ-man'n, ɔ fata kɛ a cuɛn ɔ́ wun.

Nyanndra Mun 17:14 ပူးပေါင်းရင်းမြစ်များ

2 Samiɛl 19:41

Famiɛn'n wɔli Gilgal. Kimam ko sunmɛnnin i. Zidafuɛ'm be kwlaa, be nin Izraɛlfuɛ'm be bue nga o nglo lɔ'n be ukali famiɛn'n ɔ kpɛli Zurdɛn'n.

2 Be Nyoliɛ 13:17

Kwlalɛ nga Abiza nin Zidafuɛ'm be fa kwlali Izraɛl sonja mun'n yoli dan. Be kunnin be nun sonja kpakpa akpi-akpi ya nnun (500.000).

2 Be Nyoliɛ 28:6

Cɛn kunngba'n nun'n, Pekak b'ɔ ti Rɛmalia wa'n kunnin Zida sonja kpakpa akpi-akpi ya ablaɔn (120.000). Sa nga ti bɔ i sɔ sa'n juli'n, yɛlɛ kɛ be kacili be sin sili Anannganman b'ɔ ti be nannan'm be Nyanmiɛn'n.

Nyanndra Mun 13:10

Tutre'n i like ng'ɔ o su'n yɛlɛ utre ba kpɛlɛ. Be nga be sie bé su, be ti afɔtuɛ'n, be sa nun yɛ akunndan'n wo-ɔ.

Nyanndra Mun 14:29

Sran ng'ɔ fa-man ya ndɛndɛ'n, ɔ ti ngwlɛlɛfuɛ. Sran ng'ɔ fa ya ndɛndɛ'n, ɔ ti sinnglinfuɛ .

Nyanndra Mun 15:1

Sɛ sran fa ya kan ndɛ tɛ kle wɔ nan a tɛ i su amanniɛn su'n, i ya'n ɔ jɔ. Jɔlɛ tɛ'n ɔ klɔklɔ ya.

Nyanndra Mun 16:32

Sran ng'ɔ fa-man ya ndɛndɛ'n, ɔ lɛ nyrun tra safunyrɛn. Yɛ sran ng'ɔ si i wun su nian'n, ɔ tra sran ng'ɔ de klɔ dan kun kpɛkuun ɔ sie klɔ sɔ'n.

Nyanndra Mun 17:19

Sran ng'ɔ klo ndɛnngan'n, i kunngba'n klo sa tɛ yolɛ'n. Sran nga bɔ i klun sa'n cɛnnin trɛ i bɔbɔ'n, ɔ su yo-man kpa.

Nyanndra Mun 19:11

Sran ng'ɔ si ngwlɛlɛ'n ɔ fa-man ya ndɛndɛ. Sa nga be yo i'n, ɔ yaci cɛ, i sɔ yolɛ yɛ ɔ kunndɛ-ɔ.

Nyanndra Mun 20:3

Sa'n i klanman'n yɛlɛ kɛ sɛ be ´si akplowa'n, yi ɔ́ wun nun, nán si wie. San sinnglinfuɛ'm be kunngba cenje yɛ be fa bé ti be tin nun-ɔn.

Nyanndra Mun 25:8

Nán kpli fa ndɛ kɔ nzanman. ?Sɛ a kpli, nan be kan ndɛ nan ɔ tɔ ɔ su'n, a ´yo i sɛ ?

Nyanndra Mun 26:21

Utre klofuɛ b'ɔ wlawla ndɛ'n, ɔ ti kɛ sin nun yie sa, ɔ ti kɛ bunnde nun sin sa. Sɛ sin'n ´nyan ta'n, ɔ fin bunnde'n.

Nyanndra Mun 29:22

Sran nga i anwlɛn ti fufu'n, ɔ kpɛ utre ba. Nga b'ɔ ti nyannyrinfuɛ'n ɔ yo sa tɛtɛ sunman.

Rɔmfuɛ Mun 12:18

Like kwlaa nga amun kwla yo bɔ amun nin sran su kan-man ndɛ'n, amun yo.

1 Tɛsalonikfuɛ Mun 4:11

An `mian amun nyin yo wɛtɛɛ, an `nian amun bɔbɔ amun ninnge'm be nun yo, amun bɔbɔ an `di junman nan amu'an nyan amún nuan nun aliɛ. Kɛ e kan kleli amun sɔ laa-a.