Nyanndra Mun 16:5 - NYANMIƐN NDƐ'N 1998

⁵ Be nga be yo bé wun dandan'n, Anannganman i nyin ci be. Kannzɛ ɔ yo sɛ ɔ su yaci cɛ-man be.

Nyanndra Mun 16:5 ပူးပေါင်းရင်းမြစ်များ

Zɔb I Nyrɛnnɛn Wunlɛ 40:12

Kɛ ɔ nyinma'n ɔ gua wun tufuɛ'm be su bɔ cɛ'n, kpɛkuun kan be ase. Ka lɛ nunkun sran nga be bu-man min Nyanmiɛn min like fi mun.

Ezipt Lɔ Tulɛ'n 20:7

Nán bo min Anannganman bɔ n ti ɔ Nyanmiɛn'n min dunman'n ngbɛn, afin sran ng'ɔ bo min dunman ngbɛn'n, n su yaci-mɛn i lɛ, san n ´tu i fɔ.

Nyanndra Mun 11:21

Kannzɛ ɔ yo sɛ klunwifuɛ'm be fɔ tulɛ'n ɔ su to fuan-man be. Klun-ufuefuɛ'm be osu'n nun mma'm be liɛ'n, be nyan bé ti. Klunwifuɛ mun ɔ lɛ-man kɛ be su nyan-man be klunwi'n i nuan like.

Nyanndra Mun 16:4

Kɛ Anannganman ´yo like kun sa'n ɔ lɛ bo. Klunwifuɛ mun bɔbɔ, jɔlɛ dilɛ cɛn'n nun b'ɔ ´kle be nun'n, ɔ bu i akunndan sie.

Nyanndra Mun 16:6

Sɛ a ti sran kpa bɔ a di nanwlɛ'n, be yaci ɔ́ wun sa be cɛ wɔ. Sran nga i nyin yi Nyanmiɛn'n, ɔ klo-man sa tɛ yolɛ.

Nyanndra Mun 6:29

I kunngba'n yɛlɛ sran i yi bɔ sran uflɛ ko kunndɛ i'n. Sran ng'ɔ kunndɛ i wiengu yi'n, ɔ lɛ-man kɛ be ko tu-mɛn i fɔ.

Nyanndra Mun 8:13

Ɔ min kun ng'ɔ nyin yi Anannganman'n, san kpɔlɛ yɛ a ´kpɔ tɛ nin-ɔn. N liɛ'n, min like nga n klo-mɛn i'n yɛlɛ ijɔlɛ kpakpa'n nin tutre'n, nin sa tɛtɛ'm be yolɛ'n, ɔ nin gblɛgblɛ'm be kpɛlɛ'n.

Ezai 2:11

Sran nga be yo bé wun dandan'n, be wa gua be nyin ase, sran nga be tu bé wun'n, be ´kan be ase. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Ezai 2:12

Anannganman b'ɔ sie mɛn wunmuan'n ɔ'a sie cɛn kun. Cɛn sɔ nun'n, ɔ ´kan be nga be tu bé wun'n be ase, ɔ ´kan be nga be yo bé wun dandan'n be ase, ɔ ´kan be nga be man bé wun su'n be ase .

Ezai 3:11

Sran tɛ'n, i yako! Ɔ wo atin tɛ'n su, afin sa ng'ɔ siesie'n, yɛ be ´fa yo i-ɔ.»

Zeremi 13:15

An `sie amún su tie. An `yaci amún wun tulɛ'n. Anannganman'n kan ndɛ.

Jacques 4:6

Sanngɛ ye nga Nyanmiɛn yo ye'n ti dan, afin be klɛli i kɛ: «Nyanmiɛn nin be nga be tu be wun'n mun be lɛ i, sanngɛ ɔ yo aenvuɛfuɛ'm be ye .»