Nyanndra Mun 16:24 - NYANMIƐN NDƐ'N 1998

²⁴ Klolɛ ndɛ'n ti kɛ awɛma nzue sa, ɔ ti nɛnkɛn-nɛnkɛn, yɛ ɔ yo be wunnɛn'n i juejue.

Nyanndra Mun 16:24 ပူးပေါင်းရင်းမြစ်များ

Jue Mun 119:103

Sa nga ɔ waan a ´yo be man min'n be yo min fɛ lele bobo su. Be fɛ'n ɔ tra awɛma nzue.

Jue Mun 19:10

Be nyin b'ɔ yi Anannganman'n ɔ ti like kpa. Ɔ sin-man le. Anannganman i jɔlɛ ng'ɔ di be'n, be ti i su. Ɔ lɛ-man kun b'ɔ ti-man nanwlɛ-ɔ.

Nyanndra Mun 12:18

Sran ng'ɔ ´kan ndɛ-ɔ ɔ bu-mɛn i sin'n, i nuan nun ndɛ'n ɔ yra fiaan kɛ kue yɛ b'a fa wɔ sran sa. Akunndanfuɛ'm be kusu kɛ be kan ndɛ sa'n, ɔ klun tɔ nun sa fɔuun!

Nyanndra Mun 15:23

Sɛ be usa wɔ ndɛ nan a si su tɛ klanman'n, ɔ man wɔ aklunjuɛ. Ndɛ ng'ɔ ju i kanwlɛ cɛ kpɛkuun b'a kan'n, i fɛ b'ɔ yo'n, be kan-man.

Nyanndra Mun 15:26

Anannganman i nyin ci akunndan tɛ'n. Ndɛ nga sran ti-ɔ, ɔ ukɛ i'n, yɛ ɔ jɔ i klun-ɔn.

Nyanndra Mun 17:22

Aklunjuɛ'n ti kɛ ayre sa. Sɛ be klun ti-man jɔwa'n, bé wun kpaja-man be.

Nyanndra Mun 23:16

Sɛ a di nanwlɛ'n, n klun ´jɔ kpa!

Nyanndra Mun 27:9

Nyanngo nin parfɛn'n, be jɔ sran anwlɛn. Afɔtuɛ kpa bɔ sran kun mɛn i janvuɛ'n, i klolɛ ti'n, ɔ jɔ anwlɛn tra su.

Nyanndra Mun 3:8

I liɛ'n, ɔ wunnɛn'n nun ´sanndi wɔ weiin, ɔ́ wun ´jɔ wɔ fɔuun!

Nyanndra Mun 4:22

Afɔtuɛ sɔ'm be man be nga be si fa sie'n be nguan, be yɛ man bé kplo'n nun yo be juejue-ɔ.

Akunndanfuɛ'n 12:10

Akunndanfuɛ'n ɔ niannin nun kpa kunndɛli fɔnvɔlɛ ndɛ kpakpa mun. Ndɛ ng'ɔ klɛli be'n kusu, kɛ sa'n fa ti'n yɛ ɔ niannin su klɛli-ɔ.

Ngɔjue Fɛfɛ Kpa'n 4:11

Min yi, ɔ nuan bui'm be su ti nɛnkɛn-nɛnkɛn kɛ awɛma nzue sa. Ɔ taaman'n i bo ti awɛma nzue nin nɔnnɔn ngunmin. Ɔ tralɛ'm be bɔn klanman kɛ Liban waka mun sa.

Zeremi 15:16

Kɛ ɔ́ nuan ndɛ'n ko to min sa'n, n ka lɛ n sɔ nun. Ɔ ndɛ'n yo min fɛ, ɔ ndɛ sɔ'n ti man min klun jɔ. Afin Anannganman Nyanmiɛn, ɔ bɔ a sie mɛn wunmuan'n, ɔ dunman'n wo min su.

Mmla'n 32:2

Man like nga n kle sran mun'n, ɔ yo kɛ nzue yɛ ɔ su tɔ sa. Man min ndɛ nga n kan be mun'n, be yo kɛ nglɛmun bɔlɛ'n b'ɔ gua'n sa. Man be yo kɛ nzue b'ɔ gua nnya'm be su'n sa. Man be yo kɛ nzue b'ɔ gua ijre'm be su'n sa.

Sa nglô yile 10:10

N sɔli fluwa kaan b'ɔ o anz'n sa nun'n nun, m mɛnnin. Kɛ ɔ o mín nuan nun'n, ɔ yoli mlɛn-mlɛn kɛ wɛma nzue sa, sanngɛ kɛ m mɛnnin'n, ɔ yoli wiwi n klun lɔ .