Nyanndra Mun 16:22 - NYANMIƐN NDƐ'N 1998

²² Be nga be si akunndan'n, akunndan silɛ'n man be nguan. Yɛ be nga be lɛ-man akunndan'n, be afɔtuɛ'n yɛlɛ fia bɔ be bo'n.

Nyanndra Mun 16:22 ပူးပေါင်းရင်းမြစ်များ

Nyanndra Mun 10:11

Sran kpa'n i nuan nun ndɛ'n ɔ man nguan. Klunwifuɛ'm be kusu, be ´kan ndɛ sa-a, ɔ waan ndɛ kpa yɛ be ´kɛn i lɛ-ɔ.

Nyanndra Mun 13:14

Akunndanfuɛ'n i nuan nun ndɛ ng'ɔ kan'n, ɔ man nguan. Ɔ man wie'n ɔ to fuan sran.

Nyanndra Mun 14:27

Bé nyin b'ɔ yi Anannganman'n, ɔ man be nguan tɛnndɛn. Ɔ yo man sa nga be yo-ɔ, be wu ndɛndɛ'n ɔ to fuan be .

Nyanndra Mun 15:2

Ndɛ ng'ɔ fin ngwlɛlɛfuɛ'm bé nuan fite'n, sran ti-ɔ ɔ yo i fɛ. Be nga be si-man ngwlɛlɛ'n, be liɛ, ng'ɔ fin bé nuan fite'n, ɔ ti sinnzin ndɛ ngunmin.

Nyanndra Mun 15:28

Sran ng'ɔ ti sran kpa'n, ɔ bu sa sin nan ɔ'a tɛ ndɛ su. Klunwifuɛ'm be liɛ'n, be jranjran-man sran wun ndɛ tɛtɛ kanlɛ'n wun.

Nyanndra Mun 16:21

Sran ng'ɔ si akunndan'n, be flɛ i ngwlɛlɛfuɛ. Sran ng'ɔ kan ndɛ amanniɛn su'n ɔ kan ndɛ-ɔ be fa.

Nyanndra Mun 16:23

Be nga be si ngwlɛlɛ'n, be bu ndɛ sin nan b'a kan. Ɔ man ndɛ ng'ɔ fin bé nuan fite'n, ɔ ti ngwlɛlɛ ndɛ.

Nyanndra Mun 18:4

Sran nuan ndɛ'n, ɔ ti kploun kɛ nzue bunman sa. Be si-mɛn i ngba bo. Nzue ti'n i nun nzue'n, sɛ be nɔn-ɔn, be anwlɛn ba'n tɔ nzue nun, kɛ ngwlɛlɛ'n ti sɔ-ɔ.

Nyanndra Mun 18:7

Sinnglinfuɛ'n i ndɛ ng'ɔ kan'n, ɔ ti i bɔbɔ i nguan nyanman nun kpɛkpɛlɛ. I bɔbɔ i nuan'n yɛ ɔ kun i-ɔ.

Nyanndra Mun 3:22

Be yɛ be ti ɔ nguan nyanman nin-ɔn. Be yɛ be ti ɔ kɔmin njuaba nin-ɔn.

Matthieu 15:14

An `yaci be lɛ, be ti anyansifuɛ bɔ be tra be wiengu anyansifuɛ kpɔnman. Sɛ anyansifuɛ kun trɛ i wiengu anyansifuɛ kpɔnman'n, be nnyɔn'n be ´tɔ kunman nun.»

Jean 5:24

Nanwlɛ, sran ng'ɔ tie min ndɛ'n nan ɔ lafi sran ng'ɔ sunmannin min'n su'n, ɔ lɛ Anannganman nguan, be su fɛ i kɔ-man jɔlɛ difuɛ'n i ja su. Ɔ'a nyɛn i ti wie'n sa nun, yɛ ɔ'a nyan nguan.

Jean 6:63

Nyanmiɛn Wawɛ'n yɛ ɔ man nguan nin-ɔn, be wunnɛn'n kwla yo-man like fi. Ndɛ nga n kan kleli amun'n be ti Nyanmiɛn Wawɛ'n liɛ, be man nguan.

Jean 6:68

Yɛ Simɔn Piɛr seli i kɛ: «Wan sin yɛ e ´kɔ-ɔ? Ɔ ndɛ'n yɛ man e nyan anannganman nguan-an.