Nyanndra Mun 16:21 - NYANMIƐN NDƐ'N 1998

²¹ Sran ng'ɔ si akunndan'n, be flɛ i ngwlɛlɛfuɛ. Sran ng'ɔ kan ndɛ amanniɛn su'n ɔ kan ndɛ-ɔ be fa.

Nyanndra Mun 16:21 ပူးပေါင်းရင်းမြစ်များ

1 Famiɛn Mun 3:12

i ti like nga a usali'n, n wa yo man wɔ. N wa man wɔ ngwlɛlɛ, a ´yo akunndanfuɛ dan. Sran fi nian nyɛn-mɛn i sɔ ngwlɛlɛ'n le, yɛ sran fi su nyɛn-mɛn i sɔ le nan kɛ ɔ ´yo ɔ'a yo-ɔ.

Jue Mun 45:2

Ndɛ fɛfɛ kpa'n be kpɛn mín klun kɛ n `kpɛ jue nga m man famiɛn'n. N klo kɛ n ´kɛn i fɛfɛ kpa nan ɔ yo klanman kɛ be bɔ be si fluwa klɛ kpa'n be liɛ'n sa.

Nyanndra Mun 10:13

Sran ng'ɔ si ngwlɛlɛ'n, kɛ ɔ ´ijɔ sa'n be wun i, sanngɛ sran ng'ɔ wun-man sa wlɛ'n, ngble'n yɛ ɔ jin i sin'n su-ɔ.

Nyanndra Mun 10:23

Sa tɛ yolɛ'n ti ngowa like sran ng'ɔ si-man ngwlɛlɛ'n i sa nun. Ngwlɛlɛfuɛ'n kusu i like liɛ b'ɔ si i'n yɛlɛ akunndan.

Nyanndra Mun 10:8

Sran nga be wuli i akunndanfuɛ'n, be kan ndɛ be kle i-ɔ, ɔ ti. Sran nga bɔ jɔlɛ tɛ yɛ ɔ o i nuan'n, ɔ ti mlinfuɛ.

Nyanndra Mun 15:7

Ngwlɛlɛfuɛ'm bé nuan nun ndɛ'n ɔ man akunndan. Be nga be si-man ngwlɛlɛ'n, bé ti sɛ liɛ'n wo lɛ ngbɛn, ngwlɛlɛ ba kun sa nun-man nun.

Nyanndra Mun 16:22

Be nga be si akunndan'n, akunndan silɛ'n man be nguan. Yɛ be nga be lɛ-man akunndan'n, be afɔtuɛ'n yɛlɛ fia bɔ be bo'n.

Nyanndra Mun 23:15

Mín wa, sɛ a yo ngwlɛlɛfuɛ'n yɛ n kusu n klun ´jɔ-ɔ.

Nyanndra Mun 27:9

Nyanngo nin parfɛn'n, be jɔ sran anwlɛn. Afɔtuɛ kpa bɔ sran kun mɛn i janvuɛ'n, i klolɛ ti'n, ɔ jɔ anwlɛn tra su.

Akunndanfuɛ'n 12:10

Akunndanfuɛ'n ɔ niannin nun kpa kunndɛli fɔnvɔlɛ ndɛ kpakpa mun. Ndɛ ng'ɔ klɛli be'n kusu, kɛ sa'n fa ti'n yɛ ɔ niannin su klɛli-ɔ.

Ezai 50:4

Anannganman Nyanmiɛn'n ɔ yo man n si ijɔ kɛ be nga be suan like'n be fa ijɔ'n sa, i waan ɔ ´yo nan m'an si ndɛ ng'ɔ fata kɛ n kan nan m'an fa uka be nga b'a fɛ mun'n ti. Nglɛmun kwlaa, ɔ tinnge min, yɛ ɔ kle min wafa nga n ´fa ń su n ´sie ndɛ nga be kan'n i bo'n kɛ be nga be suan like'n be fa yo'n sa'n.

Ndɛ Nga Nyanmiɛn I Nuan Ijɔfuɛ Oze Kannin'n 14:9

?Efraimfuɛ mun, nguɛ ti yɛ man amun ko bua amuɛn ndɛ nun-ɔn? M bɔbɔ min n ´tɛ amun srɛlɛ'n su, n ´nian amun su. M bɔbɔ n ti kɛ siprɛs waka bɔ blɛ kwlaa nun i nnya'm be ti ble mlanmlan klanman'n sa. Min fanngan nun ti yɛ amun ninnge'm be ´yo ye-ɔ.»

Matthieu 11:25

I blɛ sɔ'n nun'n Jésus seli kɛ: «N Si, ɔ bɔ a ti nyanmiɛn su lɔ'n nin asiɛ'n be Min'n, kwla o, yɛlɛ kɛ a fa ninnge nga mun fiali ngwlɛlɛfuɛ nin be bɔ be si sa'n bé wun, sanngɛ a yi be nglo kleli be bɔ be ti kɛ ba kanngan mun sa'n.

JÉSUS-CHRIST I DYASIN FE'N BO LUC KLELI'N 4:22

Be kwlaa be seli kɛ i wun yo be fɛ, ndɛ fɛ b'ɔ kan'n ɔ bo bé nuan, yɛ be seli kɛ: «?Nán Zozɛf wa nin-ɔn?»

Jean 7:46

Yɛ sonja'm be seli kɛ: «Sran fi nian kan-man ndɛ kɛ bian nga sa le.»

Rɔmfuɛ Mun 16:19

Sran'm be kwlaa be se kɛ an ti anyinyiɛfuɛ. Kɛ an yo sɔ'n, ɔ jɔ n klun, sanngɛ n klo kɛ an yo ngwlɛlɛfuɛ bɔ be yo sa sa kpa, n klo-man kɛ sa tɛ bɔ kaan sa tran amun wun.

Jacques 3:17

Ngwlɛlɛ b'ɔ fin nyanmiɛn su'n, sɛ ɔ ti sran'n, wuun e ´se kɛ sa tɛ kaan sa nun-mɛn i wun. Ɔ klo-man ndɛnngan, ɔ ti wɛtɛfuɛ, be nin i kwla koko yalɛ, ɔ si aunnvuɛ dan, ɔ yo sa kpa, ɔ bu-man sran'n wie kpa tra-man wie, yɛ ɔ klo-man dunman.