Nyanndra Mun 16:20 - NYANMIƐN NDƐ'N 1998

²⁰ Sran ng'ɔ bu akunndan'n ɔ wun i wun fɛ. Sran ng'ɔ fɛ i wun wla Anannganman sa nun'n, i wun jɔ i fɔuun.

Nyanndra Mun 16:20 ပူးပေါင်းရင်းမြစ်များ

1 Be Nyoliɛ 5:20

Alɛ sɔ'n i kunlɛ nun'n, be kpan flɛli Nyanmiɛn nan ɔ'a tɛ be su, afin be fa be wla'n be guɛli i su. Ɔ ukali be, ɔ man be kwlali Agarenfuɛ mun nin be mantanfuɛ mun.

Jue Mun 125:1

Zerizalɛm kɔlɛ'n i su jue. Be nga be fa bé wla'n gua Anannganman su'n, be ti kɛ Siɔn oka b'ɔ keje-man b'ɔ o lɛ titi'n sa.

Jue Mun 146:5

Sran nga bɔ Zakɔb i Nyanmiɛn'n yɛ ɔ ti i ukafuɛ'n, b'ɔ fɛ i wla gua Anannganman b'ɔ ti i Nyanmiɛn'n i su'n, i liɛ su ti ye!

Jue Mun 2:12

Amun `koto i bo nan ɔ'a fa-man ya, nan atin nga amun fa su'n, amu'an mlin-man. Afin ɔ fa ya ndɛndɛ kpa. Sran ng'ɔ kunndɛ fiawlɛ i nun'n, i liɛ su ti ye!

Jue Mun 32:10

Afɛ wafa-wafa'n kwlaa kpɛ sin yia klunwifuɛ'n pɛ, sanngɛ sran ng'ɔ fɛ i wla gua Anannganman su'n, Anannganman niɛn i lika, ɔ yo i kpa.

Jue Mun 34:8

Anannganman i anz'n ɔ bo sin yia be nga bé nyin yi i'n, yɛ ɔ yi be sa kekle'm be nun fite.

Nyanndra Mun 13:13

Sran nga be kan ndɛ kle i-ɔ ɔ kpa su'n, ɔ bo kalɛ. Sran nga kusu bɔ be kpɛn i su-ɔ ɔ kpiti'n, ɔ nyan su muae.

Nyanndra Mun 13:15

Sran ng'ɔ si ngwlɛlɛ'n, be bu i sran. Klunwifuɛ'm be atin'n ɔ ti mlinlɛ atin.

Nyanndra Mun 17:2

Akua ng'ɔ ti ngwlɛlɛfuɛ'n i nyrun ba nyan tra awlo ba nga b'ɔ si-man ngwlɛlɛ'n. Ɔ man sɛ be ´cɛ awlo aja ninnge'n, bé wla fi-mɛn i su.

Nyanndra Mun 19:8

Sran ng'ɔ kpɛ ngwlɛlɛ'n i wun atin'n, wuun ɔ klo i bɔbɔ i wun. Sran ng'ɔ tra ngwlɛlɛ'n nun kekle'n, ɔ nyan muae.

Nyanndra Mun 8:35

Afin sran nga b'ɔ nyan min'n, wuun ɔ'a to nguan'n. Sɛ ɔ yo sa tɛ-ɔ, Anannganman kwla yaci cɛ i.

Ezai 30:18

I sɔ'n ti, Anannganman'n sunnzun kɛ ɔ ´yo amun ye, i waan ɔ ´si amun aunnvuɛ. Afin Anannganman ti Nyanmiɛn kun b'ɔ yo sa i nuan su. Be kwlaa bɔ be fa bé wla guɛ i su'n, be liɛ su ti ye .

Daniɛl 3:28

Yɛ famiɛn'n waan: «Be `manman Sadrak nin Mesak, ɔ nin Abɛd-Nego be Nyanmiɛn'n. Afin ɔ sunmɛnnin i anz'n kɛ ɔ wa de i sufuɛ mun. Be fali be wla'n be guɛli i su, i ti b'a fa-man min nuan ndɛ'n su. Be kplinnin su kɛ be `kle be wunnɛn i yalɛ, afin be wunnin i kɛ i sɔ'n ɔ ti kpa tra kɛ b'a yaci be Nyanmiɛn'n lɛ nan b'a su amuɛn mun.

Daniɛl 6:23

Min Nyanmiɛn'n sunmɛnnin i anz'n kun ɔ wa katali asɔmɔli'm bé nuan'n. B'a yo-man min like fi. Afin Nyanmiɛn wunnin i kɛ m'an yo-man sa tɛ fi, yɛ Nannan, wɔ kusu, m'an yo-man sa tɛ fi ɔ́ wun .»

Matthieu 10:16

«An `nian, amun bɔ an ti kɛ bua mun sa'n, n ´sunman amun gboklo'm be afiɛn. I sɔ'n ti, an `yo ngwlɛlɛfuɛ kɛ wuo sa, yɛ an `yo wɛtɛɛfuɛ kɛ auble sa.