Nyanndra Mun 16:2 - NYANMIƐN NDƐ'N 1998

² Like nga sran kun yo i sa'n, ɔ bu i klun lɔ kɛ like sɔ'n ti kpa i ti yɛ ɔ yo-ɔ, sanngɛ sran ng'ɔ si e klun akunndan mun'n yɛlɛ Anannganman .

Nyanndra Mun 16:2 ပူးပေါင်းရင်းမြစ်များ

Jue Mun 36:2

Klunwifuɛ'n i nyin kekle ndɛ'n b'ɔ kan'n, ɔ o min klun. Ɔ se kɛ sa kpa nga ti bɔ be sro Nyanmiɛn'n ɔ wun-mɛn i .

Nyanndra Mun 12:15

Sran ng'ɔ wun-man sa wlɛ'n, i nyrun atin'n ti kunngba trelele, sanngɛ sran ng'ɔ ti akunndanfuɛ'n be tu i fɔ-ɔ ɔ fa.

Nyanndra Mun 16:25

Atin wie o lɛ'n a wun i-ɔ, ɔ waan ɔ ti kpa sanngɛ i agualiɛ'n yɛlɛ wie.

Nyanndra Mun 17:3

Sin yɛ be fa sa sika ɔkwlɛ'n nin jɛtɛ ufue'n be nian-an. Sanngɛ sran ng'ɔ sa sran i klun lɔ akunndan'n nian'n yɛlɛ Anannganman.

Nyanndra Mun 21:2

Like nga sran bɔbɔ yo'n, ɔ ti kpa i nyrun, sanngɛ sran nga b'ɔ sunnzun sran klun akunndan'n yɛlɛ Anannganman.

Nyanndra Mun 24:12

Sɛ a se kɛ: «M'an wun-man nun o!» Nyanmiɛn bɔbɔ si nun. Ɔ si ɔ sa nga a yo be'n. I nyin ta wɔ. Ɔ si sa ngba. Sran kun i sa ng'ɔ yo be'n, i su yɛ ɔ nian fa bu i fɔ-ɔ.

Nyanndra Mun 30:12

Sran'n wie o lɛ'n, ɔ bu i wun saun kusu wuun ɔ nian salo-mɛn i wun fiɛn'n le.

Nyanndra Mun 5:21

Atin nga sran kun fɛ i sa'n, ɔ lɛ-man kun nga Anannganman nyin ta-man su-ɔ . Ɔ wun i ngba'n kwlakwla kpan!

Ezai 26:7

Sran kpa'n i atin'n ti sein. Anannganman, wɔ bɔ a yo sa i nuan su'n, a siesie sran kpa'n i atin'n mɛn i.

Zeremi 17:10

«M bɔbɔ min Anannganman n si klɔ sran klun akunndan'n, n wun i anwlɛn'n nun lɔ. Ɔ man n nian kɛ sran kun fa nanti'n. N nian kɛ i aeliɛ'n fa ti'n su yɛ n fɛ i nuan like mɛn i-ɔ.

Daniɛl 5:27

LIKE SUNNZUNLƐ'n i bo'n yɛlɛ kɛ: be sunnzunnin wɔ toe su, be wunnin kɛ a ti fokofoko.

Kalɛ 22:32

Anz'n usɛli i kɛ: «?Nguɛ ti yɛ w'a bo wɔ aflunmun'n lele kpɛ nsan sɔ nin-ɔn? Nian m buli ɔ nyrun, yɛlɛ kɛ atin nga a fa su yɛ'n ɔ ´fa wɔ kɔ mlinlɛ nun.

JÉSUS-CHRIST I DYASIN FE'N BO LUC KLELI'N 16:15

Yɛ ɔ seli be kɛ: «Amun liɛ'n, an ti sran bɔ an yo amún wun sran'm be nyrun kɛ an ti sran kpa, sanngɛ Nyanmiɛn si amun klun akunndan'n, afin like nga sran'm be klo i be bu i like kpa'n, ɔ ti kain Nyanmiɛn nyrun .

Sa nglô yile 2:18

«Nian ndɛ nga n klo kɛ a klɛ ko man Tiatir lɔ asɔnun'n i anz'n yɛ: ‹M bɔ n ti Nyanmiɛn Wa'n, bɔ min nyinma'm be sɔ kɛ sin sa'n, bɔ n ja'm be ti kɛ aaba bɔ b'a kpitɛ i wun sa'n, n se kɛ yoo :

Sa nglô yile 2:23

N ´kun i mma mun, ɔ man asɔnun'm be kwlaa be ´si kɛ min yɛ n si sran'm be akunndan'n nin sa ng'ɔ o be klun lɔ nin-ɔn. Like nga an yoli'n, n ´fa sran kun liɛ ng'ɔ yoli'n i nuan like n mɛn i .

Jɔlɛ Difuɛ Mun 17:6

I blɛ sɔ nun'n, wuun famiɛn nun-man Izraɛl mɛn'n nun mlɔnmlɔn. Sran kun i klunklo like nga i waan ɔ ´yo'n yɛ ɔ yo-ɔ.

Jɔlɛ Difuɛ Mun 7:6

Be nga be sa nzue'n bé sa nun nɔnnin'n be ti sran ya nsan. Be onga'm be kotoli, be boli bé ti nzue'n nun yɛ be nɔnnin-ɔn.

1 Samiɛl 16:7

Sanngɛ Anannganman seli Samiɛl kɛ: «Nán niɛn i nyrun waka'n ti, ɔ nin i tɛnndɛn b'ɔ ti'n ti, nɛ́n i yɛ n kɛn i ndɛ nin-ɔn. Min akunndan nin sran'm be liɛ'n ti-man kun, afin sran'm be nian nga be nyinma wun i'n, sanngɛ min liɛ'n, n nian lele ju anwlɛn'n i bo lɔ.»

1 Samiɛl 2:3

Man be yaci ndɛ dandan'm be kanlɛ beblebe'n! Man be yaci ndɛ tɛtɛ'm be kanlɛ, afin Anannganman ti Nyanmiɛn kun b'ɔ si sa'n ngba, yɛ sɛ n ´kwla se'n, ɔ sunnzun sa'n kwlaa i toe'n su.