Nyanndra Mun 16:18 - NYANMIƐN NDƐ'N 1998

¹⁸ Bé nuan dilɛ'n yi be ase. Wun tulɛ'n kusu i sin sa'n yɛlɛ awieliɛ b'ɔ wie be'n.

Nyanndra Mun 16:18 ပူးပေါင်းရင်းမြစ်များ

Ɛstɛr 3:5

Kɛ Aman wun kɛ Mardose koto-mɛn i bo'n, ɔ yoli i ya lele trali su.

Ɛstɛr 6:6

Aman wluli kan famiɛn'n wo lɔ'n. Famiɛn'n usɛli i kɛ: «?Sɛ famiɛn waan ɔ ´manman sran kun'n, nguɛ yɛ ɔ fata kɛ ɔ yo mɛn i-ɔ?» Aman seli i klun lɔ kɛ: «Nga, n si kɛ min cɛ yɛ famiɛn'n kan min manmanlɛ ndɛ lɛ-ɔ, nán sran uflɛ-ɔ.»

Ɛstɛr 7:10

Nan b'a ko bo Aman kɔmin kɔmin bowlɛ ng'ɔ kplɛnnin i Mardose dunman nun'n su. Kɛ ɔ yoli sɔ'n yɛ famiɛn'n i ya'n jɔli-ɔ.

Nyanndra Mun 11:2

Tutre'n i sinma yɛlɛ nyannzuɛn. Akunndan'n kusu ti wun ase kanfuɛ'm be liɛ.

Nyanndra Mun 17:19

Sran ng'ɔ klo ndɛnngan'n, i kunngba'n klo sa tɛ yolɛ'n. Sran nga bɔ i klun sa'n cɛnnin trɛ i bɔbɔ'n, ɔ su yo-man kpa.

Nyanndra Mun 18:12

Tutre'n man be di yalɛ, sanngɛ wun ase kanlɛ'n ɔ man be anyrunnyan.

Nyanndra Mun 29:23

Wun tulɛ'n ɔ gua bé nyin ase. Sanngɛ sran ng'ɔ kɛn i wun ase'n ɔ nyan nyrun.

Nyanndra Mun 8:13

Ɔ min kun ng'ɔ nyin yi Anannganman'n, san kpɔlɛ yɛ a ´kpɔ tɛ nin-ɔn. N liɛ'n, min like nga n klo-mɛn i'n yɛlɛ ijɔlɛ kpakpa'n nin tutre'n, nin sa tɛtɛ'm be yolɛ'n, ɔ nin gblɛgblɛ'm be kpɛlɛ'n.

Zeremi 49:16

A nyinman-nyinman ɔ́ wun, a yo ɔ́ wun dandan sran'm be su ngbɛn. Wɔ bɔ yɛbuɛ buɛ'm be nun yɛ a wo'n, wɔ bɔ kpɔlɛ'm be su nglo-nglo lɔ yɛ a tran'n, ɔli man a yo ɔ́ sua'n nglo mmua lɔ kɛ anunman nyin'n sa, n ´ti wɔ lɔ n ´to yi wɔ ase.› » Anannganman'n yɛ ɔ kan sɔ-ɔ.

Zeremi 50:32

«Wun tufuɛ'n ɔ ´bo nvaka kpɛkuun ɔ ´tɔ. Be su nyan-man sran fi b'ɔ ´mɛn i su-ɔ. N ´fa sin n yi i klɔ'm be nun. I sɔ sin liɛ'n ´didi kɔ klɔ nga be o i asa'm be su'n be su.»

Ezekiɛl 28:17

Ɔ klanman'n ti a tuli ɔ́ wun. A fali ɔ klanman fa sacili ɔ ngwlɛlɛ'n. N ´yi wɔ asiɛ'n su. N ´yo man famiɛn'm be ´yo wɔ kɛ ngowa kanlɛ like sa.

Ezekiɛl 29:9

Ezipt mɛn'n ɔ wa tɔ srolo, sran su tran-man nun. Yɛ sran'm be wa si jrɛiin kɛ min yɛ n ti Anannganman nin-ɔn. Yɛlɛ kɛ a seli kɛ: ‹Nil nzue'n ɔ ti min liɛ, m bɔbɔ yɛ n yili n like-ɔ.›

Daniɛl 11:12

Ezipt famiɛn'n ɔ wa fɛ i kwlalɛ sɔ'n fa tu i wun dan kpa. Ɔ nin i sɔ'n ngba'n, kannzɛ ɔ kunnin sran kpanngban'n, ɔ su kwla-man be guɛ-mɛn i ti nin i bo.

Daniɛl 5:22

Yɛ wɔ Bɛlsazar bɔ a ti i wa'n, a si i kwlaa sɔ'n kpan, sanngɛ a kan-man ɔ́ wun ase mlɔnmlɔn.

Daniɛl 5:24

I sɔ ti yɛ Nyanmiɛn man sran sa'n ɔ wa klɛli fluwa nga-a.

Matthieu 26:74

Yɛ ɔ ´fa Nyanmiɛn wɛwɛ i wun-ɔn, i sin ɔ seli kɛ: «Sɛ m bua ato'n, man Nyanmiɛn wun min. N si-man bian sɔ'n.» Kɛ ɔ yoli sɔ'n yɛ akɔ nyinman'n boli-ɔ.

JÉSUS-CHRIST I DYASIN FE'N BO LUC KLELI'N 14:9

sran ng'ɔ flɛli amun nnyɔn'n, ɔ'a se-man wɔ kɛ jao ɔ bia liɛ'n su mɛn i'n ti. Kɛ a ´jao ko tran siɛn lɔ bia liɛ'n su'n, nyannzuɛn ´kun wɔ.

Rɔmfuɛ Mun 11:20

Ɔ ti sɔ. Nyanmiɛn bɔ be lafi-mɛn i su kpa'n ti yɛ be kpɛkpɛli be-ɔ, ɔ kusu, i su bɔ a lafi'n ti yɛ man a o lɛ-ɔ. Nán tu ɔ wun, sanngɛ nian ɔ wun kpa,

1 Timote 3:6

Nán man ɔ yo sran b'ɔ fɛ i wun man Nyanmiɛn-ɔn ɔ nian cɛ-man, sɛ ɔ yo sɔ'n, ɔ cɛ-man nan ɔ'a tu i wun nan fɔ bulɛ kunngba nga be buli mmusu'm bé si Satan'n b'a bu i wie .

Jɔlɛ Difuɛ Mun 11:28

Amɔnfuɛ'm be famiɛn'n ɔ'a tie-man ndɛ nga Zɛfte sunmannin sran kɛ be ko kan kle i'n.

1 Samiɛl 17:42

Kɛ Filisti bian'n wunnin David'n, ɔ'a bu-mɛn like fi, afin David tɛ yo gbanflɛn kan, ɔ ti kpinndin-kpinndin, i nyrun klanman kan.