Nyanndra Mun 16:14 - NYANMIƐN NDƐ'N 1998

¹⁴ Sɛ famiɛn kun fa ya'n, ɔ kwla kun sran, sanngɛ sɛ ngwlɛlɛfuɛ'n ɔ kpɛtɛ i lele'n, ɔ yaci.

Nyanndra Mun 16:14 ပူးပေါင်းရင်းမြစ်များ

Bo Bolɛ 40:2

Famiɛn'n ɔ fali ya i mantanfuɛ nnyɔn sɔ'm bé wun.

Ɛstɛr 7:7

Famiɛn'n fali ya dan kpa. Ɔ jasoli nzan'n su ɔli awlo'n nun waka'm bé bo lɔ. Aman wunnin kɛ famiɛn'n ɔ'a bu i kunlɛ akunndan, yɛ ɔ kɛli i yi Ɛstɛr wun lɛ kɛ ɔ ´srɛ i nan nán be kun i.

Nyanndra Mun 15:18

Sran ng'ɔ fa ya ndɛndɛ'n ɔ klɔklɔ utre. Sran nga kusu bɔ i anwlɛn'n ti wɛtɛɛ'n ɔ tra utre.

Nyanndra Mun 16:13

Ndɛ nga be kɛn i nin nanwlɛ'n, ɔ yo famiɛn'm be fɛ yɛ be klo sran ng'ɔ di nanwlɛ'n i sa.

Nyanndra Mun 16:15

Kɛ a wun srilɛ puɛpuɛ famiɛn'n nuan'n, wuun ɔ ti kɛ i mɛn'n nun sran'm be di alaje yɛ i aklunye'n ɔ ti kɛ nzue b'ɔ tɔ jɔ lika'n sa.

Nyanndra Mun 17:11

Like kunngba nga klunwifuɛ'n kunndɛ'n yɛlɛ nyin kekle yolɛ. Ɔ man wunnzue'n kwlakwla i ti sin yiɛ i kusu.

Nyanndra Mun 19:12

Kɛ famiɛn kun ko fa ya'n, ɔ yo sro kɛ asɔmɔli b'ɔ su kpan'n sa. Sɛ kusu ɔ nian ɔ nyrun klanman'n, ɔ ti kɛ bɔlɛ b'ɔ gua nnya'm bé su'n sa.

Nyanndra Mun 20:2

Kɛ famiɛn kun ko fa ya'n, ɔ yo sro kpa kɛ asɔmɔli sa. Ɔ min kun nga a klɔklɔ famiɛn'n, wuun ɔ ti kɛ a su kunndɛ ɔ wie.

Nyanndra Mun 29:26

Sran sunman be kunndɛ kɛ sran ng'ɔ sie be'n ɔ yi be ayɛ. Sanngɛ kɛ Anannganman yi sran ayɛ'n, yɛ ɔ ti i su-ɔ.

Nyanndra Mun 29:8

Sran finfin yofuɛ'm be junman liɛ nga be di i klɔ wunmuan nun'n yɛlɛ ndɛnngan ba kpɛlɛ. Akunndanfuɛ'm be kusu be liɛ'n yɛlɛ be bɔ b'a fa ya'n be kpatalɛ.

Akunndanfuɛ'n 10:4

Sɛ sran ng'ɔ sie wɔ'n fa ya ɔ́ wun'n, nán jaso ɔ junman'n su, afin diin tranlɛ'n yo man sa tɛ kpanngban kpa to fuan sran.

Daniɛl 2:16

Yɛ Daniɛl ko toli famiɛn nin-ɔn, ɔ srɛli i kɛ ɔ mɛn i blɛ nan sɛ ɔ yo'n ɔ wa tu laliɛ'n i bo kle i.

Marc 6:27

Kpɛkuun ɔ sunmannin sonja nga be niɛn i su'n be nun kun, ɔ seli i kɛ ɔ ko kpɛ Zan batɛm yofuɛ'n i ti'n blɛ i.

Sa nga bé yôli'n 12:20

Erɔd nin Tirfuɛ mun nin Sidɔnfuɛ'm be di-man. Sanngɛ sran sɔ'm bé bo yoli kun be ɔli i lika lɔ. Kɛ be wunnin Blast b'ɔ nian be famiɛn'n i awlo su'n i wun'n, be ɔli Erɔd kpatalɛ, afin be aliɛ'n kwlaa fin i mɛn'n nun.

2 Korɛntfuɛ Mun 5:20

Ɔ man e ti Krist i ja nun jranfuɛ, ndɛ nga Nyanmiɛn klo kɛ ɔ ´kan kle amun'n, i bɔbɔ fa wla é nuan, ɔ man e ´srɛ amun Krist dunman nun, man Nyanmiɛn siesie amun nin i bɔbɔ amun afiɛn.