Nyanndra Mun 15:5 - NYANMIƐN NDƐ'N 1998

⁵ Ba ng'ɔ si-man ngwlɛlɛ'n, i si tu i fɔ-ɔ ɔ bu-mɛn i ndɛ. Sran nga be ´tu i fɔ b'ɔ ´kplin su lɛ'n, wuun ɔ ti ngwlɛlɛfuɛ.

Nyanndra Mun 15:5 ပူးပေါင်းရင်းမြစ်များ

1 Be Nyoliɛ 28:20

David kɛnnin i ekun kleli i wa Salomɔn kɛ: «Jran kekle, yɛ tra wɔ anwlɛn nan di junman sɔ'n. Nán srɛ kun wɔ, nán ɔ klun titi wɔ, afin Anannganman Nyanmiɛn'n b'ɔ ti min Nyanmiɛn'n ´jran ɔ́ sin. Ɔ su yi-man wɔ ase, ɔ su kpɔci-man wɔ lele yɛ i sua'n i su junman'n ´wie-ɔ.

1 Be Nyoliɛ 28:9

Min wa Salomɔn, ɔ liɛ'n, kplin ɔ́ nyin nan si Nyanmiɛn nga n su i'n kpa. Gua ɔ wla ase nan su i kpa, nán fa like uflɛ ukɛ i su, afin Anannganman nian kɛ e anwlɛn'n fa ti'n. Ɔ si e klun akunndan'n kwlaa. Sɛ a fa ɔ wun mɛntɛn i'n, ɔ ´yi i wun nglo ´kle wɔ, sanngɛ sɛ a kaci ɔ sin a si i'n, ɔ ´yi wɔ blo mlɔnmlɔnmlɔn.

Jue Mun 141:5

Sɛ sran nga a bu i sran kpa'n ɔ bo min'n, fɛ yɛ ɔ yo min-ɔn. Sɛ ɔ tu min fɔ'n, n kplin su. Nɛnnɛn yɛ ɔ su di min-ɔn. Klunwifuɛ mun'n, kannzɛ be yo sa tɛtɛ mun sɛ'n, n su yaci-man ɔ srɛlɛ bɔ n srɛ man be'n .

Nyanndra Mun 1:23

Nán amun yo sɔ. Sɛ an kpɛ amún nyin be ti min afɔtuɛ ndɛ'n, n ´fa n wawɛ'n n ´wla amun nun, yɛ n ´tike min akunndan'm be su n `kle amun .

Nyanndra Mun 1:7

Bé nyin b'ɔ yi Anannganman'n, yɛ ɔ ti ngwlɛlɛ silɛ'n i bo bolɛ nin-ɔn. Be nga be wun-man sa wlɛ'n be bu-man ngwlɛlɛ'n i like fi. Ndɛ nga be kan kle be'n, be bu-mɛn i like fi .

Nyanndra Mun 10:1

Salomɔn i nyanndra. Ba ng'ɔ si akunndan'n ɔ yo man i si klun jɔ dan. Ba ng'ɔ wun-man sa wlɛ'n kusu ɔ wlɛ i nin klunngbɔ.

Nyanndra Mun 13:1

Ba ng'ɔ si ngwlɛlɛ'n i si kan ndɛ kle i-ɔ, ɔ fa. Sanngɛ wun tufuɛ'n klo-man kɛ be tu i fɔ.

Nyanndra Mun 13:18

Sran nga i waan nán be tu i fɔ'n, ɔ yaci-man yalɛ dilɛ, nyannzuɛn kusu yaci-mɛn i kunlɛ le. Sran nga kusu bɔ be tu i fɔ-ɔ ɔ fa sie'n, be yaci-mɛn i mo yolɛ le.

Nyanndra Mun 15:4

Sran ng'ɔ kan ndɛ-ɔ, ɔ man sran wla gua ase'n, i sɔ sran liɛ'n ɔ man bé wun kpinndin be. Sran nga kusu bɔ i nuan nun ndɛ'n ti tɛtɛ'n, ɔ bo wla.

Nyanndra Mun 15:6

Sran ng'ɔ di nanwlɛ'n, ninnge'm be sin yiɛ i. Sran nga kusu b'ɔ di-man nanwlɛ'n, ndɛnngan'n sin yiɛ i.

Nyanndra Mun 19:20

Be man wɔ afɔtuɛ-ɔ, fa ɔ́ su sie su. Lo ɔ́ wun man be kle wɔ ngwlɛlɛ, i liɛ'n cɛn wie a ´fa si ɔ ngwlɛlɛ liɛ.

Nyanndra Mun 25:12

Sɛ akunndanfuɛ tu wɔ fɔ nan a ti'n, i kpa liɛ'n ti kɛ sika ɔkwlɛ nga annzɛ njuaba sa.

Nyanndra Mun 6:23

Afin afɔtuɛ'n ti kɛ kannin sa, ɔ kpaja bé bo. Afɔtuɛ'n ti kɛ tɛ sa, be fa wun bé bo. Fɔ tulɛ nga ngwlɛlɛfuɛ'n tu sran'n, ɔ ti nguan atin yɛ ɔ bo mɛn i-ɔ.

Tite 1:13

I ndɛ sɔ'n ti nanwlɛ. I sɔ'n ti'n, ijɔ be kpa, man be lafi Nyanmiɛn su kpa,

Tite 2:15

Se be kɛ be yo sa sɔ mun, tu be fɔ, sran ng'ɔ yo sa'n, ijɔ i, man be si kɛ Nyanmiɛn yɛ ɔ sieli wɔ kɛ a di junman sɔ nin-ɔn. Nán fa ɔ wun man sran fi man ɔ yo ɔ finfin.