Nyanndra Mun 15:4 - NYANMIƐN NDƐ'N 1998

⁴ Sran ng'ɔ kan ndɛ-ɔ, ɔ man sran wla gua ase'n, i sɔ sran liɛ'n ɔ man bé wun kpinndin be. Sran nga kusu bɔ i nuan nun ndɛ'n ti tɛtɛ'n, ɔ bo wla.

Nyanndra Mun 15:4 ပူးပေါင်းရင်းမြစ်များ

Jue Mun 109:22

N ti nyrɛnnɛnfuɛ, yɛ n ti yalɛfuɛ. Min anwlɛn'n ɔ'a saci min klun lɔ kain.

Nyanndra Mun 10:11

Sran kpa'n i nuan nun ndɛ'n ɔ man nguan. Klunwifuɛ'm be kusu, be ´kan ndɛ sa-a, ɔ waan ndɛ kpa yɛ be ´kɛn i lɛ-ɔ.

Nyanndra Mun 12:18

Sran ng'ɔ ´kan ndɛ-ɔ ɔ bu-mɛn i sin'n, i nuan nun ndɛ'n ɔ yra fiaan kɛ kue yɛ b'a fa wɔ sran sa. Akunndanfuɛ'm be kusu kɛ be kan ndɛ sa'n, ɔ klun tɔ nun sa fɔuun!

Nyanndra Mun 15:3

Anannganman i nyin ta lika'n kwlaa. I nyin ta klunwifuɛ mun nin klun-ufuefuɛ mun .

Nyanndra Mun 15:5

Ba ng'ɔ si-man ngwlɛlɛ'n, i si tu i fɔ-ɔ ɔ bu-mɛn i ndɛ. Sran nga be ´tu i fɔ b'ɔ ´kplin su lɛ'n, wuun ɔ ti ngwlɛlɛfuɛ.

Nyanndra Mun 16:24

Klolɛ ndɛ'n ti kɛ awɛma nzue sa, ɔ ti nɛnkɛn-nɛnkɛn, yɛ ɔ yo be wunnɛn'n i juejue.

Nyanndra Mun 18:14

Sɛ a tɔ tukpacɛ nan ɔ́ wla'n ti-man bowa'n, ɔ uka wɔ. Sanngɛ sɛ ɔ́ wla'n ɔ bo wɔ wun'n, ɔ lɛ-man ayre.

Nyanndra Mun 18:8

Abla difuɛ nuan nun ndɛ'n ɔ ti kɛ like fɛfɛ bɔ be di, ɔ tɔ be klun klanman'n sa.

Nyanndra Mun 26:22

Abla difuɛ nuan nun ndɛ'n ti kɛ like fɛfɛ bɔ be di'n bɔ tɔ be klun lɔ klanman'n sa.

Nyanndra Mun 3:18

Be nga be nyɛn i'n, ɔ man be nguan.

1 Timote 6:3

Sɛ sran wie kle like uflɛ'n, b'ɔ fa-man e Min Jésus-Krist i ndɛ nanwlɛ'n ɔ nin Nyanmiɛn i sulɛ wafa nga ɔ kleli ye kɛ e su i'n su'n,

Sa nglô yile 2:7

Sran ng'ɔ si fa sie'n, man ɔ tie ndɛ nga Nyanmiɛn Wawɛ'n kan kle asɔnun mun'n. Sran ng'ɔ kwla'n, waka b'ɔ man nguan b'ɔ o Nyanmiɛn fie'n su lɔ'n, n ´yo man ɔ ´di i mma .› »