Nyanndra Mun 15:31 - NYANMIƐN NDƐ'N 1998

³¹ Sran nga be man i afɔtuɛ kpa b'ɔ fɛ i su sie i bo'n, be kwla fɛ i be wlɛ i ngwlɛlɛfuɛ'm be nun.

Nyanndra Mun 15:31 ပူးပေါင်းရင်းမြစ်များ

Nyanndra Mun 1:23

Nán amun yo sɔ. Sɛ an kpɛ amún nyin be ti min afɔtuɛ ndɛ'n, n ´fa n wawɛ'n n ´wla amun nun, yɛ n ´tike min akunndan'm be su n `kle amun .

Nyanndra Mun 13:18

Sran nga i waan nán be tu i fɔ'n, ɔ yaci-man yalɛ dilɛ, nyannzuɛn kusu yaci-mɛn i kunlɛ le. Sran nga kusu bɔ be tu i fɔ-ɔ ɔ fa sie'n, be yaci-mɛn i mo yolɛ le.

Nyanndra Mun 13:20

Sran ng'ɔ fɛ i wun mantan ngwlɛlɛfuɛ'n, ɔ kaci ngwlɛlɛfuɛ. Sran nga kusu b'ɔ fɛ i wun mantan sinnglinfuɛ'n, ɔ kaci sinnglinfuɛ.

Nyanndra Mun 15:30

Sɛ be nian ɔ nyrun klanman'n ɔ klun jɔ. Ndɛ fɛ'n kusu sanndi bé wun.

Nyanndra Mun 15:32

Sran nga i waan nán man be tu i fɔ'n, ɔ kpɔ i bɔbɔ wun. Sran nga be tu i fɔ b'ɔ fa'n, i sɔfuɛ'n ɔ ´yo ngwlɛlɛfuɛ.

Nyanndra Mun 15:5

Ba ng'ɔ si-man ngwlɛlɛ'n, i si tu i fɔ-ɔ ɔ bu-mɛn i ndɛ. Sran nga be ´tu i fɔ b'ɔ ´kplin su lɛ'n, wuun ɔ ti ngwlɛlɛfuɛ.

Nyanndra Mun 18:15

Sran ng'ɔ si ngwlɛlɛ'n, ɔ kunndɛ kɛ ɔ ´si sa. Sran ng'ɔ si akunndan'n, akunndan nun ndɛ yɛ ɔ kunndɛ kɛ ɔ ´ti-ɔ.

Nyanndra Mun 19:20

Be man wɔ afɔtuɛ-ɔ, fa ɔ́ su sie su. Lo ɔ́ wun man be kle wɔ ngwlɛlɛ, i liɛ'n cɛn wie a ´fa si ɔ ngwlɛlɛ liɛ.

Nyanndra Mun 25:12

Sɛ akunndanfuɛ tu wɔ fɔ nan a ti'n, i kpa liɛ'n ti kɛ sika ɔkwlɛ nga annzɛ njuaba sa.

Akunndanfuɛ'n 7:5

Kɛ n ko sie mín su sinnglinfuɛ i manmanlɛ jue'n i bo'n, ɔ flunman kɛ n tie afɔtuɛ ndɛ nga ngwlɛlɛfuɛ'n kan kle min'n.

Ezai 55:3

Amun `sie amún su, yɛ amun `bla ń sin. Amun `tie ndɛ nga n kan'n, yɛ amun ´nyan nguan. E nin amun e wa tra aenguɛ, ɔ su saci-man le . Anannganman seli kɛ: «Ye nga n kan kleli David kɛ n ´yo i'n, n ´fa yo amun.

1 Jean 2:19

Sran sɔ mun'n, kɛ bɔ be ti-man e fuɛ sakpa'n, i sɔ'n ti yɛ be yaci ye ɔli nin-ɔn. Sɛ be ti e fuɛ'n, wuun be kali e wun wa. Sanngɛ be yili bé wun sɔ nan sran'm be si weiin kɛ be nun wie fi ti-man e fuɛ.